BU HKAWM 18:3 - Jinghpaw Hanson Version Bible

³ Shanhte gaw nang hpe karum na hte dai Sum hpe yu lajang na rai ma ai: rai timung, nan wa ai hte shanhte si ai n hkrum myit ga dai chyoi pra nta a arai ni hte tawn hkungri de shanhte htep sa lu na n rai.

Jinghpaw Common Language Bible 2009

³ Shanhte gaw Sum hta galaw ra ai shanhte a amu ni hte nang hpe karum na shanhte a lit ni hpe galaw shatup na rai ma ai; rai ti mung Chyoi Pra ai Shara hta nga ai san seng ai arai hte tawn hkungri ni hpe shanhte sa hkra lu na ma ai n rai; shanhte dai hpe sa hkra hkrup ma ai rai yang, shanhte mung, nan wa ni mung si na rai myit dai.

BU HKAWM 18:3 Iomraidhean Croise

EZEKELA 44:13

Shanhte gaw nye a man e hkinjawng amu galaw na matu, chyoi pra htum ai shara na chyoi pra ai arai ni hpang de ni wa lu na n rai; shanhte gaw tinang a kaya kahpa hte, tinang galaw ai matsat shabat amu mahkra hpe, hkam sha na mara ai.

BU HKAWM 1:51

Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

BU HKAWM 1:53

Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 16:40

dai rai nna, Arun lakung n re ai, amyu lakung gale ni Yehowa man e lawban nat nawng ai hte, Kora hte shi hpang maga na ni zawn n rai mu ga nga, Yehowa Mawshe a n-gup hta tsun da ai hte maren, dai gaw Israela kashu kasha ni hta shadum jahprang nga na kumla rai nga ai.

BU HKAWM 18:4

Shanhte gaw nang hpe karum nna, shawa sum hpe yu lajang ai hte, dai Sum hte seng ai yawng mayawng hpe gun hpai na rai ma ai: masha gale chyawm gaw nanhte kaw htep lu na n rai.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

BU HKAWM 3:25

Gershon a kashu kasha ni, dai shawa sum hta gun hpai na amu kumhtaw gaw shawa sum galup ai sumpan magap, de a ntsa na Sum hte ntsa jahtum na magap, shawa sum chyinghka na nba grang,

BU HKAWM 3:31

Shanhte a amu kumhtaw gaw, sumpu, aku, pyengdin shadun, tawn hkungri ni, jaw jau yang chyoi pra ai shara e lang ai arai ni, nba shinggang hte dai hte seng ai yang mayawng yu lajang na rai ma ai.

BU HKAWM 3:36

Merari kashu kasha ni a amu kumhtaw gaw, sumpan sum a hpunpyen ni, htinggrang ni, shadaw ni, machyaw ni hte dai hte seng ai rai nlang hpe mung;

BU HKAWM 31:30

Bai, Israela kashu kasha ni lu ai ka-ang hkup hta na mung, masha hte dumsu, lawze, sagu bainam re ai yamnga hkum manga shi hta na hkum mi hta la nna, Yehowa a sumpan nta amu gun hpai ai Lewi masha ni hpe jaw mu,” ngu wu ai.

BU HKAWM 4:15

Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.