BU HKAWM 26:5 - Jinghpaw Hanson Version Bible

⁵ Israela kasha alat Rubin: Rubin a kasha dap ni gaw, Hanuk hta na hkrat ai Hanuk dap; Hpalu hta na hkrat ai Hpalu dap;

Jinghpaw Common Language Bible 2009

⁵ Rubin a amyu bawsang (Rubin gaw Yaku a shadang sha alat rai nga ai.) Dai hta Hanuk a lakung lakying ni, Hpalu,

BU HKAWM 26:5 Iomraidhean Croise

NINGPAWT NINGHPANG 29:32

Shaloi Lea na-um nasin rai nna shadang sha shangai wu ai. Shi hpe Rubin ngu nna shamying wu ai: kaning rai nme law, shi gaw, “Ngai nga karen nga ai hpe Yehowa mada yu ni ai; dai rai nna ya nye a madu wa ngai hpe tsawra na ni ai,” nga ai.

NINGPAWT NINGHPANG 35:22

Israela dai yang e nga ai shaloi, Rubin gaw shi kawa a lashi num Bila kaw shang nna shi hte rau yup wu ai: dai lam Israela na wu ai. Ya Yaku a shadang sha ni shi lahkawng rai nga ma ai:

NINGPAWT NINGHPANG 35:23

Lea hta na Yaku a shadang sha ni gaw, lat wa Rubin hte, Simun, Lewi, Yuda, Yisahka, Zebulun hte rai ma ai.

1 HKAWHKAM LABAU 5:1

Rubin gaw Israela a kasha alat rai nga ai: rai timung, kawa a yup ku hpe awu asin di kau wu ai majaw, hpu lat aya gaw Israela a kasha Yawsep hpe jaw kau wu ai rai nna, ahtik labau laika gaw hpu lat aya hku hkan wu ai n rai.

1 HKAWHKAM LABAU 5:3

Ya, Israela a kasha alat Rubin a shadang sha ni gaw, Hanuk, Hpalu, Hezron, Hkarmi hte rai ma ai.

PRU MAT 6:14

Da ndai gaw shan a kaji kawa daju ni rai nga ma ai. Israela a kasha alat Rubin a shadang sha ni gaw, Hanuk, Hpalu, Hesrun, Hkadmi hte rai ma ai: dai hte gaw Rubin a dap ni rai nga ma ai.

BU HKAWM 1:20

Ya, Israela kasha alat Rubin amyu hta, tinang lakung, tinang dap, tinang kawa a nta hkan nna, asak hkun ning lai ai hte hpyen gasat lawm lu ai lasha yawng a amying, langai hte langai hpe hti mu ai:

BU HKAWM 26:4

Mawshe hte Egutu mung na pru wa ai Israela kashu kasha ni hpe Yehowa hkang da yang na zawn, asak hkun ning lai ai hpe jahpan la mu,” ngu nna hkang dat mu ai.

BU HKAWM 26:6

Hezrun hta na hkrat ai Hezrun dap; Hkarmi hta na hkrat ai Hkarmi dap; hte rai ma ai.