Daniela 4:1 - Jinghpaw Hanson Version Bible

¹ Ngai hkawhkam Nebuhkadneza gaw, ga ntsa ting hta shanu nga ai amyu baw ni hte, ga amyu myu tsun ai masha amyu ni hpe, htet shana dat nngai: Nanhte hta ngwipyaw ai gaw law htam wa u ga law.

Jinghpaw Common Language Bible 2009

¹ Hkawhkam Nebuhkadneza gaw masha amyu baw ni, amyu bawsang ni hte kaga ga amyu myu shaga ai masha amyu ni yawng hpang de ning ngu nna htet shana dat wu ai: “Nanhte hta ngwi pyaw nga malit ga!

Daniela 4:1 Iomraidhean Croise

1 HKAWHKAM LABAU 12:18

Shaloi marai sumshi a agyi Amasai a ntsa e Wenyi dung nga nna, Dawi e, na a masha ni anhte rai nga ga ai; Yese a kasha e, nang hpang maga anhte lawm nga ga ai. Na a Karai Kasang nang hpe Karum ai majaw, “Nang hta ngwi ngwipyaw pyaw rai nga u ga law; Nang hpe karum ai ni mung ngwipyaw nga mu ga law,” ngu nna htan wu yang, Dawi shanhte hpe hkap hkalum la nhtawm, luksuk ni a bu aya dang da mu ai.

EZRA 4:17

Shing rai hkawhkam wa gaw, Mung up ai Rehum yan chyare wa Shimshai hte, Samari mung hte hka sinna hkran de nga ai shan a manang ni hpang de htan ai laika shagun dat nna, “Ngwipyaw nga myit ga law.

EZRA 5:7

Shanhte gaw shi hpang de ning nga ka dat ma ai: “Hkawhkam Dari gaw tut ngwipyaw nga u ga law.

ESHTA 3:12

Shaloi jang, shawng shata na shi masum ya e, hkawhkam wa a chyare ni hpe shaga la nna, Haman hkang dat ai hte maren, hkawhkam a du ni hpe, mungdaw shagu a munggyi ni hte amyu masha ni a agyi ni hpe, mungdaw langai hte langai a laika ka ai hku hte, amyu langai hte langai a ga ga ai hku hkan nna, laika ka shabra dat mu ai: hkawhkam Ahasuru amying gang let ka nhtawm, hkawhkam a lachyawp hte dazik shakap wu ai.

ESHTA 8:9

Shaloi shata masum ngu na, Siwan shata nhtoi hkun masum ya e, hkawhkam wa a chyare ni hpe shaga la nhtawm, Mordehkai hpa lam hkang dat mayu ai hte maren, India mung kaw nna, Hkusha mung du hkra rai nga ai, mungdaw latsa e hkun sanit hta de nga ai Yuda masha ni, hpyen du ni, munggyi ni hte du salang ni mahkra hpang de, mungdaw langai hte langai a laika ka ai hku, amyu langai hte langai a ga tsun ai hku, Yuda masha ni a laika ka ai hku hte ga tsun ai hku hkan nna, ga shabra dat mu ai.

Daniela 3:29

Dai re ai majaw, masha amyu baw shagu hte, ga amyu kaga ga tsun ai amyu ni hta na langai ngai, Shadrak, Meshak, Abed-nego a Karai Kasang hpe shatan yang, dai ni gaw kahtum gadaw di ai hkrum mu ga; shanhte a nta ni nga hkyi sumpum tai u ga, nga nna ngai hkang da ni ai: kaning rai nme law, dai zawn hkye hkrang la lu ai Karai Kasang shaje n nga ai,” nga nna tsun nhtawm,

Daniela 3:4

Shaloi ga htawn ai wa gaw, “Masha amyu myu hte ga baw kaga ga tsun ai ni e, madat mara mu:

Daniela 6:25

Dai hpang Dari hkawhkam gaw, ga ntsa ting hta e shanu nga ai amyu baw ni hte, ga amyu myu tsun ai masha yawng hte hpe laika ka nna, “Nanhte hta ngwipyaw ai gaw, law htam wa u ga law:

Daniela 6:27

shi hkye hkrang la nna mawai la lu ai; sumsing lamu hte ginding aga hta lamik kumla hte mauhpa amu shi galaw nga ai; shi gaw Daniela hpe hkanghkyi ni a n-gup na mawai la lu ai,” ngu nna ka shabra dat wu ai.

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

ZEHKARIA 8:23

Zaw nawng zaw wa up ai Yehowa ning nga ai: “Dai aten hta ga amyu baw kaga ga tsun ai marai shi gaw, Yuda masha wa a nba lawai matu jum let, ‘Karai Kasang nanhte hte rau rai nga ai, anhte na yu saga ai majaw, anhte nanhte hte rau sa na ga ai,’ nga nna tsun na mara ai,” nga ai.

KASA 2:6

Dai kadu ai nsen na ma yang, masha wunawng hpawng sa nna, langai hte langai tinang nang a buga ga hku chye na la ma ai majaw, shanhte mak mat ai rai nna,

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

EHPESU 1:2

Anhte a Wa Karai Kasang hte Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

1 TIMOHTI 1:2

Kawa Karai Kasang hte anhte a Madu Hkristu Yesu kaw na chyeju, matsan dum ai hte ngwipyaw ai gaw, anga nga u ga law.

1 PETRU 1:2

Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.