Daniela 3:1 - Jinghpaw Hanson Version Bible

¹ Hkawhkam Nebuhkadneza gaw, dawng kru shi tsaw nna, dawng kru kaba ai, aja sumla galaw nhtawm, Babelon mungdaw na Dura pa e shadun da wu ai.

Jinghpaw Common Language Bible 2009

¹ Hkawhkam Nebuhkadneza gaw pe 90 tsaw nna pe 9 kaba ai ja hkrang sumla langai galaw nna, Babelon mungdaw na Dura pa hta shadun da wu ai.

Daniela 3:1 Iomraidhean Croise

1 HKAWHKAM 12:28

Hkawhkam wa gaw bawng hkut nna aja hte dumsu kasha lahkawng jaw nhtawm mung masha ni hpe, Yerusalem mare de lung wa na nanhte a matu nau yak la nga ai; Israela amyu e, Egutu mung na nang hpe shapraw la ai, na a Hpara ni hpe yu yu mu law,” ngu nna,

ESHTA 1:1

India mung kaw nna, Hkusha mung du hkra, mungdaw latsa e hkun sanit a ntsa e up ai hkawhkam Ahasuru a lakhtak e,

SHAKAWN KUNGDAWN 135:15

Masha amyu ni a sumla ni aja, gumhpraw, Masha lata hte galaw ai arai rai nga malu ai.

PRU MAT 20:23

Ngai hpe nawku ai lam hta, tinang a matu gumhpraw hpara ja hpara nanhte galaw lu na myit dai n rai.

PRU MAT 32:31

Shaloi Mawshe gaw Yehowa hpang de bai lung wa nna, Gaja wa, ndai amyu gaw tinang a matu ja hpara galaw ai hte yubak kaba galaw masai;

ESAIA 2:20

Dai shani e masha ni gaw tinang nawku na matu galaw da ai aja hpara sumla ni hte, gumhpraw hpara sumla ni hpe, sharu ni hte patsip ni hpang de kabai kau na mara ai:

ESAIA 30:22

bai nanhte gaw, gumhpraw hte sup ai tawk la ai sumla ni hpe mung, ja sup ai jaw la ai sumla ni hpe mung, awu asin di kau nna, matsat shabat re ai rai zawn kabai kau let, Pru wa mu,” nga nna tsun na myit dai.

ESAIA 46:6

Tingsan hta na aja law law shaw la nna, joi hte gumhpraw shen yu ai ni gaw, janghkam shaga nna, shi gaw hpara galaw da jang, shanhte gum dagup nna, nawku nga ma hka!

YEREMIA 10:9

Tawk chye ai wa hte janghkam wa a lata e galaw ai gumhpraw pa gaw Tarshi mare na, aja gaw Uhpaza shara na rai nga ai; bu hpun na matu mut ai hte hkyeng mang ai sumpan rai nga ai: yawng hte gaw maka kumla pru ai wa a amu hkrai rai nga ai.

YEREMIA 16:20

Masha gaw, Karai Wa n re ai hpara ni hpe, tinang a matu galaw mai a ni?

Daniela 2:48

Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.

Daniela 2:49

Shaloi Daniela gaw hkawhkam wa hpe hpyi nna, shi gaw Shadrak, Meshak, Abed-nego hte hpe Babelon mungdaw amu a ntsa e san da mu ai: Daniela chyawm gaw hkawhkam a rung hta anga nga ai.

Daniela 3:14

Shing rai Nebuhkadneza gaw, “Shadrak Meshak, Abed-nego hte e, nanhte gaw gaja wa nye a hpara hpe dingsa n daw n jau ai hte, ngai shadun da ai ja sumla hpe, n nawku hkraw nga myit ni?

Daniela 3:30

Bebelon mungdaw hta Shadrak, Meshak, Abed-nego hte hpe shagrau shatsaw mu ai.

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 5:4

Gaja wa shanhte tsabyi jahku lu nna, aja, gumhpraw, magri, hpri, hpun hte nlung e tawk galaw ai hpara ni hpe, shakawn kungdawn ma ai.

HOSEA 2:8

Dai rai nna, yu u, Ngai gaw na a lam hpe, ju hpun hte nhpan kum da nna, pru wa na hku n mu lu hkra, grup yin e bunghku gaw da na nngai.

HOSEA 8:4

Shanhte gaw hkawhkam hpe aya dang timung, nye a ahkang hte n rai; du hpe tawn da timung, ngai n chye nngai: shanhte shamyit kau ai hkrum hkra, tinang a aja gumhpraw hte tinang a matu, hpara sumla galaw manu ai.

HABAKU 2:19

Hpuntawng hpe, Yup hprang u, n chye shaga ai nlung hpe, Rawt u. nga nna tsun ai wa gaw, dingnye lu ai.

KASA 17:29

Shing rai, anhte Karai Kasang a amyu matu ni rai nga ga ai majaw, Karai Kasang ngu ai hpe, masha a hpaji lata hte tawk ka ai aja, gumhpraw, nlung sumla hte bung ai, ngu nna n mai myit la ga ai.

KASA 19:26

Rai timung ya gaw, Ehpesu mare hta sha nrai sa, Asi mung ting ganoi rai hkra, ndai Pawlu ngu ai wa e, masha lata hte shachyaw ai baw Karai Kasang n re ai, nga nna masha law law hpe gunglau ai hte myit shayit kau ya manu ai, nanhte nan mu nga chye nga myit dai.

TARA JAHPRANG 7:25

Shanhte a tawk la ai sumla ni hpe nat kau ya mu: dai hta kap ai aja gumhpraw ni hpe hkum marit et; dai hpe hkum hta la et; hta la n-yang, dai gaw na a mahkam tai na ra ai: dai hpe na a Karai Kasang Yehowa matsat nga ai.

SHINGRAN 9:20

Rai timung, ndai tsin-yam tsindam hta na lawt lu nna, naw ngam nga ai shinggyim masha ni gaw, ji nat hpe mung, myi n mu, na n na lu ai hte n chye hkawm ai, aja, gumhpraw, magri, nlung hte hpun sumla ni hpe mung, n naw n ku ai nga na hpe, tinang lata a amu bungli hta na myit malai n lu ma ai: