Daniela 3:4 - Jinghpaw Hanson Version Bible

⁴ Shaloi ga htawn ai wa gaw, “Masha amyu myu hte ga baw kaga ga tsun ai ni e, madat mara mu:

Jinghpaw Common Language Bible 2009

⁴ ga htawn ai wa gaw, “Masha amyu baw ni, amyu bawsang ni hte ga amyu myu shaga ai ni e!

Daniela 3:4 Iomraidhean Croise

ESHTA 8:9

Shaloi shata masum ngu na, Siwan shata nhtoi hkun masum ya e, hkawhkam wa a chyare ni hpe shaga la nhtawm, Mordehkai hpa lam hkang dat mayu ai hte maren, India mung kaw nna, Hkusha mung du hkra rai nga ai, mungdaw latsa e hkun sanit hta de nga ai Yuda masha ni, hpyen du ni, munggyi ni hte du salang ni mahkra hpang de, mungdaw langai hte langai a laika ka ai hku, amyu langai hte langai a ga tsun ai hku, Yuda masha ni a laika ka ai hku hte ga tsun ai hku hkan nna, ga shabra dat mu ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

Daniela 3:10

Nang hkawhkam wa nan, Pahtau, pahke, tingse, sumpyi, chying bau, baja hte dum ai baw amyu myu ngoi ai nsen na ai amyu masha ni yawng, aja sumla man e gum dagup nna nawku mu ga:

Daniela 3:3

Dai rai nna, hkawhkam Nebuhkadneza shadun da ai sumla hpe hkap hkalum la na matu, munggyi ni, du ni, hpyen du ni, tara agyi ni, sutdek up ai ni, mung bawng ni, pya da du ni hte mungdaw up ai ni mahkra gaw sa zuphpawng nna, hkawhkam wa shadun da ai sumla man e tsap nga ma ai.

Daniela 3:7

Dai re ai majaw, masha amyu baw mahkra gaw, pahtau, pahke, tingse, sumpyi, chying bau hte dum ai baw amyu myu ngoi ai nsen na jang, masha amyu baw ni hte ga baw kaga ga tsun ai ni mahkra gaw, gum dagup nna, hkawhkam Nebuhkadneza shadun ai aja sumla hpe nawku ma ai.

Daniela 4:1

Ngai hkawhkam Nebuhkadneza gaw, ga ntsa ting hta shanu nga ai amyu baw ni hte, ga amyu myu tsun ai masha amyu ni hpe, htet shana dat nngai: Nanhte hta ngwipyaw ai gaw law htam wa u ga law.

Daniela 4:14

‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

Daniela 6:25

Dai hpang Dari hkawhkam gaw, ga ntsa ting hta e shanu nga ai amyu baw ni hte, ga amyu myu tsun ai masha yawng hte hpe laika ka nna, “Nanhte hta ngwipyaw ai gaw, law htam wa u ga law:

HOSEA 5:11

Ehprim gaw masha ni a hkang ai ga hpe hkan hkraw ai majaw, shi gaw zingri zingrat hkrum nna, dawdan ai hte htum mat sai.

MIHKA 6:16

Kaning rai nme law, Omri a matsun maroi ga hte, Ahab a nta na ni galaw ai amu mahkra hpe, nang hkan galaw nna, shanhte a hpaji daw ai lam hta, nanhte hkan nang nga myit dai; dai rai nna, ngai nang hpe shingran katsi ai shara shatai nna, mare masha ni gaw asawng asang shara tai na mara ai: nye amyu masha ni hkrum ai shatan nhkan, nanhte a ntsa e mara na ra ai.

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,