BU HKAWM 15:3 - Jinghpaw Hanson Version Bible

³ Yehowa a matu wan nat hkungga, shing n rai hkungga amyu gale ngu na, ga shaka da yang jaw jau ai hkungga, mayu a jau ai hkungga, madat da ai poi hta jaw jau ai hkungga re ai ni hpe, dumsu hte rai timung, sagu bainam hte rai timung, Yehowa a manam pyaw sangau tai na matu jaw jau mayu myit yang;

Jinghpaw Common Language Bible 2009

³ Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

BU HKAWM 15:3 Iomraidhean Croise

NINGPAWT NINGHPANG 8:21

Yehowa mung dai manam pyaw ai sangau hkap manam la wu ai: dai rai nna Yehowa gaw, Ginding aga hpe shinggyim masha ni a majaw, hpang de ngai dagam kau na ni ai n rai; kaning rai nme law, shi a kraw lawang na myit mang gaw, kaji kaw nna n shawp nga lu ai: dai hta kaga, ya e hkrung mahkrung hte hpe ngai jahten mawe ai zawn, hpang de galoi mung ngai bai jahten na ni ai n rai:

EZRA 7:17

dai gumhpraw hte usu, sagu la sagu kasha hte hpawn, dai hta lawm ai lusha hkungga, dumhpung hkungga ni hpe alawan mari nna, Yerusalem mare e nga ai nanhte a Karai Kasang a nta na tawn hkungri ntsa e nawng ya lu na myit dai.

SHAKAWN KUNGDAWN 54:6

Mayu hkungga ngai nang hpe jaw na nngai: Yehowa e, na a amying mai kaja nga ai majaw, Ngai dai hpe shakawn kungdawn na nngai.

PRU MAT 29:18

sagu la a shan yawng hpe tawn hkungri hta nat na rai wu ai: dai gaw Yehowa a matu wan nat hkungga rai na rai nga ai; Yehowa hpe wan hte nat nawng ai manam pyaw hkungga rai nga ai.

PRU MAT 29:25

Bai shanhte a lata na nang dai hpe la nna, Yehowa a man e manam pyaw ai sangau di na matu, tawn hkungri na wan nat hkungga a ntsa e nat na rai ndai: dai gaw Yehowa hpe wan hte nawng ai hkungga rai nga ai.

PRU MAT 29:41

Bai sagu kasha langai mi hpe shana de na nawng jau ai hta, jahpawt na lusha kumhpa hte ru hkaw na kumhpa shalawm nna, Yehowa hpe wan hte jau ai hkungga hte manma pyaw ai sangau di na rai ndai.

JAW JAU 10:13

dai gaw chyoi pra htum ai rai nga ai: dai kumhpa gaw Yehowa hpe wan hte nawng ai kumhpa ni hta na nang hte na a shadang sha ni lu la ging ai kumhtaw rai malit dai majaw, chyoi pra ai shara e sha lu na rai myit dai: ning nga ngai hpe hkang da ni ai.

JAW JAU 27:2

Israela kashu kasha ni hpe ning ngu tsun u: Kadai rai timung ga shaka da ai hte jaw jau ai rai yang, nang tawn da ai manu hte maren, dai wa gaw Yehowa a gun rai tai na rai nga ai.

JAW JAU 7:16

hpang jahpawt du hkra mai ngam na n rai. Rai timung ga shaka da nna jau ai, shing n rai mayu hkungga jau ai rai yang gaw, kumhpa jaw ai shani e sha nna, hpang jahpawt du hkra ngam ai hpe mung, naw mai sha na rai nga ai:

BU HKAWM 28:27

Yehowa a manam pyaw sangau shatai na, wan nat hkungga matu, usu uram lahkawng, sagu la langai mi, ladu hkrum ai sagu la kasha sanit hte,

BU HKAWM 29:8

dai shani e Yehowa a manam pyaw sangau shatai na, wan nat hkungga matu, usu uram langai mi, sagu la langai mi, ladu hkrum ai sagu la kasha sanit nawng na rai myit dai: dai ni gaw ra n rawng ai hkrai rai na rai nga ai:

BU HKAWM 6:15

sau hte gumrin ai mani ai muk shadung hte galaw ai muk pa; sau hte galu ai matsi n rawng ai muk hkrawp, ngu ai matsi n rawng ai muk ka mi hte de a shadung kumhpa, ru hkaw kumhpa, Yehowa hpe sa sak na rai wu ai.

MAHTE 3:17

dai hta n-ga, “Ndai wa gaw ngai sharawng awng nga ai, ngai tsawra ai Kasha rai nga li ai,” nga nna lamu de na nsen ngoi pru wa ai.

2 KORINHTU 2:15

Kaning rai nme law, anhte gaw hkye hkrang la hkrum ai ni hta mung, sum mat hkrum ai ni hta mung, Karai Kasang a man e Hkristu hta ngwipyaw bat rai nga ga ai:

2 KORINHTU 2:16

sum mat hkrum ai ni hta si na matu si hkrung si htan bat, gale hta asak lu na matu asak kaw na bat, anhte rai nga ga ai.

EHPESU 5:2

Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

TARA JAHPRANG 12:11

shi a mying ningsang nga nga na matu, nanhte a Karai Kasang Yehowa san da ai shara de, ngai hkang da mada hte maren, nanhte a wan nat hkungga hte shagu hkungga; htamshi hta htammi jaw ai kumhpa hte nanhte a lata na manawt kumhpa; Yehowa hpe ga shaka da ai hte maren jaw jau ai kaja htum ai ga rai myit dai.

TARA JAHPRANG 12:17

Na a nai mam, tsabyi jahku, sau namman re ai ni a htamshi hta na nawng jau ai htammi; sagu dumsu hta na shawng hkrat ai kasha alat; ga shaka kumhpa, mayu a jau ai kumhpa hte na a lata na manawt kumhpa re ai ni hta na baw mi hpe mung, tinang a nga ai shara e nang sha lu na ndai n rai:

TARA JAHPRANG 12:6

dai de, nanhte a wan nat hkungga hte shagu hkungga; htamshi hta na htammi jaw ai kumhpa hte nanhte a lata na manawt kumhpa; ga shaka kumhpa hte mayu jaw jau ai kumhpa; sagu dumsu hpung ni hta na shawng hkrat ai kasha alat re ai kumhpa ni hpe la sa na rai myit dai:

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.