Daniela 2:4 - Jinghpaw Hanson Version Bible

⁴ Shing rai Hkalde sara ni gaw, Suri ga hte, hkawhkam wa hpe, “Hkawhkam wa e, nang tutnawng ahkrung nga n ga: na a mayam ni hpe dai yup mang hkai dan mi; anhte ga lachyum htai dan na ga ai,” ngu mu ai.

Jinghpaw Common Language Bible 2009

⁴ Shanhte gaw hkawhkam wa hpe, “Madu hkawhkam gaw htani htana hkrung nga u ga law! Anhte hpe na a yup mang tsun dan mi, anhte nang hpe htai dan na ga ai,” ngu nna Aramik ga hte tsun ma ai.

Daniela 2:4 Iomraidhean Croise

NINGPAWT NINGHPANG 31:47

Laban gaw dai hpe Yegara sahaduta, ngu shamying wu ai; Yaku chyawm gaw dai hpe Galeda ngu shamying wu ai:

NINGPAWT NINGHPANG 41:8

Jahpawt rai jang Hpara-u gaw myit ru nna, Egutu mung na gumhpan ni mahkra hte hpaji byeng-ya rawng ai ni yawng hpe shaga la nhtawm, shanhte hpe shi a yup mang hkai dan wu ai: rai timung, Hpara-u hpe yup mang htai ya lu ai masha langai mi muk n nga ma ai.

1 HKAWHKAM 1:25

Shi gaw dai ni jang yu wa nhtawm, usu, hpum sau ai yamnga hte sagu ga daga sat nawng ya wu ai rai nna, hkawhkam wa a kasha ni yawng hte hte, hpyen du ni hte hkinjawng Abiahta hpe shaga la mu ai rai nna, shanhte gaw shi a man e lusha let, Hkawhkam Adoniya gaw ahkrung nga u ga law, nga nna tsun shajang ma ai.

1 HKAWHKAM 1:31

Shaloi Batsheba gaw ga du hkra myi man gum dagup let hkawhkam wa hpe naw nna, “Nye a madu hkawhkam Dawi gaw tutnawng prat dingsa ahkrung nga u ga law,” ngu na tsun wu ai.

2 HKAWHKAM 18:26

Shaloi Hilkia kasha Eliakim hte Shebna yan Yoa gaw Rabshake hpe, “Na a mayam ni hpe Suri ga hte tsun dan mi; dai ga anhte chye na ga ai: mare bunghku hta dung nga ai yu maya ni chye na lu hkra, Yuda ga hte hkum tsun mi,” ngu nna hpyi mu ai.

EZRA 4:7

Ya Artahkere a prat e Bishlam, Mihtredat, Tabela hte shi a kanawn manang kaga hte gaw, Persi hkawhkam Artahkere hpang de laika ka dat mu ai; dai laika gaw Suri ga kanu hte Suri ga hku ka da nga ai:

NEHEMIA 2:3

Shaloi ngai gaw “hkawhkam wa hpe, hkawhkam wa gaw, tutnawng asak hkrung nga u ga; nye ji wa ni a lup rawng ai mare gaw, katsi katsang rai nga nna, bunghku chyinghka ni hkru mat sai majaw, ngai myi man n sum ai, kaning rai nga lu na rai ta?” ngu we ai.

ESAIA 36:11

Shaloi Eliakim hte Shebna yan Yoa gaw Rabshake hpe, “Na a mayam ni hpe Suri ga hte tsun dan mi; dai ga anhte chye na ga ai: mare bunghku hta dung nga ai yu maya ni chye na lu hkra, Yuda ga hte hkum tsun mi,” ngu nna hpyi mu ai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

Daniela 1:4

hkawhkam amyu hta na mung, arawng lu ai ni hta na mung, lata la nhtawm, Hkalde masha ni a laika hte tsun ai ga, shanhte hpe sharin achyin ya na lam, shi hpe hkang da wu ai.

Daniela 2:7

Shanhte mahtang, “Hkawhkam wa gaw shi a mayam ni hpe dai yup mang hkai dan mi ga; anhte ga lachyum htai dan na ga ai,” nga nna bai htan ma ai.

Daniela 3:9

“Hkawhkam wa e, nang tutnawng ahkrung nga n ga law.

Daniela 4:19

Shaloi Belteshaza mying ai Daniela gaw, chyahkring mi mau mat nna, myit ung ang nga ai. Hkawhkam wa chyawm gaw, “Belteshaza e, yup mang hte de a lachyum majaw, myit hkum ung ang et,” ngu wu ai. Belteshaza mung, “Nye a madu e, yup mang gaw nang hpe n dawng n yawt ai ni, ga lachyum gaw nang hpe hpyen ai ni ntsa e du u ga.

Daniela 4:7

Dai rai nna lakle sara ni, mandan bau ai ni, Hkalde sara ni hte gumhpan hpan ai ni shang yang, ngai shanhte hpe nye a yup mang hkai dan timung, shanhte gaw de a lachyum ngai hpe htai dan lu ma ai, n rai.

Daniela 4:9

Lakle sara ni a agyi wa Belteshaza e, nang gaw chyoi pra ai hpara ni a wenyi rawng nna, na a man e makoi magap lam n nga ai hpe, ngai chye ai majaw, ngai mu ai yup mang a shingran hte lachyum, ngai hpe htai dan ya e.

Daniela 5:10

Ya, hkawhkam wa hte shi a du salang ni tsun ai ga majaw, hkawhkam jan kaba poi gawk de shang nna, “Hkawhkam wa e, tutnawng ahkrung nga n ga: myit hkum ung ang et; myi man hkum sum et:

Daniela 5:8

Shing rai hkawhkam wa a hpaji rawng ai ni nlang sa du timung, shanhte gaw dai ka ai ga hpe n hti lu ai hte, de a lachyum hkawhkam wa hpe n htai dan lu mu ai.

Daniela 6:21

Shaloi Daniela gaw, “Hkawhkam wa e, nang tutnawng ahkrung nga n ga.

Daniela 6:6

Shing rai ndai munggyi kaba ni hte kaga munggyi ni gaw, hkawhkam wa man de sa hpawng nna, “Hkawhkam Dari e, nang tutnawng ahkrung nga n ga:

Daniela 6:7

Nang hta kaga, hpara hpe mung, masha hpe mung, nhtoi sumshi ya laman e, akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna n galai mat lu ai hkawhkam mungga shapraw na matu, munggyi kaba ni, du ni, munggyi ni, bawmung ni hte hpyen du ni yawng, bawng hkrum saga ai.

MAHTE 21:9

Shi a shawng e sa wa ai hte, hpang de hkan nang ai masha wunawng ni gaw jahtau ma ai rai nna, “Dawi a Kasha kaw, Hawsanna, rai wa u ga; Madu a amying ningsang hte du sa ai wa gaw, a nga ai law! Tsaw Htum ai shara e, Hawsanna, rai wa u ga,” nga ma ai.

1 SAMUELA 10:24

Shaloi Samuela gaw, “Yehowa lata la ai wa hpe, nanhte mu da mu ni? Masha yawng hta shi hte bung ai kadai mung n nga ma ai,” ngu nna mung masha ni hpe tsun wu ai. Mung masha ni nlang hte chyawm gaw, “Hkawhkam asak galu kaba nga u ga law,” nga nna garu ma ai.