Daniela 4:3 - Jinghpaw Hanson Version Bible

³ Shi a lamik kumla gade wa kaba, shi a mauhpa amu hpung shingkang hpring nga a hka! Shi a mungdan htani htana mungdan rai nga ai: shi up ai ahkang aya, prat mi hte prat mi grin nga ai.

Jinghpaw Common Language Bible 2009

³ “Karai Kasang anhte hpe madun dan ai mauhpa amu ni gaw kade wa galu kaba nga a hka! Shi galaw dan sai mauhpa lamik kumla ni kade sha hpung dagu rawng nga a hka! Karai Kasang gaw htani htana hkawhkam rai nga ai; shi gaw prat mi hte prat mi a up nga na ra ai.

Daniela 4:3 Iomraidhean Croise

YOBA 25:2

“daru magam hte hkrithpa shi hta rawng nga ai; matsaw ntsang de shi hparan nga ai.

SHAKAWN KUNGDAWN 104:24

Yehowa e, na a amu gade law la nga a hka! Nang mahkra hte hpe, hpaji hte galaw nu ai; Aga gaw, nang hpan da ai arai hte hpring nga ai.

SHAKAWN KUNGDAWN 105:27

Shanhte a man e shi a lamik kumla shan madun dan nna, Ham a mung hta e, mauhpa amu galaw ma ai.

SHAKAWN KUNGDAWN 145:13

Na a mungdan gaw htani htana agrin nga ai mungdan rai nga ai rai nna, Nang hkang ai ahkang gaw, prat mi hte prat mi dinggrin anga nga lu ai.

SHAKAWN KUNGDAWN 66:7

Shi gaw shi a n-gun hte prat tup up nga ai, Shi a myi, masha amyu ni hpe azi yu nga ai: Je hpre ai ni tinang hkum hpe shagrau lu na ma ai n rai. [Selah.]

SHAKAWN KUNGDAWN 72:18

Israela a Karai Kasang, Yehowa Karai Kasang gaw, a nga u ga; Shi chyu sha mauhpa amu galaw nga ai.

SHAKAWN KUNGDAWN 77:19

Na a lam nammukdara hta e rai nga nna, Nang sa ai hku, hka kaba ni hta e rai nga ai: Na a lagaw hkang hpe kadai n chye lu ai.

SHAKAWN KUNGDAWN 86:10

Nang galu kaba nga ndai rai nna, Mauhpa amu galaw nga ndai: Nang chyu sha Karai Kasang rai nga ndai.

SHAKAWN KUNGDAWN 92:5

Yehowa e, na a amu gade kaba nga a hka! Nang myit ai hku nachying sung la nga ai.

ESAIA 25:1

Yehowa e, nang gaw nye a Karai Kasang rai nga ndai; ngai nang hpe shagrau na nngai, na a mying nsang hpe shakawn na nngai; nang gaw mauhpa amu galaw nit dai; moi kaw nna nang hpaji daw ai lam ni, kangka ai hte tengman ai rai nga ai.

ESAIA 28:29

Dai amu gaw, Zaw nawng zaw wa up ai Yehowa kaw na rai nga ai: shi gaw hpaji daw ai lam hta mauhpa wa, hpaji hparat hta galu kaba htum ai wa, rai nga ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.

Daniela 2:2

Yup mang htai ya na matu, hkawhkam wa gaw, lakle sara ni, mandan bau ai ni, gumhpan hpan ai ni hte Hkalde sara ni hpe shaga la na, hkang da wu ai: shing rai shanhte sa shang nna, hkawhkam wa man e tsap nga ma ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 4:17

Kaning rai nme law, Tsaw Htum ai Wa gaw, masha mungdan hpe up ai mung, jaw mayu ai wa hpe jaw ai mung, yu maya ni hpe shagrau shatsaw nna, mungdan ntsa e up shangun ai mung, hkrung mahkrung chye na lu hkra, dai hkang da ai ga gaw sin langa ni kaw na pru nna, htet da ai mungga gaw, chyoi pra ai ni kaw na ga rai nga ai,’ nga nna ja ja jahtau wu ai.

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

Daniela 7:27

Mungdan hte up ai ahkang aya, sumsing lamu ting npu na mungdan ni a daru magam hpe, Tsaw Htum ai Wa a chyoi pra ai masha ni lu la na mara ai: shi a mungdan gaw htani htana mungdan rai nga nna, up ai ahkang aya lu ai ni yawng, shi hpe daw jau let, madat mara na mara ai, nga nna ngai hpe ga lachyum shapraw dan ai.

ROMA 11:33

Karai Kasang a n taw n tsang ai hpaji byeng-ya hte chye chyang ai myit gaw, gade wa sung nga a hka! kadai n sawk ya lu ai shi a jeyang ai hku, kadai n gawn ya lu ai shi a ningsang magam lam ni gaw, mau n ma rai nga ai.

TARA JAHPRANG 4:34

Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?

1 TIMOHTI 1:17

Ya, htani htana re ai, n hten n mat chye ai, myi e n mu lu ai Hkawhkam ngu ai, Karai Kasang langai sha kaw, arawng sadang hte hpung shingkang gaw, htani htana prat dingsa e, anga nga u ga law. Amen.

HEBRE 1:8

Bai, dai Kasha a lam chyawm gaw, “Karai Kasang e, na a tingnyang htani htana anga nga ai; Shi a mungdan a sumdoi, dingman ai sumdoi rai nga ai.

HEBRE 2:4

Karai Kasang mung shi myit ra ai hte maren, lamik kumla, mauhpa amu, atsam rawng ai amu amyu myu hte mung, Chyoi pra ai Wenyi a karan jaw ai chyeju kumhpa hte mung, shanhte hte rau sakse dan ya ai.

1 PETRU 4:11

Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.