BU HKAWM 20:20 - Jinghpaw Hanson Version Bible

²⁰ Edom wa chyawm gaw, “Nang lai lu na n rai, nga nna, masha law law hte nsam kaba dat let, hkap hpya na nga pru sa wa ai.

Jinghpaw Common Language Bible 2009

²⁰ Edom masha ni mung, “Anhte ahkang n lu jaw ga ai!,” ngu nna tsun ma ai. Dai hpang Israela masha ni hpe htim gasat na matu shanhte gaw hpyen luksuk kaba hte pru sa wa ma ai.

BU HKAWM 20:20 Iomraidhean Croise

NINGPAWT NINGHPANG 27:41

Ya, Yaku hpe kawa shaman ya ai chyeju a majaw Esaw gaw Yaku hpe n dawng da wu ai rai nna, Wa a majaw sharung shayawt na nhtoi gaw ni wa sai; dai shaloi e ngai nau Yaku hpe ngai sat kau na we ai, nga nna shi a kraw e myit let tsun nga ai.

NINGPAWT NINGHPANG 32:6

dumsu hte lawze mung, sagu bainam hpung mung, lasha yam numsha yam mung, ngai law law lu nngai: nye a madu a man e ngai myi man pa lu u ga, ngu nna shana dat nngai, nga ai ngu nna nye a madu Esaw hpe tsun ya mi, ngu dat wu ai.

SHAKAWN KUNGDAWN 120:7

Ngai ngwi ai lam ra nga nngai rai timung, Ngai ga tsun jang e, shanhte majan baw na maw ma ai.

AMO LAIKA (AMOS) 1:11

Yehowa ning nga ai: Edom amyu a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shi gaw matsan hpa n dum ai, kahpu kanau wa hpe nhtu hte hkan shachyut let, pawt sindawng ai hte tut tut amya je kau nna, masin galoi n si hkraw ai.

BU HKAWM 20:18

Edom wa chyawm gaw, “Nang nye a mung ka-ang hku n ga lai lu na ndai; ga lai wa myit yang gaw nhtu hte hkap hpya na made ai,” ngu nna htan dat wu ai.

BU HKAWM 20:21

Shing rai Edom wa Israela hpe shi a mung ga lai na ahkang n jaw wu ai rai nna, Israela gaw shi hpe yen da wu ai.

TARA AGYI 11:17

Edom hkawhkam hpang de kasa shangun dat nna, ‘Na a mungdan hku ga lai wa n ga,’ ngu nna hpyi timung, Edom hkawhkam wa n madat wu ai: dai hte maren Moba hkawhkam hpang de shangun dat yang, shi mung n madat wu ai: dai rai nna, Israela amyu Kadesha shara e hkring nga ma ai.

TARA AGYI 11:20

Sihon gaw Israela amyu hpe n kam nna, shi a mung hku ga lai wa na ahkang n jaw ai hta n-ga, shi a masha ni mahkra hpe jahpawng nna, Yahaza shara e Israela hpe hkap gasat wu ai.