BU HKAWM 7:12 - Jinghpaw Hanson Version Bible

¹² Ya nnan shani e kumhpa sak jaw ai gaw, Yuda amyu Aminadab a kasha Nashon rai nga ai:

Jinghpaw Common Language Bible 2009

^12-83 Shanhte gaw lawu de na jahpan hte maren hkungga ni sak jaw ma ai. Shani Amyu Bawsang Ningbaw 1 ya Yuda Aminadab a kasha Nashon 2 ya Yisahka Zua a kasha Nehtanela 3 ya Zebulun Helon a kasha Eliaba 4 ya Rubin Shedura a kasha Elizura 5 ya Simun Zurishadi a kasha Shelumila 6 ya Gad Duela a kasha Eliasap 7 ya Ehprim Amihu a kasha Elishama 8 ya Manashe Pedazura a kasha Gamale 9 ya Benyamin Gidoni a kasha Abidan 10 ya Dan Amishadi a kasha Ahiza 11 ya Ashe Ohkran a kasha Pagila 12 ya Naphtali Enan a kasha Ahira Langai hte langai la sa ai hkungga ni mung bung nga ai; tawn da ai manu hte maren gumhpraw ban langai mi hta aung za manga shi, gumhpraw jarung langai mi hta aung za sumshi, shadung kumhpa a matu dai yan hta jahpring dat ai namman hte gumrin ai mani ai muk shadung; manam pyaw ai baw hte hpring nna aung za mali namnak rawng ai ja ban langai; wan nat hkungga a matu usu uram langai, sagu la langai hte ladu hkrum sai sagu la kasha langai mi; htingrai hkungga a matu bainam langai, mahku hkungga a matu usu lahkawng, sagu la manga, bainam la manga, ladu hkrum sai sagu la kasha manga rai nga ai.

BU HKAWM 7:12 Iomraidhean Croise

NINGPAWT NINGHPANG 35:22

Israela dai yang e nga ai shaloi, Rubin gaw shi kawa a lashi num Bila kaw shang nna shi hte rau yup wu ai: dai lam Israela na wu ai. Ya Yaku a shadang sha ni shi lahkawng rai nga ma ai:

NINGPAWT NINGHPANG 35:23

Lea hta na Yaku a shadang sha ni gaw, lat wa Rubin hte, Simun, Lewi, Yuda, Yisahka, Zebulun hte rai ma ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

NINGPAWT NINGHPANG 49:8

Yuda e, na nhpu nnau ni nang hpe shakawn na nit dai; Na lata gaw nang hpe hpyen ai ni a du hta mara nga na ra ai; Na nwa kasha ni na a man e gum dagup na mara ai.

BU HKAWM 1:5

Nan hpe shingtau na ni a amying gaw ndai ni rai nga ma ai: Rubin amyu hta na Shedura a kasha Elizura;

BU HKAWM 1:7

Yuda amyu hta na, Aminadab a kasha Nashon;

BU HKAWM 10:14

Yuda dap a hpung daw wa ni gaw tinang a dawnghkawn hte rau shawng e rawt sa wa ma ai: dai dap a agyi gaw Aminadab a kasha Nashon rai nga ai.

BU HKAWM 2:3

Shing rai jan pru sinpraw man de but de na ni gaw Yuda dawnghkawn hte seng ai hpung daw wa ni rai na rai ma ai: Yuda amyu hta na agyi gaw Aminadab a kasha Nashon rai nga ai.

BU HKAWM 7:11

Yehowa mung Mawshe hpe, “Dai tawn hkungri hpe ap ya na matu, du agyi langai hte langai gaw langai mi a lani ni rai nna, tinang a kumhpa sak jaw na rai ma ai,” ngu wu ai.

BU HKAWM 7:13

dai wa a kumhpa gaw, nawku nta na shekela shen ai hku hkan yang, shekela latsa e sumshi li ai gumhpraw ban langai mi; shekela sanit shi li ai gumhpraw gawm langai mi; shadung kumhpa matu dai yan hta jahpring dat ai namman hte gumrin ai mani ai muk shadung;

MAHTE 1:4

Aram, Aminada hpe shaprat wu ai; Aminada, Nasun hpe shaprat wu ai; Nasun, Salmun hpe shaprat wu ai;

LUKA 3:32

Dawi gaw Yese a kasha; Yese gaw Obed a kasha; Obed gaw Bua a kasha; Bua gaw Sala a kasha; Sala gaw Nasun a kasha;

RUHTA 4:20

Aminadab a kasha Nashon; Nashon a kasha Salmon;