BU HKAWM 27:3 - Jinghpaw Hanson Version Bible

³ “Anhte a wa gaw nam mali e si mat sai; rai timung, shi gaw Yehowa hpe rawt gumlau ai Kora hpung masha ni hta lawm ai n rai: shi dai shi a mara hta si wa sai; shi hta shadang sha mung n nga lu ai.

Jinghpaw Common Language Bible 2009

³ “Anhte a wa gaw shadang sha n lu ai sha nam mali e si mat sai. Dai Madu hpe gumlau ai Kora a hpang hkan ai ni hta shi lawm ai n rai; shi a yubak mara a majaw shi si wa sai.

BU HKAWM 27:3 Iomraidhean Croise

EZEKELA 18:4

Yu mu, myit masin yawng hpe ngai madu nga nngai; kaji kawa a myit masin hpe ngai madu ai zawn, kashu kasha a myit masin hpe mung madu na nngai: yubak galaw ai myit masin gaw, si na ra ai.

BU HKAWM 14:35

Ngai Yehowa ning nga nga nngai: gaja wa teng teng ngai hpe gumlau ai, ndai n hkru ai shawa hpawng hpe shing di na we ai; ndai nam mali hkan e shanhte si mat na masai; ndai yang e nyawp mat na masai, nga ai, ngu mu,” ngu wu ai.

BU HKAWM 16:19

Shing rai Kora gaw, shan a man e shawa hpung nlang hte hpe shawa sum chyinghka e zuphpawng tawn mu ai: shaloi Yehowa a hpung shingkang gaw dai shawa hpung a man e dan hkung nga ai.

BU HKAWM 16:49

Shing rai Kora a lam majaw si ai ni hta kaga, dai ana zinli hte si ai ni yawng, mun mi hkying mali e sanit tsa rai ma ai.

BU HKAWM 26:33

Hehpera kasha Zelohpa gaw shadang sha n lu ai, shayi sha hkrai rai lu ai; Zelohpa a shayi sha ni a amying gaw, Mala, Noa, Hogla, Milhka, Tirza rai ma ai.

BU HKAWM 27:2

shawa sum chyinghka makau na, Mawshe yan hkinjawng Eleaza a man e mung, du agyi ni hte shawa hpung masha ni mahkra a man e mung tsap let:

BU HKAWM 27:4

Shing rai shadang sha n lu ai a majaw, anhte a wa a amying gaw anhte lakung hta na mat mai na rai ni? Anhte a wa a kahpu kanau ni hte rau anhte hpe mung lamu ga sali karan jaw mi,” ngu nna hpyi mu ai.

YAWHAN 8:21

Dai re ai majaw shi shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam na marin dai; tinang a yubak hta mung, nanhte si na myit dai: ngai wa ai shara de mung, nanhte n du lu na myit dai,” ngu mu ai.

YAWHAN 8:24

Dai majaw, nanhte gaw tinang a yubak hta si na marin dai, ngu nna ngai nanhte hpe tsun ni ai: kaning rai nme law, ngai dai wa rai nga nngai hpe, nanhte n kam myit yang gaw, nanhte tinang a yubak hta si na myit dai,” ngu mu ai.

ROMA 5:12

Dai rai nna, masha langai mi a jaw e yubak gaw mungkan ga e shang wa nna, yubak a majaw si hkrung si htan shang nang wa ai hte maren, yawng mayawng yubak kap nga ma ai majaw, masha nlang kaw e si hkrung si htan du bang wa sai.

ROMA 5:21

rai timung, yubak gaw si hkrung si htan hte up hkang nga ai hte maren, anhte a Madu Yesu Hkristu a marang e, htani htana asak lu la hkra, chyeju gaw dinghpring ai hte up hkang nga lu u ga, yubak law htam wa ai hte yang e, chyeju gaw grau nna law htam wa sai.

ROMA 6:23

Kaning rai nme law, yubak a shabrai gaw si mat ai rai nga ai; Karai Kasang a chyeju kumhpa chyawm gaw, anhte a Madu Hkristu Yesu hta e, htani htana asak rai nga ai.