Daniela 4:6 - Jinghpaw Hanson Version Bible

⁶ Dai re ai majaw dai yup mang a lachyum ngai hpe htai dan na matu, Bebelon hpaji rawng ai ni mahkra hpe nye a man de jashawn na, ngai htet da nngai.

Jinghpaw Common Language Bible 2009

⁶ Dai yup mang a lachyum hpa rai nga ai lam ngai hpe tsun dan lu na matu Babelon mung na hpaji jaw masha mahkra hte hpe ngai hpang de woi jashawn sa wa na, ngai hkang dat we ai.

Daniela 4:6 Iomraidhean Croise

PRU MAT 7:11

Shaloi Hpara-u gaw shi a hpaji sara ni hte mandan bau ai ni hpe shaga la nna, Egutu mung na lakle sara ni mung tinang a lakle hte dai hte maren galaw ma ai:

ESAIA 8:19

Nat shung ai ni hte, mandan bau jawp kahte ai ni hpe tam mu, nga nna nanhte hpe tsun myit yang, masha amyu gaw tinang a Karai Kasang hpe tam mai na, n rai ni? hkrung nga ai ni a amu, si mat ai ni hpe mai san na rai ni?

Daniela 1:17

Ya Karai Kasang gaw dai shabrang mali hpe, laika chye ai hte hpaji byeng-ya amyu myu hta nyan rawng nna, chye chyang ai myit, jaw manu ai: Daniela mung, shingran hte yup mang amyu myu chye htai ai nyan hpring nga ai.

Daniela 2:2

Yup mang htai ya na matu, hkawhkam wa gaw, lakle sara ni, mandan bau ai ni, gumhpan hpan ai ni hte Hkalde sara ni hpe shaga la na, hkang da wu ai: shing rai shanhte sa shang nna, hkawhkam wa man e tsap nga ma ai.

Daniela 2:48

Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.

Daniela 4:15

Rai timung, ga hta jung ai aru hte hpawn, pa ga na tsit lali ai tsingdu hta, hpri hte magri sumri gyit hkang let, dai hpun du hpe naw ngam da u: dai gaw sumsing lamu na mari hte madi mat u ga; shi a kamhtaw gaw, tsingdu sha ai ashu ashan ni hte rau rai nga u ga:

Daniela 5:11

chyoi pra ai hpara ni a wenyi rawng ai wa langai mi, na a mungdan hta shanu nga ai: hpara ni a hpaji hte bung ai, myit leng ai, chye chyang ai hte hpaji byeng-ya gaw, na nwa a prat e, dai wa hta rawng nga ai; na nwa hkawhkam Nebuhkadneza mung, gaja wa dai wa hpe lakle sara ni, mandan bau ai ni, Hkalde sara ni hte gumhpan hpan ai ni a ntsa e, up shangun wu ai:

Daniela 5:7

Bai hkawhkam wa gaw, “mandan bau ai ni, Hkalde sara ni, gumhpan hpan ai ni hpe shaga mu,” ngu nna shabam dat wu ai: shing rai hkawhkam wa gaw, “Ndai ka da ai lam hte, de a ga lachyum ngai hpe htai dan lu ai wa kadai mung, hkyeng sawm ai hpun palawng bu hpun nna, ja hkachyi gali let ndai mungdan hta masum ngu na du tai na ra ai,” ngu nna Babelon hpaji rawng ai ni hpe tsun wu ai.