BU HKAWM 3:3 - Jinghpaw Hanson Version Bible

³ Dai ni gaw hkinjawng aya dang ai shani e, namman chya hkam la ai Arun a shadang sha hkinjawng ni rai nga ma ai.

Jinghpaw Common Language Bible 2009

³ Shanhte gaw namman chya hkam nna hkinjawng aya dang la ma ai;

BU HKAWM 3:3 Iomraidhean Croise

1 HKAWHKAM LABAU 23:6

Bai Dawi gaw, Lewi a shadang sha ni, Gershon, Kohat hte Marari a amyu hkan nna, shanhte hpe hpung mi hte hpung mi karan tawn mu ai.

PRU MAT 28:41

Shing rai na nhpu Arun hte shi a shadang sha ni hpe nang shabu jahpun nna, nye a man e hkinjawng amu gun hpai nga na matu, shanhte hpe namman chya nna, aya dang da ai hte shachyoi shapra na rai mu ai.

PRU MAT 40:13

Arun hpe mung dai chyoi pra ai hpun palawng nang jahpun nna, nye a man e hkinjawng amu gun nga na matu, shi hpe namman chya ai hte shachyoi shapra na rai wu ai.

PRU MAT 40:15

nye a man e hkinjawng amu gun hpa nga lu na matu, shanhte a kawa hpe chya ai zawn shanhte hpe mung namman chya na rai wu ai: shanhte hpe namman chya ai lam gaw shanhte a shu mashi shu masha prat dingsa na hkinjawng lam a hkringhtawng rai malu ai, ngu wu ai.

JAW JAU 8:12

Dai chya ai namman hpe Arun a baw hta ru jaw nhtawm, shi hpe chya nna shachyoi shapra wu ai.

JAW JAU 8:30

Bai Mawshe gaw, chya na namman hte tawn hkungri na asai la nhtawm, Arun hte shi a hpun palawng hta mung, shi a shadang sha ni hte shanhte a hpun palawng ni hta mung lapri bun nna, Arun hte shi a hpun palawng, shi a shadang sha ni hte shanhte a hpung palawng hpe shachyoi shapra wu ai.

BU HKAWM 3:4

Nadab yan Abihu gaw Sina nam e naw rai nga yang, Yehowa a man e wan shaje hte jaw jau ai shaloi Yehowa a man e si mat ma ai: shan hta matu mara n nga ai rai nna, Eleaza yan Ihtama gaw kawa Arun a man e hkinjawng amu gun hpai nga ai.

HEBRE 7:28

Jep ai tara gaw, hkinjawng agyi aya hta mara kap ai masha hpe dang da nga ai; jep ai tara a hpang e pru ai dagam ai ga chyawm gaw, tutnawng e hkum hkum tsup tsup re ai Kasha wa hpe dang da nga ai.