Daniela 4:34 - Jinghpaw Hanson Version Bible

³⁴ Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Jinghpaw Common Language Bible 2009

³⁴ Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Daniela 4:34 Iomraidhean Croise

2 SAMUELA 22:31

Karai Wa a lam ni chyip chyip rai nga ai; Yehowa a ga kangka rai nga ai: Shi hta shingbyi ai ni nlang hte a ngang shi rai nga ai.

1 HKAWHKAM LABAU 29:10

Dai re ai majaw, Dawi gaw shawa hpawng ting a man e Yehowa hpe shakawn kungdawn let, “Anhte a Wa, Karai Kasang Yehowa e, nang gaw htani htana prat dingsa, a nga n ga law.

1 HKAWHKAM LABAU 29:13

Dai re ai majaw, anhte a Karai Kasang e, na a chyeju hpe anhte dum nna, na a hpung shingkang rawng ai mying ningsang shakawn kungdawn nga ga ai.

YOBA 1:21

“Ngai gaw nu a hkritung kaw nna singgu krin shangai sa nngai, Dai de singgu krin bai wa na ni ai; Yehowa jaw ya nna, Yehowa bai dawm la nga ai, Yehowa mying nsang gaw a nga u ga law,” nga ai.

SHAKAWN KUNGDAWN 10:16

Yehowa gaw htani htana hkawhkam rai nga ai; Maigan amyu ni shi a mung hta na hkoi mat wa masai.

SHAKAWN KUNGDAWN 102:24

Shaloi ngai tsun ai gaw, Nye a Karai Wa e, Nye a prat hpungngang e, ngai hpe hkum la kau et; Na a shaning ni prat mi hte prat mi rai nga ai.

SHAKAWN KUNGDAWN 107:15

Yehowa gaw shinggyim masha ni hpe galaw dan ai mauhpa amu hte, Shi a chyeju majaw, shi hpe shakawn kungdawn nga mu ga.

SHAKAWN KUNGDAWN 107:22

Shanhte gaw shakawn hkungga nawng jaw nna, kabu gara ai nsen hte shi a bungli hpe hkai dan nga mu ga.

SHAKAWN KUNGDAWN 107:31

Yehowa gaw shinggyim masha ni hpe galaw dan ai mauhpa amu hte, Shi a chyeju majaw, shi hpe shakawn kungdawn nga mu ga.

SHAKAWN KUNGDAWN 107:8

Yehowa gaw shinggyim masha ni hpe galaw dan ai, mauhpa bungli hte, Shi a chyeju majaw, shi hpe shakawn kungdawn nga mu ga.

SHAKAWN KUNGDAWN 111:7

Shi a lata a amu sadi sahka hte tengman ai, rai nga ai; Shi a ga matsun ni nlang tengman nga ai.

SHAKAWN KUNGDAWN 121:1

Ngai gaw bum lang de mada yu na nngai; ngai hpe karum na gaw, kanang na pru na a ta?

SHAKAWN KUNGDAWN 123:1

Sumsing lamu hta e dung nga ai wa e, Nye a myi nang hpe a mada yu nga ai.

SHAKAWN KUNGDAWN 145:13

Na a mungdan gaw htani htana agrin nga ai mungdan rai nga ai rai nna, Nang hkang ai ahkang gaw, prat mi hte prat mi dinggrin anga nga lu ai.

SHAKAWN KUNGDAWN 146:10

Yehowa gaw htani htana Hkawhkam rai nga ai; Ziun e, na a Karai Kasang gaw prat mi hte prat mi a up nga ai. Halelu-Yah.

SHAKAWN KUNGDAWN 50:14

Karai Kasang hpe shakawn kungdawn hkungga jaw u, Tsaw htum ai Wa hpe na a ga ndat rap raw u.

SHAKAWN KUNGDAWN 66:7

Shi gaw shi a n-gun hte prat tup up nga ai, Shi a myi, masha amyu ni hpe azi yu nga ai: Je hpre ai ni tinang hkum hpe shagrau lu na ma ai n rai. [Selah.]

SHAKAWN KUNGDAWN 7:17

Ngai gaw Yehowa a dinghpring ai hte maren chyeju dum na nngai; Tsaw Htum ai Yehowa a amying hpe, ngai mahkawn mangoi na nngai.

SHAKAWN KUNGDAWN 9:2

Na a majaw ngai kabu nna, myit pyaw nga na nngai, Tsaw htum ai Wa e, na a amying hpe ngai mahkawn mangoi na nngai.

SHAKAWN KUNGDAWN 92:1

Yehowa hpe shakawn kungdawn nna, Tsaw Htum ai Wa a amying hpe mahkawn mangoi na;

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 24:15

Dai re ai majaw, jan pru maga de na ni, Yehowa hpe, nammukdara zunlawng ni, Israela Karai Kasang Yehowa amying nsang hpe, shagrau sha-a mu.

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.

SHARUNG SHAYAWT 3:38

Tsaw Htum ai Wa a n-gup na, mai kaja ai hte dingnye pru ai, n rai ni?

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 4:2

Tsaw htum ai Karai Kasang gaw, ngai hta galaw dan ai lamik kumla hte mauhpa amu hpe madun dan na matu, ngai myit tawng da se ai.

Daniela 4:26

Rai timung hpun du hpe ngam da na htet da ai lam gaw, Sumsing Lamu up nga ai hpe nang chye matsing ai hpang, na a mungdan gaw na a lata e grin nga na lam rai nga ai.

Daniela 4:3

Shi a lamik kumla gade wa kaba, shi a mauhpa amu hpung shingkang hpring nga a hka! Shi a mungdan htani htana mungdan rai nga ai: shi up ai ahkang aya, prat mi hte prat mi grin nga ai.

