Daniela 6:3 - Jinghpaw Hanson Version Bible

³ Ndai Daniela hta nyan kaja rawng ai majaw, shi gaw munggyi kaba ni hte kaga munggyi ni hta ningtawn ningla rai nga nna, shi hpe mungdan ting a ntsa e tawn da na, hkawhkam wa myit ra nga ai.

Jinghpaw Common Language Bible 2009

³ Kade n na yang, Daniela gaw kaga reng hkang ai marai lahkawng hte munggyi ni hta grau mai kaja ai amu bungli galaw lu wu ai hpe madun dan nga ai. Shi gaw grai laklai ai myit nyan hpaji chye ai wa rai nna hkawhkam wa mung hkawseng mungdan ting hpe woi hpareng na matu shi hpe san da na myit da nga wu ai.

Daniela 6:3 Iomraidhean Croise

EZRA 4:22

Ndai lam alawan galaw na sadi mu: hpa majaw hkawhkam ni akyu sum wa ai hkrum na rai ta?” ngu mu ai.

NEHEMIA 7:2

Yerusalem mare hpe up na matu, ngai nau Hanan hte hpyen dap up ai bu Hanania hpe san da mu ai: kaning rai nme law, shi gaw kangka ai hte, masha law law hta Karai Kasang hpe grau nna hkrit hkungga nga ai.

ESHTA 10:3

Kaning rai nme law, Yuda masha Mordehkai gaw, hkawhkam Ahasuru a malai rai nga nna, Yuda masha ni hta shi galu kaba nga ai hte, shi a kahpu kanau ni law malaw gaw shi hpe yin la nna, shi gaw, shi a amyu masha ni a ngamu ngamai lam tam let, kashu kasha ni mahkra hpe ngwipyaw ga tsun mu ai.

GA SHAGAWP 17:27

Chye chyang ai myit rawng ai wa gaw, ga law law n tsun nga ai; Nyan rawng ai wa gaw myit shingdi nga ai.

GA SHAGAWP 22:29

Tinang a amu hta marai shapraw ai wa hpe, nang mu hkrup n ni? Dai wa gaw, yu maya ni a man e n rai, hkawhkam wa a man e she tsap nga na ra ai.

HPAJI NINGLI 2:13

shaloi jang, nhtoi gaw nsin hta grau nga ai hte maren, hpaji byeng-ya gaw angawk ai hta grau nga ai gaw ngai mu chye nngai.

Daniela 5:12

kaning rai nme law, Belteshaza ngu nna hkawhkam wa shamying ai ndai Daniela hta, nyan kaja, chye chyang ai myit, hpaji byeng-ya hte yup mang chye htai ai, makoi magap lam chye shapraw ai, gumwai ga chye malan ai nyan rawng nga ai. Ya, Daniela hpe shaga u; de a ga lachyum shi shapraw dan na ra ai,” ngu nna tsun wu ai.

Daniela 5:14

Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

Daniela 5:7

Bai hkawhkam wa gaw, “mandan bau ai ni, Hkalde sara ni, gumhpan hpan ai ni hpe shaga mu,” ngu nna shabam dat wu ai: shing rai hkawhkam wa gaw, “Ndai ka da ai lam hte, de a ga lachyum ngai hpe htai dan lu ai wa kadai mung, hkyeng sawm ai hpun palawng bu hpun nna, ja hkachyi gali let ndai mungdan hta masum ngu na du tai na ra ai,” ngu nna Babelon hpaji rawng ai ni hpe tsun wu ai.

Daniela 9:23

Nang akyu hpyi hpang yang, htet da ai ga pru nna, nang hpe tsun shana ya na ngai du nngai: nang gaw grai tsawra hkam ai wa rai nga ndai: dai majaw, dai lam sumru yu nna, shingran a lachyum chye na u.