BU HKAWM 7:1 - Jinghpaw Hanson Version Bible

¹ Ya Mawshe gaw dai sumpan sum hpe sharawt shadun nhtawm, dai hpe namman chya ai hte shachyoi shapra nna, dai hte seng ai arai ni mahkra hpe mung, tawn hkungri hte dai hte seng ai arai ni mahkra hpe mung, namman chya ai hte shachyoi shapra ngut ai shani e,

Jinghpaw Common Language Bible 2009

¹ Dai Madu a hpung shingkang shanu nga ai Sum hpe Mawshe sharawt da ngut ai shani hta, shi gaw Sum hte de a arai ni yawng hpe namman chya nhtawm ap nawng da wu ai.

BU HKAWM 7:1 Iomraidhean Croise

NINGPAWT NINGHPANG 2:3

Dai rai nna Karai Kasang gaw dai sanit ya nhtoi hpe shaman wu ai hte dai hpe shachyoi shapra wu ai: kaning rai nme law, Karai Kasang gaw shi hpan hpajang da nna galaw nu ai amu magam mahkra ngut ma nna, dai shani hta e laban nga ai.

1 HKAWHKAM 8:64

Dai shani jang hkawhkam wa gaw Yehowa nta ndaw na wang ka-ang hpe shachyoi shapra wu ai rai nna, dai yang e wan nat hkungga, shadung hkungga hte mahku hkungga ni a sau man hte hpe nat nawng ya wu ai: kaning rai nme law, Yehowa a man e nga ai magri hkungri gaw, nau kaji nga ai majaw, dai ntsa e wan nat hkungga ni, shadung hkungga ni hte mahku hkungga a sau man ni hpe tawn da shara n nga ai.

PRU MAT 13:2

“Israela kashu kasha ni hta na, shinggyim masha rai timung, yamnga rai timung, shawng hkrat ai kasha alat nlang hte hpe nye a matu shachyoi shapra da mu; dai gaw nye a rai li ai,” ngu wu ai.

PRU MAT 29:36

Htingrat ya na matu mara raw ai hkungga hte seng ai usu langai mi shani shagu nang nawng nga na rai ndai: dai tawn hkungri a matu htingrat ya ai shaloi, nang dai hpe jasan jaseng na rai wu ai: dai hpe shachyoi shapra na matu, namman chya na rai wu ai.

PRU MAT 40:11

Dai ntsin htung hte, de a shadun ku hpe mung nang chya nna shachyoi shapra na rai wu ai.

BU HKAWM 17:2

“Israela kashu kasha ni hpe ga tsun nna, kaji kawa lakung lama hkan let, Israela amyu shi lahkawng hta na du agyi shagu a dawhkrawng mahkra shi lahkawng la nna, langai hte langai a amying tinang a dawhkrawng hta ka shakap mu.

BU HKAWM 7:10

Ya dai tawn hkungri hpe namman chya ai shani e, dai hpe ap ya na matu, du agyi ni gaw dai tawn hkungri a man e tinang a kumhpaw kumhpa sak jaw ma ai.

BU HKAWM 7:84

Shing rai tawn hkungri hpe namman chya ai shani e, dai hpe ap ya na matu, Israela du agyi ni sak jaw ai kumhpa gaw: gumhpraw ban shi lahkawng, gumhpraw gawm shi lahkawng, ja chyaw shi lahkawng rai nga ai:

BU HKAWM 7:88

mahku hkungga nawng na matu usu hkun mali, sagu la kru shi, bainam la kru shi, ladu hkrum ai sagu la kasha kru shi rai nga ai. Dai gaw tawn hkungri hpe namman chya ai shaloi, dai hpe ap ya na matu, sak jaw ai kumhpa rai nga ai.

MAHTE 23:19

Myi kyaw ai ni e, dai kumhpa hpe shachyoi shapra ai hkungri hte dai kumhpa gaw, gara mahtang grau kaba nga a ta?