Daniela 4:32

mungdan gaw na a lata na sit mat sai; nang gaw masha kaw na shapraw kau ai hkrum nna, pa ga na ashu ashan ni hte rau shanu nga na ndai: Tsaw Htum ai Wa gaw masha mungdan hpe up nna, jaw mayu ai wa hpe dai jaw kau nga ai, nang chye matsing ai aten du hkra, nang gaw usu zawn tsingdu sha nna, aten sanit na ntsa e lai wa na ra ai,” nga ai.

Daniela 4:36

Dai aten e nye a myit, myi na ta bai rai wa nna, nye a mungdan a arawng sadang matu, nye a hpung shingkang hte dan hkung ai gaw, myi na zawn rai nga ai: nye a baw mung ni hte agyi ni gaw ngai hpe tam ma ai; nye a mungdan hta ngai grin wa nna, daru magam kaba ngai hpe kahtap jaw nga ai.

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Daniela 5:21

shinggyim masha shanu ai shara na shi hpe shaden kau nna, shi a myit gaw ashu ashan myit hte maren tai wa ai hte, shi gaw nam lawze ni hte rau nga ai; Tsaw Htum ai Karai Kasang gaw masha mungdan hta up nga nna, de a ntsa e up shangun mayu ai wa kadai hpe mung, up shangun nga ai, shi chye matsing ai aten du hkra, shi gaw usu zawn tsingdu sha nna, shi a hkumhkrang gaw sumsing lamu mari hte madi mat nga ai.

Daniela 6:26

nye a mungdan ting chyam hkra masha nga manga hte gaw, Daniela a Karai Kasang man e hkrit hkungga nga mu, ngu nna hkang da ai ga ngai hkang dat nngai: kaning rai nme law, shi gaw ahkrung nga ai Karai Kasang rai nga nna, htani htana prat dingsa agrin nga ai: shi a mungdan gaw hten byak mat lu ai n rai; shi a ahkang aya gaw, lamu ga htum hkra rai na ra ai:

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

Daniela 7:27

Mungdan hte up ai ahkang aya, sumsing lamu ting npu na mungdan ni a daru magam hpe, Tsaw Htum ai Wa a chyoi pra ai masha ni lu la na mara ai: shi a mungdan gaw htani htana mungdan rai nga nna, up ai ahkang aya lu ai ni yawng, shi hpe daw jau let, madat mara na mara ai, nga nna ngai hpe ga lachyum shapraw dan ai.

Daniela 9:14

Dai majaw Yehowa gaw ndai tsin-yam tsindam hpe matsing da nna, anhte a ntsa e shapraw dat nu ai; kaning rai nme law, anhte a Karai Kasang Yehowa gaw, galaw ai amu mahkra hta dinghpring nga ai: anhte mahtang shi a nsen hpe n madat saga ai.

YONA 1:14

Dai re ai majaw shanhte gaw, Yehowa hpe, “Yehowa e, ndai wa a asak majaw, anhte n sum u ga; mara n rawng ai asai anhte hta hkum shakap mi law: nang chyawm gaw Yehowa e, galaw mayu ai hte maren, nang galaw nit dai,” ngu nna hpyi jahtau mu ai.

MIHKA 4:7

lagaw hten ai wa hpe, naw ngam ai amyu chyen mi, tsan tsan de shaden kau hkrum ai ni hpe, n-gun ja ai amyu mi, ngai shatai nna, Yehowa gaw Ziun bum ntsa e, ya kaw nna prat dingsa du hkra, shanhte hpe up na ra ai.

LUKA 1:33

shi gaw Yaku a nta ntsa e, htani htana e a up nga na ra ai: shi a mungdan mung htum ngu ai nga na n rai,” ngu nna shi hpe tsun wu ai.

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

YAWHAN 5:26

Kaning rai nme nga yang, Kawa gaw shi hkum dai hta asak rawng nga ai hte maren, Kasha wa hpe mung, shi hkum dai hta asak rawng lu na lam jaw nu ai rai nna,

TARA JAHPRANG 32:4

Dai Lunghkrung, shi a magam hkum tsup nga ai. Shi a lam shagu dinghpring ai lam rai nga ai; Kangka re ai hte mara n rawng ai Karai Kasang, Dinghpring ai hte tengman, shi rai nga ai.

1 TIMOHTI 1:17

Ya, htani htana re ai, n hten n mat chye ai, myi e n mu lu ai Hkawhkam ngu ai, Karai Kasang langai sha kaw, arawng sadang hte hpung shingkang gaw, htani htana prat dingsa e, anga nga u ga law. Amen.

1 TIMOHTI 6:16

shi chyu sha htani htana asak a rawng nga ai hte, n dep lu ai nhtoi hta anga nga ai; masha gade ai mung shi hpe n mu yu ai hte, n mu lu nga ai: shi kaw htani htana arawng sadang hte hpung shingkang anga nga u ga law. Amen.

SHINGRAN 10:6

sumsing lamu hte dai hta e nga ai, ginding aga hte dai hta e nga ai, nammukdara hte dai hta e rawng ai hte hpe hpan tawn da nna htani htana prat dingsa ahkrung nga ai wa hpe gang nna dagam wu ai gaw, Ahkying ladaw ngu ai n nga na sai;

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 4:10

dai salang hkun mali mung, tingnyang hta dung nga ai wa a man e dingnyawm nna, htani htana prat dingsa ahkrung nga ai wa hpe nawku let, dai tingnyang man e tinang ni a ja janmau ni hpe raw tawn da nna,

SHINGRAN 4:9

Dai dusat amyu mali gaw, tingnyang hta dung ai htani htana prat dingsa ahkrung nga ai wa kaw, hpung shingkang, arawng sadang hte chyeju jaw ma ai shaloi e,