Daniela 4:12 - Jinghpaw Hanson Version Bible

¹² Hpun lap ni tsawm la nga nna, de a asi law la ai hte, yawng mayawng a matu shahpa tai nga ai: pa ga na ashu ashan ni, de a shingnip hta shanu nga nna, ntsa malen u ni lakung lakying ni hta tsip tsip nga ma ai: hkrung mahkrung gaw dai hpun hta na shahpa lu la ma ai.

Jinghpaw Common Language Bible 2009

¹² De a hpun lap ni tsawm htap nga ai; dai hta mungkan ga ting sha law hkra asi noi abya nga ai. Matse labye dusat ni mung de a shingnip ni hta sa ra shatai nhtawm, ntsa malen u ni gaw de a lakung lakying ni hta atsip tsip ma ai; hkrung mahkrung baw shagu hte mung de a asi sha ma ai.

Daniela 4:12 Iomraidhean Croise

YOBA 12:24

Mung masha agyi ni a hpaji shi dawm la nna, lam n hku ai katsi katsang re ai shara e, brak hkawm shangun mu ai.

YOBA 14:7

Hpun a matu myit mada shara naw nga ai: kran kau hkrum timung, nnaw bai rawt wa nna, de a tsit lali ai maku ni prut n htum na ra ai.

YOBA 14:9

hka salu a majaw maku bai prut nna, abawng zawn makrung krung na ra ai.

SHARUNG SHAYAWT 4:20

Anhte a nsai nsa ngu ai, Yehowa a namman chya ai wa gaw, shanhte a nhkun hta rim la hkrum sai, Anhte mahtang, “Ndai wa a shingnip npu e, masha amyu ni hta anhte nga nga lu na ga ai,” nga nna tsun yu saga ai.

EZEKELA 17:23

tsaw htum ai Israela bum ntsa e ngai dai hpe hkai da na nngai; dai gaw lakung lakying kying wa nna, asi si ai hte reng htum ai arit hpun tai na ra ai: de a npu e u amyu shagu nga nga nna, de a lakung lakying ni a shingnip hta shanu nga na mara ai.

EZEKELA 31:17

Dai ni mung nhtu hte si mat nna, katsan ga de yu wa sai ni hpang de, shi hte rau yu wa ma ai; gaja wa shanhte gaw, maigan amyu ni a ka-ang e, shi a shingnip npu e dè nga nna, shi a lahpum ngu ai ni rai nga ma ai.”

Daniela 4:14

‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

MAHTE 13:32

Dai gaw tum abaw shagu hta kaji htum ai tum rai nga timung, kaba wa jang, shatmai lap ni hta grau kaba wa lu ai rai nna, hpun tai nga ai hte ntsa malen na u ni mung, de a lakung lakying ni hta sa dung nga ma ai,” ngu mu ai.

MARKU 13:32

Rai timung, dai shani hte ahkying hpe dai Wa hta kaga, kadai mung n chye lu ai: lamu na kasa ni hte dai Kasha pyi dai hpe n chye lu ma ai.

MARKU 4:32

gat dat ai hpang, tu wa nna, shatmai lap amyu mahkra hta grau kaba wa ai hte, lakung lakying kung dam wa nna, ntsa malen u ni de a shingnip hta e shingbyi nga lu ma ai,” ngu mu ai.

LUKA 13:19

Dai gaw, masha langai mi shi a sun hta gat dat ai chyinghkrang tum hte bung nga ai: dai tum gaw tu kaba wa ai hte, hpun tai hkra rai nna, ntsa malen u ni de a lakung lakying ni hta dung nga lu ma ai,” ngu wu ai.