Daniela 7:5 - Jinghpaw Hanson Version Bible

⁵ Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

Jinghpaw Common Language Bible 2009

⁵ Lahkawng ngu na matse labye dusat gaw tsap hte bung nna shi a hpang lagaw ni hte tsap nga ai. Shi a awa lapran hta garep nra masum makrang da nhtawm, “Gai, nang dang lu ai made matut nna ashan sha u!,” ngu ai nsen langai gaw dai hpe tsun nga ai.

Daniela 7:5 Iomraidhean Croise

2 HKAWHKAM 2:24

Shi mahtang kayin yu nna, shanhte hpe mada yu let, Yehowa a amying hte dagam kau mu ai. Shing rai tsap yi lahkawng, maling de na pru nna ma mali shi lahkawng hpe kawa sat kau mu ai.

GA SHAGAWP 17:12

Angawk ai amu galaw let, angawk ai wa hte hkrum na hta, Kasha mat ai tsap kanu hte hkrum na, grau mai nga ai.

ESAIA 56:9

Pa hkan na matse labye ni hte, maling dinggram na matse labye ni e, kawa sha na matu, sa marit.

Daniela 11:2

Ya chyawm gaw, ngai nang hpe tengman ai lam madun na de ai. Yu u, Persi mung hta e hkawhkam masum naw paw pru na ra ai; mali ngu na wa gaw, kaga mahkra hta sutgan grau lu na ra ai: shi gaw sut su ai majaw, daru magam an wa yang, Heleni mung hpe hpyen gasat na matu, masha yawng mayawng hpe rawt shangun na ra ai.

Daniela 2:39

Na a hpang e, nang hte lawu grit re ai mungdan langai mi pru na ra ai: dai hpang masum ngu na magri mungdan pru nna, dai gaw lamu ga ting hpe up na ra ai.

Daniela 5:28

Peresa, ngu ai gaw, na a mungdan hpe karan kau nna Medi hte Persi masha ni hpe ap kau nu ai, nga ai, rai nga ai,” ngu nna hkawhkam wa hpe tsun dan wu ai.

Daniela 7:4

Shawng na dusat gaw, hkanghkyi hte bung nna, langda singkaw tu nga ai: ngai mada yu nga yang, shi a singkaw hpe baw kau nna, ga de na shalun la hkrum ai hte, masha zawn lagaw lahkawng hte tsap shangun nna, masha myit mung dai wa hpe bang ya nga ai.

Daniela 7:6

Dai hpang ngai mada yu yang, yu u, rawnggawk hte bung ai dusat kaga paw pru nga ai: dai gaw de a marung ntsa e u singkaw mali tu nga ai: dai dusat gaw, baw mali mung tu nna, up ai ahkang aya lu la nga ai.

HOSEA 13:8

Kasha mat ai tsap kanu zawn, ngai shanhte hpe hkap shadang nna, shanhte a myit masin a sap sanap ashep kau na nngai: ngai gaw dai yang e hkanghkyi yi zawn shanhte hpe kawa sha kau na nngai; matse labye ni shanhte hpe amya sha kau na mara ai.”

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw tsap lagaw zawn, shi a n-gup hkanghkyi n-gup zawn rai nga ai: baren numraw gaw, shi a hpung shingkang hte shi a tingnyang mung, kaba la ai ahkang aya mung, dai matse labye hpe ap ya wu ai.