Daniela 12:4 - Jinghpaw Hanson Version Bible

⁴ Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

Jinghpaw Common Language Bible 2009

⁴ Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

Daniela 12:4 Iomraidhean Croise

ESAIA 11:9

Nye a chyoi pra ai bum ting hta, shada da zingri ai hte jahten shaza hkat na n rai; kaning rai nme law, nammukdara hka gaw shi a shara hpe lim kau ai zawn, Yehowa hpe chye chyang ai lam, mungkan ting pri rai na ra ai.

ESAIA 29:11

Shingran yawng nanhte a man e dazik kap ai laika hte bung nga ai: laika chye hti ai wa hpe,” Ataw, dai hti yu u,” ngu yang, shi gaw, “Dazik kap ai majaw n hti lu nngai,” nga ai;

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

ESAIA 32:3

Myi mu ai ni gaw, myi amam na n rai; na san ai ni gaw, madat mara na mara ai;

ESAIA 8:16

Nye a sape ni kaw, ndai sakse ga hpe kyem da u, ndai tara hpe dazik shakap da u.

YEREMIA 5:1

Ngai gaw, Yerusalem mare hpe yubak shalawt dat lu hkra, dinghpring ai hku hkan nna, kangka lam tam ai wa langai ngai nga yang, dai wa hpe mu hkrup hkra, mare lam ni hte htingwan hkan e gat kahkrang hkawm nna sawk yu mu:

Daniela 10:1

Ya Persi hkawhkam Kuru hkaw dung ai masum ning hta e, Belteshaza ngu ai Daniela gaw, shingran langai mi hkam la nga ai: dai shingran gaw teng nga nna, hpyen majan kaba hte seng nga ai: shi gaw dai lam hpe chye na nna, dai shingran a lachyum chye na wu ai.

Daniela 10:14

Ya chyawm gaw, na a amyu masha ni hta htawm hpang e byin na ra ai amu a lam ni hpe, nang hpe chye na shangun na matu, ngai du ni ai; ndai shingran gaw naw na ai aten hte seng nga ai,” nga nna ngai hpe tsun ai.

Daniela 10:21

Rai timung, tengman ai laika hta tawk ka ai ga ngai nang hpe naw madun na nngai: ndai du lahkawng hpe gasat na nga, nanhte a du Mihkaela hta kaga, ngai hpe shingdep shingtau ai wa n nga ai.”

Daniela 11:33

Amyu masha ni hta nyan rawng ai ni gaw, masha law law hpe sharin achyin na mara ai: rai timung shanhte gaw nhtoi tsawmra na hkra, ri nhtu, wan nat ai, bawng dung ai hte kashun kashe hkrum na mara ai.

Daniela 11:40

“Ya de a ladaw htum wa mahka e, dingda hkawhkam wa gaw, shi hpe htim gasat na ra ai: dingdung hkawhkam wa chyawm gaw, hpyen leng, hpyen gumra, sanghpaw li law law hte hpawn, bungsha zawn ru lung wa let, dai mung ni hta shang nna, lim kabye ga lai kau na ra ai.

Daniela 12:13

Nang chyawm gaw dai aten gu hkra sa wa su: nang aban asa nga lu nna, aten ladaw jahtum e na a kamhtaw hta tsap nga lu na rin dai,” nga nna tsun ai.

Daniela 12:5

Shaloi ngai Daniela mada yu yang, yu u, kaga masha lahkawng, hka ndai hkran langai mi, wora hkran langai mi, tsap nga ma ai.

Daniela 12:9

Shaloi dai wa gaw, “Daniela e, sa wa su; dai ga gaw amu htum ai aten du hkra, ip da nna, dazik kap nga ai.

Daniela 8:17

Shing rai dai wa gaw ngai tsap nga ai shara de sit wa ai; shi sit wa yang, ngai hkrit gari nna, gum dagup nga nngai: shi chyawm gaw, “Masha kasha e, chye na u; ndai shingran gaw hpang jahtum na aten hte seng nga ai,” nga nna ngai hpe tsun ai.

Daniela 8:19

Shaloi shi gaw, “Yu u, pawt sindawng ai jahtum aten e byin na ra ai lam, ngai nang hpe chye shangun de ga: dai gaw madat da ai, hpang jahtum na aten hte seng nga ai.

Daniela 8:26

Dai hta kaga, shana hte jahpawt a lam, madun dan ai shingran ga teng nga ai: rai timung, dai shingran ga hpe naw ip da u; kaning rai nme law, de a lachyum gaw naw na ai nhtoi hte seng nga ai,” nga nna ngai hpe tsun ai.

MAHTE 24:14

Dai mungdan a kabu gara shiga gaw, masha amyu baw shagu a matu mara sakse tai lu u ga, mungkan ting hta e hkaw dan lu na rai nga ai; dai hpang e dai jahtum ai gaw du na ra ai.

ROMA 10:18

Rai timung, ngai tsun nngai gaw, Shanhte n na yu ma hka kun? Gaja wa teng teng, “Mung shagu hkan e shanhte a nsen gaw, Mungkan ting hta shanhte a mungga pri rai wa sai,” nga ai.

SHINGRAN 10:4

Dai mu ngoi ai mahku sanit tinang a nsen shapraw dat ma yang, ngai ka da na maw nga nngai; shaloi, Dai mu ngoi ai mahku sanit shapraw ai lam hpe dazik shakap u, dai hte hpe hkum ka da et, nga nna sumsing lamu de na tsun pru ai nsen ngai na nngai.

SHINGRAN 22:10

Bai shi gaw, “Ndai laika hta rawng ai myihtoi ga hpe dazik hkum shakap et; kaning rai nme law, ahkying ladaw ni wa magang ra ai.

SHINGRAN 5:1

Bai, tingnyang hta dung nga ai wa a hkra lata hta, kata e mung ntsa e mung ka da nna, dazik sanit hte shakap da sai laika shabawn hpe ngai mu nngai.