Daniela 11:8 - Jinghpaw Hanson Version Bible

⁸ shanhte a hpara ni, jaw ai sumla ni hte, de a tsawm htap ai, aja, gumhpraw gawm ni hpe, Egutu mung de rim la mat wa na ra ai; dai hpang shi gaw dingdung hkawhkam hpe tsawmra ning hpyen gasat na, n rai.

Jinghpaw Common Language Bible 2009

⁸ Shi gaw shanhte jaw da ai karai sumla ni hte dai karai ni hpe ap nawng ya ai aja gumhpraw arai ni hpe Egutu mung de htaw mat wa na mara ai. Ngwi pyaw sim sa ai lam nga ai shaning ram ram na ai hpang,

Daniela 11:8 Iomraidhean Croise

NINGPAWT NINGHPANG 31:30

Ya chyawm gaw na nwa nta de du na nang ndawt nit dai majaw, wa ai gaw rai nu ga; rai timung, nye a hpara ni hpe, nang hpa rai lagu la n ta? ngu nna tsun wu ai.

2 SAMUELA 5:21

Dai yang e shanhte gaw tinang a sumla ni hpe kau da mu ai: Dawi hte shi a masha ni mung dai sumla ni hpe magawn la ma ai.

PRU MAT 12:12

Kaning rai nme law, dai shana e Egutu mung hta ngai dinghkren mat wa nna, masha kaw nna yamnga du hkra, Egutu mung a kasha alat nlang hte hpe sat kau na mawe ai; Egutu hpara mahkra hpe mung ngai jeyang na mawe ai: ngai Yehowa rai nga nngai.”

ESAIA 2:16

Tarshi sanghpaw li shagu a ntsa e mung, tsawm la ai dawnghkawn shagu a ntsa e mung, Zaw nawng zaw wa up ai Yehowa a nhtoi du na ra ai rai nna, dai hte yawng shagrit kau ai hkrum na ra ai.

ESAIA 37:19

shanhte a Hpara ni hpe wan hta kabai bang kau mu ai; shanhte chyawm gaw Karai Kasang n rai; masha a lata hte galaw da ai hpun hte nlung sumla hkrai rai ma ai majaw, dai ni hpe jahten shabya kau mu ai.

YEREMIA 46:25

Israela Karai Kasang Zaw nawng zaw wa up ai Yehowa ning nga ai: yu mu, ngai gaw, Noa mare na Amon hpara hpe mung, Hpara-u hte Egutu mung, de a hpara ni hte hkawhkam ni ngu ai, Hpara-u hkawhkam hte shi hta shamyet shanat ai ni hpe, ngai shari na nngai:

Daniela 10:3

Ndai nhtoi bat masum gu wa ai du hkra, ngai gaw dwi ai muk n sha, ashan hte tsabyi jahku hpe n chyim yu ai hte, nye hkum hpe sau chya ai n rai.

Daniela 11:9

Dingdung hkawhkam wa chyawm gaw, dingda hkawhkam a mungdan hta shang lu timung, tinang a buga de nhtang wa na ra ai.”

HOSEA 13:15

“Shi gaw shi a kahpu kanau ni hta mayat maya wa timung, sinpraw nbung du na ra ai; Yehowa a nbung zaibru jang de na bung wa nna, shi a hka hpawk hkyet mat ai hte, shi a hka npun hkraw mat na ra ai: hpyen wa gaw shi a sutdek hta na hpu ai baw arung arai mahkra hpe kashun la na ra ai.

HOSEA 8:6

Kaning rai nme law, dai gaw Israela masha ni shapraw ai sha rai nga ai: lasama wa dai hpe galaw nna, dai gaw Karai Kasang n rai; gaja wa, Samari a dumsu kasha gaw, kahtum gadaw agrawp kau ai hkrum na ra ai.

BU HKAWM 33:4

Egutu masha ni chyawm gaw, Yehowa sat kau ya ai shanhte a kasha alat ni hpe lup makoi nga ma ai: shanhte a hpara ni hpe mung Yehowa dawdan wu ai.

TARA JAHPRANG 12:3

shanhte a tawn hkungri ni hpe agrawp kau ya mu; sumla shadaw ni hpe adawt daw kau ya mu; shanhte a Asherim sumla ni hpe nat kau ya mu; shanhte a tawk la ai Hpara sumla ni hpe kran kau ya mu; dai yang na shanhte a amying du teng seng kau ya mu.

TARA AGYI 18:24

Mihka gaw, “Ngai galaw ai Hpara ni hte dai hkinjawng wa hpe, nanhte la kau myit htawm e, Nang hpa ra n ta? naw nga myit hka i? dai hta kaga, ngai hta hpa nga sata?” ngu wu ai.