BU HKAWM 3:10 - Jinghpaw Hanson Version Bible

¹⁰ Arun hte shi a shadang sha ni hpe nang aya dang tawn nna, shanhte gaw tinang a hkinjawng amu sin nga na rai ma ai: dai de htep sa ai amyu kaga masha gaw sat kau ai hkrum lu na wu ai,” ngu wu ai.

Jinghpaw Common Language Bible 2009

¹⁰ Arun hte shi a shadang sha ni hpe hkinjawng amu gun hpai na matu nang shanhte hpe matut shatsam na rai ndai; shanhte galaw ai amu hta hkan galaw shakut nang ai wa kadai mung sat kau ai hkrum na rai wu ai,” ngu nna tsun wu ai.

BU HKAWM 3:10 Iomraidhean Croise

2 SAMUELA 6:7

De a majaw Yehowa Uza hpe masin pawt nna, shi a mara majaw, Karai Kasang shi hpe ari jaw nna, Karai Kasang a sumpu makau e shi si mat sai.

1 HKAWHKAM 12:31

Bai tsaw ai kawng ni a ntsa e shi nta gap da nna, Lewi amyu n re ai yu maya masha ni hpe hkinjawng shatai wu ai.

1 HKAWHKAM LABAU 6:32

Shawlumon gaw Yerusalem mare hta e Yehowa a nta hpe gap da ai nhtoi du hkra, shanhte gaw shawa hpawng a sumpan nta man e mahkawn mangoi woi nga ma ai. Shanhte gaw tinang a ahpung abat hkan nna woi ma ai.

NEHEMIA 6:11

Ngai mahtang, “Ngai zawn re ai wa hprawng na rai kun? Ngai hte bung ai wa, asak lawt na matu, nawku Htingnu de shang na, kadai wa rai ta? Ngai n shang na nngai,” ngu nna htan wu ai.

PRU MAT 29:9

Arun hte shi a shadang sha ni hpe shingkyit kyit ya nna, bunghkaw hkaw ya na rai wu ai: shing rai shanhte gaw, tutnawng nga nga ai tara hte maren hkinjawng amu gun nga lu na rai nga ai: shing di Arun hte shi a shadang sha ni hpe hkinjawng aya hta nang dang da na rai ndai.

EZEKELA 44:8

Nanhte gaw nye a chyoi pra ai arai ni hpe n sin ai hte, nanhte a malai, dai tsasam ni hpe, nye a chyoi pra ai shara hta sin shangun myit dai.

JAW JAU 22:10

Masha tsasam kadai rai timung chyoi pra ai arai ni sha lu na n rai: hkinjawng wa kaw shingbyi nga ai manam hte nchyang wa mung sha lu na n rai.

BU HKAWM 1:51

Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

BU HKAWM 16:10

nang hkum hpe mung, na nhpu nnau Lewi masha yawng hte hpe mung, shi hpang de sit wa shangun ai chyeju hpe n gawn n sawn rai nga myit hka i? hkinjawng aya mung naw tam nga myit ni?

BU HKAWM 16:35

Lawban nat nawng ai masha ni tsa e manga shi hpe mung, Yehowa kaw na wan pru nna hkru kau mu ai.

BU HKAWM 16:40

dai rai nna, Arun lakung n re ai, amyu lakung gale ni Yehowa man e lawban nat nawng ai hte, Kora hte shi hpang maga na ni zawn n rai mu ga nga, Yehowa Mawshe a n-gup hta tsun da ai hte maren, dai gaw Israela kashu kasha ni hta shadum jahprang nga na kumla rai nga ai.

BU HKAWM 18:3

Shanhte gaw nang hpe karum na hte dai Sum hpe yu lajang na rai ma ai: rai timung, nan wa ai hte shanhte si ai n hkrum myit ga dai chyoi pra nta a arai ni hte tawn hkungri de shanhte htep sa lu na n rai.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

BU HKAWM 3:11

Bai Yehowa Mawshe hpe tsun wu ai gaw,

BU HKAWM 3:38

Mawshe yan Arun hte Arun a shadang sha ni chyawm gaw, Israela kashu kasha ni a matu dai chyoi pra ai nta hpe sin let shawa sum a sumpan nta a sinpraw man e but de ai ni rai nga ma ai: amyu kaga masha dai de sa htep yang, sat kau ai hkrum lu na rai wu ai.

ROMA 12:7

hpungtau rai yang gaw, hpungtau bungli hpe gun hpai ga; sharin achyin re ai wa gaw, sharin achyin ai amu hpe,

EHPESU 2:19

Dai re ai majaw, ya gaw nanhte tsasam hte malet nhprang manam n re ai sha, chyoi pra ai ni hte rau, mung masha hte Karai Kasang a nta na ni, nanhte rai nga myit dai:

TARA JAHPRANG 18:5

Kaning rai nme law, shi hte shi a kashu kasha prat dingsa Yehowa a amying hte shi a magam gun hpai na matu, na a Karai Kasang Yehowa, na a nhpu nnau ni nlang hta na shi hpe lata la nu ai.

HEBRE 8:4

Ya shi gaw, ga ntsa e she nga taw gaw, gaja wa hkinjawng tai na n rai; kaning rai nme law, jep ai tara hku hte maren, kumhpaw kumhpa daw jau ai ni nga nga ma ai:

TARA AGYI 17:5

Dai Mihka ngu ai wa mung, Hpara jawng lu ai rai nna, hkinjawng palawng hte terahpim sumla galaw nna, shi a kasha langai mi hpe hkinjawng aya dang tawn da wu ai.

1 SAMUELA 6:19

Ya Bet-sheme masha ni dai sumpu hta yu yu ai majaw, Yehowa shanhte hta na marai sanit shi hte, masha mun manga hpe sat kau mu ai: shing rai Yehowa shanhte hpe ari kaba jahkrum mu ai majaw, masha ni sharung shayawt nga ma ai.