Daniela 4:9 - Jinghpaw Hanson Version Bible

⁹ Lakle sara ni a agyi wa Belteshaza e, nang gaw chyoi pra ai hpara ni a wenyi rawng nna, na a man e makoi magap lam n nga ai hpe, ngai chye ai majaw, ngai mu ai yup mang a shingran hte lachyum, ngai hpe htai dan ya e.

Jinghpaw Common Language Bible 2009

⁹ Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

Daniela 4:9 Iomraidhean Croise

NINGPAWT NINGHPANG 41:38

Dai rai nna Hpara-u gaw, Karai Kasang a wenyi rawng ai ndai wa zawn re ai masha gaw, anhte kanang mu tam na ga ta? Ngu nna shi a agyi salang ni hpe tsun wu ai.

ESAIA 33:18

Nang hkrithpa dum yang, Jahpan la ai wa gaw, kanang, kang shen ai wa gaw, kanang, langchyi ni hti yu ai wa gaw, kanang rai nga a ta? nga nna nang myit sumru yu na ndai.

ESAIA 54:14

Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

EZEKELA 17:23

tsaw htum ai Israela bum ntsa e ngai dai hpe hkai da na nngai; dai gaw lakung lakying kying wa nna, asi si ai hte reng htum ai arit hpun tai na ra ai: de a npu e u amyu shagu nga nga nna, de a lakung lakying ni a shingnip hta shanu nga na mara ai.

EZEKELA 28:3

Yu u, nang gaw Daniela hta hpaji grau lu nna, na a man e makoi magap da ai lam n nga a hka!

Daniela 1:20

Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

Daniela 2:48

Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.

Daniela 4:18

Ngai hkawhkam Nebuhkadneza gaw ndai yup mang mu ni ai: ya nang Belteshaze e, de a lachyum htai dan ya e; nye a mungdan hta hpaji rawng ai ni kadai mung, de a lachyum n htai dan lu timung, chyoi pra ai hpara ni a wenyi nang hta rawng nga ai majaw, nang htai dan lu ndai,” ngu nna Daniela hpe hkai dan nngai.

Daniela 4:5

ngai hpe hkrit kahpra shangun ai yup mang, ngai mu nngai: ngai yup ku ntsa e myit sumru yu ai hte, ngai mu ai shingran gaw, ngai hpe myit ru shangun nngai.

Daniela 4:8

Dai hpang e, nye a hpara amying hkan nna, Belteshaza mying ai hte, chyoi pra ai hpara ni a wenyi hpring ai Daniela gaw, nye a yup mang shi hpe hkai dan let,

Daniela 5:11

chyoi pra ai hpara ni a wenyi rawng ai wa langai mi, na a mungdan hta shanu nga ai: hpara ni a hpaji hte bung ai, myit leng ai, chye chyang ai hte hpaji byeng-ya gaw, na nwa a prat e, dai wa hta rawng nga ai; na nwa hkawhkam Nebuhkadneza mung, gaja wa dai wa hpe lakle sara ni, mandan bau ai ni, Hkalde sara ni hte gumhpan hpan ai ni a ntsa e, up shangun wu ai:

1 SAMUELA 4:8

anhte gaw n rai saga ai: ndai hpung shingkang rawng ai Hpara ni a lata na, anhte hpe kadai hkye lu na rai ta? nam mali hkan e, Egutu masha ni hpe ari zinli baw magup jaw ai gaw, Hpara ndai ni rai nga ma ai.