BU HKAWM 4:5 - Jinghpaw Hanson Version Bible

⁵ rawt na aten du jawng, Arun hte shi a shadang sha ni sa nna, kata gawk na nba shinggang shayu la nhtawm, dai sakse sumpu hpe magap na rai mu ai:

Jinghpaw Common Language Bible 2009

⁵ Dai Madu gaw Mawshe hpe ga matsun ni jaw wu ai. Sum hpe run hpya na aten du ai shaloi, Arun hte shi a shadang sha ni Sum kata de shang nhtawm Ga Shaka Sumpu a man na nba grang hpe shayu la nna dai hte Sumpu magap na rai ma ai.

BU HKAWM 4:5 Iomraidhean Croise

1 HKAWHKAM LABAU 15:15

Yehowa htet da ai ga hkan nna, Mawshe hkang da ai hte maren, Lewi kashu kasha ni gaw Karai Kasang a sakse sumpu hpe kandang hte tinang a lahpa hta hpai mu ai.

1 HKAWHKAM LABAU 23:26

Lewi masha ni mung, sumpan nta hte daw jau na matu dai hte seng ai arai ni hpe, ‘ya kaw nna htawm hpang de n hpai ra na sai,’ nga ai.

2 HKAWHKAM LABAU 3:14

Dai hpang shi gaw mut ai, hkyeng kabrim ai, gaja hkyeng ai ari, mani ai lachyit ri hte hkerubim sumla ka ai nba grang galaw wu ai.

PRU MAT 36:35

Bai, sawm tsit ai, hkyeng mang ai, hkyeng tsawm ai hte kaboi ngut sai lachyit ri hte dai nba shinggang hpe shi galaw wu ai; dai hpe ka chye ai masha galaw ai hku Hkerubim sumla ka shakap wu ai.

PRU MAT 40:3

Dai sum a kata e, dai sakse sumpu nang shawn da nna, nba shinggang hte grang da na rai ndai.

PRU MAT 40:5

Manam pyaw nat ai ja hkungri hpe mung, dai sakse sumpu a man ang e nang tawn da nna, dai sumpan nta na chyinghka lam e dai chyinghka grang grang da na rai wu ai.

ESAIA 25:7

Bai shi gaw ndai bum ntsa e, masha amyu yawng a myi man magap hpe mung, amyu baw ni mahkra htinggrum ai yawn sumpan magap hpe mung, gun kau na ra ai.

JAW JAU 16:2

Na nhpu Arun si ai n hkrum u ga, chyoi pra htum ai shara kata sumpu ntsa na chyeju magap hpe shinggang ai nba grang a kata de pagawn hkum shang rit, ngu nna shi hpe tsun u; kaning rai nme law, dai chyeju magap a ntsa na summwi hta ngai dan pru nga na ring ngai.

BU HKAWM 10:14

Yuda dap a hpung daw wa ni gaw tinang a dawnghkawn hte rau shawng e rawt sa wa ma ai: dai dap a agyi gaw Aminadab a kasha Nashon rai nga ai.

BU HKAWM 4:15

Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

BU HKAWM 4:4

Shawa sum hta na chyoi pra htum ai arai ni hte seng ai, Kohat a kashu kasha ni gun hpai na amu gaw ning rai nga ai:

BU HKAWM 7:9

Dai chyoi pra ai nta a amu yu lajang ai Kohat a kashu kasha ni gaw, tinang a lahpa hta hpai ra ai re ai majaw, shanhte hpe gaw law hte utang n jaw mu ai.

MAHTE 27:51

Shaloi, yu mu, nawku Htingnu na nba grang ntsa de nna hkren, ka-ang brang ga mat ai; ginding aga mung ashun awam wa nna, lunghkrung ni ga mat wa ma ai;

TARA JAHPRANG 31:9

Shaloi Mawshe gaw ndai tara ga nlang ka da nna, Yehowa a ga shaka sumpu hpai ai Lewi amyu hkinjawng ni hte Israela salang ni nlang hte a lata hta ap da wu ai.

HEBRE 10:20

anhte a matu shi waw ya ai ningnan hte hkrung ai lam hta, shi asai a gawp e dai chyoi pra ai shara kata de shang lu na, nden ja ai myit rawng nga ga ai hte,

HEBRE 9:3

Bai, lahkawng na nba grang kata maga de, Chyoi pra htum ai shara, ngu ai sum, rai nga ai rai nna,

1 SAMUELA 6:19

Ya Bet-sheme masha ni dai sumpu hta yu yu ai majaw, Yehowa shanhte hta na marai sanit shi hte, masha mun manga hpe sat kau mu ai: shing rai Yehowa shanhte hpe ari kaba jahkrum mu ai majaw, masha ni sharung shayawt nga ma ai.