Daniela 7:10 - Jinghpaw Hanson Version Bible

¹⁰ Shi a man e wan grung ai hka hpaw lwi nga ai; marai hkying mi lang hkying mi shi hpe daw jau nna, mun mi lang mun mi, shi a man e tsap nga ma ai: tara dara na matu hkyen nga nna, laika ni hpe hpaw tawn nga ai.

Jinghpaw Common Language Bible 2009

¹⁰ dai kaw nna hka shi langai zawn grung nga ai wan lwi pru nga ai. Shi hpe daw jau na matu masha hkying hkying law ai ni nga nna, wan wan re ai masha ni shi a man e tsap nga ma ai. Dai tara rung gaw jeyang na lamang ni hpe galaw hpang wa let laika buk ni hpe hpaw da nga ai.

Daniela 7:10 Iomraidhean Croise

1 HKAWHKAM 22:19

Bai Mihkaia gaw, “Dai re ai majaw Yehowa a ga madat mara ya u: Yehowa gaw shi a tingnyang hta dung nna, sumsing lamu na zaw nawng zaw wa ni, shi a hkra maga hte pai maga de tsap nga ma ai hpe, ngai mu nngai.

2 HKAWHKAM LABAU 18:18

Bai Mihkaia gaw, “Dai re ai majaw Yehowa a ga madat mara ya mu: Yehowa gaw shi a tingnyang hta dung nna, sumsing lamu na zaw nawng zaw wa ni shi a hkra maga hte pai maga de tsap nga ma ai hpe ngai mu nngai.

YOBA 25:3

Shi a luksuk ni hpe dang hti lu a ni? Shi a nhtoi gaw, gade a ntsa e nhtoi a ni?

SHAKAWN KUNGDAWN 103:21

Shi ra ai hku hkan nang nna, shi a magam bungli, gun hpai ai zaw nawng zaw wa yawng hte e, Yehowa hpe sha-a mu.

SHAKAWN KUNGDAWN 18:8

Shi a ladi hta wan nhkut pru nna, Shi a n-gup na, wan hkru nga ai: Grung ai wan n-ga dai hta grung nga ai.

SHAKAWN KUNGDAWN 50:3

Anhte a Karai Kasang du ra ai rai nna, Shi atsin sha nga nga lu ai n rai; Shi a man e wan a hkru nga nna, Shi a grup yin e laru kaba ru nga ai.

SHAKAWN KUNGDAWN 68:17

Karai Kasang a hpyen leng ni mun lahkawng hte, hkying mi hte hkying mi rai nga lu ai; Dai Madu gaw dai ni hte rau rai nga ai: Chyoi pra ai Sina bum e zawn, bai rai nga ai.

ESAIA 30:27

Yu u, Yehowa a mying nsang gaw sumtsan de na du ra ai; dai gaw shi a pawt bu ai hte hkru nna, htat ai wan hkut mawng nga ai: shi a n-gup gaw pawt kahtet ai hte hpring nna, shi a shinglet hkru ai wan rai nga ai;

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

Daniela 7:22

shanhte gaw dai mungdan hpe madu lu ai aten du hkra, dai nrung kaji gaw, chyoi pra ai ni hpe hpyen gasat nna dang kau nga ai, ngai mu nngai.”

Daniela 7:26

Rai timung, tara dawdan ai aten du na ra ai rai nna, dai wa a ahkang aya dawm la na hte, htum hkra jahten shamyit kau na mu ai.

ZEHKARIA 14:5

Shing rai nanhte gaw, nye a bum yan a lapran kadit lam hku hprawng wa na marin dai; kaning rai nme law, dai bum lapran a kadit gaw, Azela shara du hkra dam na ra ai: gaja wa, Yuda hkawhkam Uzia lakhtak e, dai nnang nawn majaw, nanhte hprawng gat ai hte maren, bai hprawng gat na marin dai; nye a Karai Kasang Yehowa gaw sa du nna, chyoi pra ai ni yawng shi hte rau lawm na mara ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

TARA JAHPRANG 33:2

Shi gaw “Yehowa, Sina bum nna yu wa ra ai, Seira bum shagawng kaw nna, shanhte a matu tu pru nga ai; Hparan bum ntsa e shi dan hkung nga ai; Chyoi pra ai ni mun sen kaw na du sa ra ai: Shi a hkra lata nna shanhte a matu tara wan tu pra nga ai.

HEBRE 1:14

Shanhte yawng mayawng gaw, hkye hkrang la ai Sali wunli hkam la na ni a matu mara, amu gun hpai shangun ai wenyi ni rai nga ma ai, n rai ni?

HEBRE 12:22

Nanhte chyawm gaw, Ziun bum hte hkrung nga ai Karai Kasang a mare ngu ai sumsing lamu na Yerusalem mare de mung, hti n dang lu ai lamu kasa wunawng wuwa ni hpang de mung,

YUDA 1:14

Adam kaw na prat sanit hta du ai Enuk mung, shanhte hpe myihtoi ga tsun mu ai rai nna, Yu mu, yawng mayawng hte hpe tara dara na mara ai rai nna,

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.

SHINGRAN 5:11

Dai shaloi ngai yu yang, tingnyang grup yin e, lamu kasa ga daga hte, dusat amyu mali hte salang ni a nsen hpe ngai na nngai; dai ni gaw mun mi lang mun mi, hkying mi lang hkying mi law nga ma ai rai nna,