BU HKAWM 8:8 - Jinghpaw Hanson Version Bible

⁸ Dai hta kaga, namman hte gumrin ai mani ai muk shadung ngu ai shadung kumhpa hte hpawn, usu uram langai mi la nna,

Jinghpaw Common Language Bible 2009

⁸ Dai hpang shanhte gaw tsanlun sau hte kayau gumrin ai mani ai muk shadung ngu ai shadung hkungga hte hpawn usu uram langai la sa na rai ma ai. Nang gaw htingrai hkungga a matu usu uram langai mi hpe la sa na rai ndai.

BU HKAWM 8:8 Iomraidhean Croise

PRU MAT 29:1

“Shanhte nye a man e hkinjawng amu gun hpai lu na matu, nang shanhte hpe ning di shachyoi shapra na rai ndai: ra n rawng ai usu kasha hte sagu la lahkawng;

PRU MAT 29:3

Dai muk ni hpe ka langai mi hta bang nhtawm, dai usu hte sagu la lahkawng nawng, dai ka hte rau la sa na rai ndai.

ESAIA 53:10

Yehowa chyawm gaw shi hpe ahpye a lam di na ra nna, machyi shangun wu ai; nang gaw, shi a myit masin hpe gawng malai hkungga shatai ngut jang she, shi gaw shi a aru arat hpe mu lu na ra ai; shi a nhtoi ni galu wa nna, Yehowa ra ai hku shi a lata hta awng wa na ra ai:

JAW JAU 1:3

Jaw mayu ai kumhpa dai dumsu hte wan nat hkungga di na rai yang gaw, ra n rawng ai usu jaw lu na rai wu ai: Yehowa ra sharawng ya ai hkrum lu hkra, shawa sum chyinghka a man e sa jaw lu na rai wu ai.

JAW JAU 16:3

Chyoi Pra ai shara de Arun ning rai shang lu na gaw: htingrai hkungga di na usu uram langai mi, wan nat hkungga di na sagu la langai mi lawm ra na rai nga ai.

JAW JAU 2:1

Masha langai ngai Yehowa hpe shadung hte kumhpa nawng ai rai yang gaw, shi a kumhpa mani ai shadung rai na rai nna, dai hta namman ru jaw nhtawm lawban bang na rai wu ai.

JAW JAU 4:14

shanhte shut ai lam dan pru ai shaloi e, htingrai hkungga di na matu, shawa hpung gaw usu uram langai mi shapraw nna shawa sum a man e la sa na rai mu ai.

JAW JAU 4:3

Namman chya hkam sai hkinjawng wa nan, shawa masha ni hta mara kap hkra, shut hpyit tawt lai kau ai rai yang, shi shut hpyit ai lam a matu htingrai hkungga di na, Yehowa kaw ra n rawng ai usu uram sa jaw na rai wu ai.

JAW JAU 8:2

Arun hte shi a shadang sha ni, shanhte a hpun palawng hte chya na namman, htingrai hkungga a usu, dai sagu la lahkawng hte matsi n rawng ai muk ka mi la sa nna,

ROMA 8:3

Jep ai tara nan shinggyim hkum shan majaw n-gun kya nna n shabyin lu ai gaw, hkum shan kaw hkan nang ai ni hta e n re ai sha, anhte Wenyi kaw hkan nang ai ni mahtang hta e, dai jep ai tara a ga matsun dik wa lu hkra,

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.