Daniela 5:2 - Jinghpaw Hanson Version Bible

² Belashaza gaw tsabyi jahku chyim yu yang, shi a kawa Nebuhkadneza gaw, Yerusalem mare nawku Htingnu na la wa ai aja gawm, gumhpraw gawm ni hta, shi hkum hte shi a du salang ni, numdung num ni hte lashi num ni, lu lu na matu, dai gawm ni hpe jashawn na hkang dat wu ai.

Jinghpaw Common Language Bible 2009

² Shanhte sabyi lu nga ma yang, Belshaza gaw shi a kawa Nebuhkadneza Yerusalem Nawku Htingnu kaw na la wa ai aja gawm, gumhpraw gawm hte ban ni la wa na matu hkang dat wu ai. Hkawhkam wa gaw dai ni hpe la wa shangun wu ai rai nna shi mung, shi a du magam ni, shi a madu jan ni hte shi a lashi num ni dai hta na la lu lu ma ai.

Daniela 5:2 Iomraidhean Croise

2 SAMUELA 9:7

Bai Dawi gaw, “hkum tsang et; na nwa Yonahtan a matu ngai nang hpe teng teng chyeju htang na de ai; na nji nwa Shawlu a ga dachyawk mahkra ngai nang hpe bai jaw na de ai; nang gaw nye a sha ku hta tutnawng sha nga lu na rai ndai,” ngu wu ai.

2 HKAWHKAM 24:13

Dai hta kaga, Yehowa tsun da ai hte maren, shi gaw, Yehowa nta na sut rai nlang hpe mung, hkawhkam htingnu na sut rai nlang hpe mung, kashun la nna, Yehowa a nawku Htingnu matu Israela hkawhkam Shawlumon galaw da ai aja wan ni hpe mung agrawp kau wu ai.

2 HKAWHKAM 25:15

Bai, sin langa ni a hpyen du wa gaw, aja hte mung, gumhpraw hte mung galaw ai awan ban ni hte angdung ni hpe mung la kau wu ai.

2 HKAWHKAM LABAU 11:20

Dai hpang Absalom a shayi sha Mahka hpe la nna, shi gaw Abiya, Atai, Ziza, Shelomit hte hpe shaprat wu ai.

2 HKAWHKAM LABAU 15:16

Hkawhkam Asa a kanu Mahka mung, matsat shabat re ai Ashera sumla galaw da nu ai majaw, shi hpe hkawhkam jan aya na gum-yu yu kau nna, shi a sumla hpe kahtam kau nna, ayun ayaw agrawp kau nhtawm, Kedron hka shi hkaraw e nat kau ya wu ai.

2 HKAWHKAM LABAU 36:10

Ladu hkrum yang hkawhkam Nebuhkadneza gaw shi hpe rim la nna, Yehowa nta na manu hpu ai arai ni hte hpawn, Babelon mare de shi hpe rim wa nna, shi a kanau Zedekia hpe, Yuda hte Yerusalem ntsa e hkawhkam shatai wu ai.

2 HKAWHKAM LABAU 36:18

Karai Kasang a nta na wan ni kaji kaba mahkra hpe mung, Yehowa nta na sutgan, hkawhkam wa hte shi a agyi salang ni a sutgan mahkra hpe mung, Babelon mare de la wa mu ai.

EZRA 5:14

Nebuhkadneza gaw, Yerusalem mare a nawku Htingnu na shaw la nhtawm, Babelon mare na nawku htingnu hta bang da ai, Karai Kasang a nta hte seng ai aja, gumhpraw arai ni hpe, Kuru hkawhkam gaw Babelon mare a nawku htingnu na shapraw la nna, shi munggyi shatai ai Shebaza a lata hta ap ya let,

YEREMIA 27:7

Shi a mungdan htum ai aten du hkra, masha amyu baw ni yawng, shi hpe mung, shi a kasha hpe mung, shi a kashu hpe mung, daw jau nna, shi a mungdan htum yang, amyu baw law law hte hkawhkam kaba ni, shi hpe mayam yam na mara ai.

YEREMIA 50:35

Yehowa ning nga ai, Nhtu tsin-yam gaw Hkalde masha ni, Babelon masha ni, de a du salang ni hte hpaji rawng ai ni a ntsa e du u ga;

YEREMIA 52:19

Bai, sin langa ni a hpyen du wa gaw, aja hte mung, gumhpraw hte mung, galaw ai hka wan ni, awan ban ni, angdung ni, di ni pyengdin shadun ni, chyaw ni hte gawm ni hpe mung, la kau wu ai.

Daniela 1:2

Ya Madu gaw, Yuda hkawhkam Yehoiakim hte, Karai Kasang nta na arai nkau mi hpe, Nebuhkadneza lata hta ap ya kau nna, shi gaw dai arai ni hpe, Shina mung e nga ai, shi a hpara nta de la wa nhtawm, shi a hpara nta sutdek hta bang da wu ai.

Daniela 5:11

chyoi pra ai hpara ni a wenyi rawng ai wa langai mi, na a mungdan hta shanu nga ai: hpara ni a hpaji hte bung ai, myit leng ai, chye chyang ai hte hpaji byeng-ya gaw, na nwa a prat e, dai wa hta rawng nga ai; na nwa hkawhkam Nebuhkadneza mung, gaja wa dai wa hpe lakle sara ni, mandan bau ai ni, Hkalde sara ni hte gumhpan hpan ai ni a ntsa e, up shangun wu ai:

Daniela 5:13

Dai rai nna Daniela hpe hkawhkam wa man e jashawn wu ai. Hkawhkam wa mung, “Nye wa hkawhkam wa gaw, Yuda mung na woi wa nna, Yuda bawng dung ni a kashu kasha ni hta lawm ai, Daniela, nang rai nga n ni?

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 5:3

Shaloi shanhte gaw Yerusalem mare na, Karai Kasang a nawku htingnu nta kata na kashun la ai ja gawm ni hpe shapraw nna, hkawhkam wa hte shi a du salang ni, numdung num ni hte lashi num ni, dai gawm ni hta lu lu ma ai.

Daniela 5:30

Dai shana e pyi, Hkalde hkawhkam Belashaza sat kau ai hkrum nna,

Daniela 5:4

Gaja wa shanhte tsabyi jahku lu nna, aja, gumhpraw, magri, hpri, hpun hte nlung e tawk galaw ai hpara ni hpe, shakawn kungdawn ma ai.

BU HKAWM 7:79

shi a kumhpa gaw, nawku nta na shekela shen ai hku hkan yang, shekela latsa e sumshi li ai gumhpraw ban langai mi, shekela sanit shi li ai gumhpraw gawm langai mi; shadung kumhpa matu dai yan hta jahpring dat ai namman hte gumrin ai mani ai muk shadung;