Daniela 12:1 - Jinghpaw Hanson Version Bible

¹ “Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

Jinghpaw Common Language Bible 2009

¹ Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

Daniela 12:1 Iomraidhean Croise

SHAKAWN KUNGDAWN 56:8

Ngai kahkrang hkawm ai hpe, nang matsing da nna, Nye a myi prwi na a ndum hta mahkawng da u: Dai hte na a laika hta rawng nga ai, n rai ni?

SHAKAWN KUNGDAWN 69:28

Asak laika hta na shanhte hpe arut kau nna, Dingman ai ni a mying ka da yang, shanhte n lawm mu ga.

ESAIA 4:3

Yehowa gaw tara dara ai wenyi, wan hkru ai wenyi hte, Ziun shayi sha ni a agang chyalang hpe kashin kamun kau nna, Yerusalem mare ka-ang na asai hpe yeng seng kau nhtawm,

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 30:10

Dai re ai majaw, nye a shangun ma Yaku e, hkum hkrit et; Israela amyu e, masin hkum kahpra et, nga nna Yehowa tsun ai: kaning rai nme law, yu u, ngai nang hpe sumtsan mung de na, na a aru arat hpe bawng dung ai shara kaw na, hkye hkrang la na nngai; Yaku gaw bai wa nna, kadai mung shi hpe n jahkrit ai, ngwipyaw ai hte ban sa nga na ra ai.

YEREMIA 30:7

Ala, dai gaw kaba ai nhtoi rai nga ai; dai hte bung ai n nga ai; dai gaw Yaku amyu tsin-yam tsindam hkrum ai aten rai nga ai; rai timung shi gaw hkye hkrang la ai, hkrum na ra ai.

EZEKELA 13:9

Kaman lila shingran mu nna, masu lam shaba wawt ai myihtoi ni hpe, nye a lata hkap gasat na ra ai; shanhte gaw nye amyu a salang hpawng hta lawm lu na, n rai, shanhte a amying hpe Israela amyu a jahpan hta ka shalawm lu na, n rai; Israela mungdan hta mung shang lu na, n rai; shing rai, ngai Madu Yehowa rai nga ai hpe, nanhte chye lu na marin dai.

EZEKELA 34:24

Ngai Yehowa gaw shanhte a Karai Kasang, nye a shangun ma Dawi gaw shanhte a du, tai na ra ai; ngai Yehowa nan dai ga tsun ni ai.”

EZEKELA 5:9

Nang galaw yu ai matsat shabat amu majaw, shawng e mung, htawm hpang de mung, ngai n galaw yu ai ari jaw ai amu hpe, nang hta ngai galaw na nngai,” nga nna Madu Yehowa tsun ai.

Daniela 10:13

Rai timung Persi mungdan a du gaw, nhtoi hkun langai ya tup ngai hpe hkap shadang da nngai: dai hpang, yu u, Mihkaela mying ai du kaba langai mi, ngai hpe sa karum nna, ngai gaw dai shara hta Persi hkawhkam ni hte e hti nga nngai.

Daniela 10:21

Rai timung, tengman ai laika hta tawk ka ai ga ngai nang hpe naw madun na nngai: ndai du lahkawng hpe gasat na nga, nanhte a du Mihkaela hta kaga, ngai hpe shingdep shingtau ai wa n nga ai.”

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 7:10

Shi a man e wan grung ai hka hpaw lwi nga ai; marai hkying mi lang hkying mi shi hpe daw jau nna, mun mi lang mun mi, shi a man e tsap nga ma ai: tara dara na matu hkyen nga nna, laika ni hpe hpaw tawn nga ai.

Daniela 9:12

Anhte hpe mung, anhte hpe tara dara ai, anhte a tara agyi ni hpe mung, daru ai ga hpe shi shagrin nna, tsin-yam tsindam kaba anhte a ntsa e shapraw nu ai: kaning rai nme law, Yerusalem mare hta byin ai zawn, sumsing lamu npu e kanang n byin yu sai.

