Daniela 3:2 - Jinghpaw Hanson Version Bible

² Shaloi hkawhkam Nebuhkadneza gaw, shi shadun da ai sumla hpe hkap hkalum la na matu, munggyi ni, du ni, hpyen du ni, tara agyi ni, sutdek up ai ni, mung bawng ni, pya da du ni hte mungdaw up ai ni mahkra hpe shaga jahpawng mu ai.

Jinghpaw Common Language Bible 2009

² Dai hpang hkawhkam wa gaw shi a du salang ni yawng ngu na hkawhkam kasha ni, mung du ni, munggyi ni, tara agyi ni, mungdan rap daw tara agyi salang ni hte kaga mungdaw du salang ni yawng sa du shinggyin nga na matu hkang dat wu ai. Shanhte gaw Hkawhkam Nebuhkadneza shadun da ai hkrang sumla ap nawng hpawng de sa hpawng lawm nga ma ai.

Daniela 3:2 Iomraidhean Croise

1 HKAWHKAM 12:32

Bai Yeroboam gaw Yuda mung na poi hte maren, shata matsat ngu na shi manga ya e poi ladaw tawn da wu ai rai nna, dai hkungri de lung wa wu ai: shing rai dai lam Behtela shara e shi galaw nna, shi jaw da sai dumsu kasha ni a man e, hkungga nawng ya wu ai: tsaw ai kawng nawku shara ni a matu shatai ai hkinjawng ni hpe mung, Behtela e tawn da mu ai.

GA SHAGAWP 29:12

Du wa gaw masu ai ga madat yang, Shi a ali ama ni yawng, n hkru na mara ai.

Daniela 3:27

Shing rai, munggyi ni, du ni, hpyen du ni hte hkawhkam a mung bawng salang ni gaw zuphpawng nna, dai marai masum hpe jawm yu ma ai: wan gaw shanhte a hkum hpe n hkru ai hte, shanhte a kara singgawng langai mi pyi hkru magyi ai n rai; shanhte a hpun palawng mung n shai ai hte, wan sama pyi n manam ai hpe, mu mu ai.

Daniela 3:3

Dai rai nna, hkawhkam Nebuhkadneza shadun da ai sumla hpe hkap hkalum la na matu, munggyi ni, du ni, hpyen du ni, tara agyi ni, sutdek up ai ni, mung bawng ni, pya da du ni hte mungdaw up ai ni mahkra gaw sa zuphpawng nna, hkawhkam wa shadun da ai sumla man e tsap nga ma ai.

BU HKAWM 25:2

dai num ni gaw shanhte a hpara ni hpe hkungga nawng ai poi de Israela masha ni hpe shaga mu ai rai nna, shanhte gaw dai sha lawm ai hte, Moba hpara ni a man e nawku ma ai.

SHINGRAN 17:2

ga ntsa hkawhkam ni gaw shi hte hpye ai amu galaw nna, mungkan ga e nga ai ni gaw, shi a hpye ai amu a tsabyi jahku hte nang ma masai,” nga nna ngai hpe tsun ai.

TARA AGYI 16:23

Shaloi Hpilisti du ni gaw, “Anhte a Hpara anhte a hpyen wa Samson hpe anhte a lata de ap ya ma ni ai,” nga nna shanhte a Hpara Dagon hpe hkungga kaba jaw na hte padang poi galaw na matu zuphpawng nga ma ai.