BU HKAWM 3:7 - Jinghpaw Hanson Version Bible

⁷ Shanhte gaw dai sumpan sum a amu shachyen na matu, Arun hte seng ai amu mung, shawa hpung ting hte seng ai amu mung, dai shawa sum a man e gun hpai na rai mu ai.

Jinghpaw Common Language Bible 2009

⁷ Shanhte gaw nye a hpung shingkang shanu nga ai Sum hta ra ai amu ni hpe shachyen na matu, hkinjawng ni gun hpai ai magam lit ni hpe mung, shawa hpung ting hte seng ai amu ni hpe mung galaw na rai ma ai.

BU HKAWM 3:7 Iomraidhean Croise

1 HKAWHKAM LABAU 26:20

Bai Lewi masha Ahiya gaw, Karai Kasang nta na sutdek hte, chyoi pra ai arai ni a sutdek ni hpe up nga ai.

1 HKAWHKAM LABAU 26:22

Yehiela a shadang sha Zehtam hte shi a kanau Yoela gaw, Yehowa nta na sutdek hpe up nga ma ai.

1 HKAWHKAM LABAU 26:26

Shelomot hte shi a kanau ni gaw, hkawhkam Dawi hte kawa dap ni agyi ni ngu ai, hpyen ma hkying mi, hpyen ma latsa hte luksuk laba ni a bu ni tawn da ai chyoi pra ai sut rai ni mahkra hpe up nga ai.

JAW JAU 8:35

Dai rai nna, nanhte si ai n hkrum myit ga, sanit ya tup shani shana, shawa sum chyinghka a makau e nga nga nna Yehowa a matsun hkan nga na rai myit dai, nga nna ngai hpe hkang da ni ai, ngu nna tsun mu ai.

BU HKAWM 1:50

Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

BU HKAWM 1:53

Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 3:32

Hkinjawng Arun a kasha Eliaza gaw Lewi amyu hta na agyi ni a ntsa e agyi tai nna, dai nawku nta hta amu gun hpai ai ni hpe up na rai wu ai.

BU HKAWM 3:8

Shanhte gaw shawa sum a arai yawng mayawng yu lajang nna, dai sumpan sum hta Israela kashu kasha ni a jaw jau ai amu gun hpai na rai ma ai.

BU HKAWM 31:30

Bai, Israela kashu kasha ni lu ai ka-ang hkup hta na mung, masha hte dumsu, lawze, sagu bainam re ai yamnga hkum manga shi hta na hkum mi hta la nna, Yehowa a sumpan nta amu gun hpai ai Lewi masha ni hpe jaw mu,” ngu wu ai.

BU HKAWM 8:11

Yehowa hpe jaw jau ai amu gun hpai shangun na matu, Israela a kashu kasha ni a malai ngu na Lewi masha ni hpe, Arun gaw Yehowa kaw nwat hkungga hku sak jaw na rai wu ai.

BU HKAWM 8:15

Shaloi she Lewi masha ni gaw shawa sum a amu shang gun lu na rai ma ai: nang shanhte hpe jasan jaseng nna, nwat hkungga hku sak jaw na rai ndai.