YOELA 2:2

dai nhtoi gaw nsin sin ai hte sin mak nna, sumwi mung ai hte chyang htat ai nhtoi, rai nga ai; bum ni a ntsa e jahpawt manap nhtoi pri rai nga ai zawn, law la ai hte n-gun atsam rawng ai amyu du ra ai: dai zawn re ai gaw, shawng de galoi n byin yu ai; shanhte a hpang e mung, prat shaning law law du hkra, byin yu na n rai.

MALAHKI 3:16

Shaloi Yehowa hpe hkrit hkungga ai ni gaw, shada da tsun nga ma ai; Yehowa mung madat nna, na la nga ai: shing rai Yehowa hpe hkrit hkungga nna, shi a amying hpe dum ai ni matsing na matu, shi a man e jahpan laika ka da nga ai.

MAHTE 24:21

kaning rai nme law, mungkan ga nnan lat kaw nna ya du hkra n byin yu ai hte hpang de mung n byin lu na ru tsang kaba gaw, dai shaloi e byin pru na ra ai.

MARKU 13:19

Kaning rai nme law, Karai Kasang hpan tawn da ai, ginding aga nnan lat kaw nna ya du hkra n byin yu ai hte, hpang de mung n byin lu na, ru tsang ai gaw, dai nhtoi hte hta e byin pru na ra ai.

LUKA 10:20

Rai timung, nat ni nanhte a ga madat ma ai majaw, hkum kabu myit; nanhte a amying sumsing lamu hta ka da nga ai majaw she, kabu nga mu,” ngu nna shanhte hpe tsun mu ai.

ROMA 11:15

Kaning rai nme law, shanhte hpe kau da ai lam, mungdan ga a htinglu htinglai ya ai lam tai wa a yang gaw, shanhte hpe bai hkap la ai lam gaw, si mat ai kaw na hkrung wa ai hte bung nga na n rai ni?

ROMA 11:26

shing rai Israela masha ni nlang hte gaw hkye hkrang la ai hkrum na ma ai: dai hte maren, “Ziun kaw na Mawai la ai wa paw pru nhtawm, Tara n hkungga ai hpe Yaku hta na lat kau na ru ai;

EHPESU 1:21

du magam, hkang ai ahkang, hpung shingkang hte up ai aya lu ai ni nlang hte a ntsa e mung, ndai aprat hte htawm hpang na aprat e mying lu ai shingteng amying nlang hte a ntsa e mung, shi hpe shatsaw nna, sumsing lamu lahta tang hta, shi a hkra maga e dung nga shagun da wu ai.

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

YUDA 1:9

Dai lamu kasa agyi Mihkaela chyawm gaw, dai Nat hte ga law ga la nga yang, Mawshe a moi mang a lam ndang kalang hkat nga ai rai nna, shatan nhkan re ai dawdan ai ga, shi hpe n tsun wam ai sha, Dai Madu nang hpe daru kau u ga, ngu wu ai.

SHINGRAN 1:5

kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 12:7

Bai, sumsing lamu kata e majan gasat nga ai: Mihkaela hte shi a ali ama ni gaw dai baren numraw hte gasat nga ma ai; dai baren numraw hte shi a ali ama ni mung, gasat nga ma ai rai timung,

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.

SHINGRAN 20:15

Asak laika hta amying n lawm ai wa kadai mung, dai wan nawng hta jahkrat bang kau ai hkrum nga ai.

SHINGRAN 3:5

Dang lu ai wa gaw, ning re ai hpun palawng ahpraw bu hpun lu na ra ai; shi a amying hpe dai asak laika hta na ngai gaja wa shaprai kau ya na n rai; dai wa a amying hpe nye Wa a man e mung, shi a lamu kasa ni a man e mung, ngai shadan ya na we ai.

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.