BU HKAWM 14:3 - Jinghpaw Hanson Version Bible

³ Yehowa gaw anhte hpe ri nhtu hta si hkra, hpa majaw ndai de woi wa mi ai i? anhte a num ni hte ma chyangai ni gaw lanep tai ma na masai; Egutu mung de bai nhtang wa yang grau mai ai n rai ni?” nga nna tsun ma ai.

Jinghpaw Common Language Bible 2009

³ Dai Madu gaw anhte hpe hpa majaw dai mungdan de woi wa nga a ni? Anhte mung majan hta sat kau ai hkrum nna anhte a num ni hte kashu kasha ni mung rim la ai hkrum na manu ai. Egutu mung de bai nhtang wa yang, grai mai na n rai ni?,” ngu nna shanhte tsun ma ai.

BU HKAWM 14:3 Iomraidhean Croise

NEHEMIA 9:17

shanhte a ka-ang e nang madun dan ai mauhpa amu hpe n dum nga ai sha, shanhte du shaja ai hte, gumlau let, mayam tai nga ai mung de nhtang wa na nga, hpyen du hpe san da ma ai. Nang chyawm gaw, yubak raw dat ai, matsan dum ai hte chyeju myit rawng ai, myit galu ai hte n-gaw nwai myit madun ai Karai Kasang rai nga nna, shanhte hpe kau da mu ai n rai.

SHAKAWN KUNGDAWN 78:40

Nam mali hkan e shanhte gade lang gumlau nga nna, Hkraw krin ai shara e, shi hpe myit shayawn da mu hka!

PRU MAT 16:3

Shanhte gaw, “Egutu mung e shan di ni a makau e anhte dung nna hkru hkru kat kat muk sha lu nga yang, Yehowa a lata hte si mat yang grau mai ai: ndai shawa hpung ting hpe kawsi ai hte sat kau na, nga nna ndai nam mali de nan anhte hpe woi wa myit hka,” nga nna shan hpe tsun mu ai.

PRU MAT 5:21

Shaloi shanhte gaw, “Yehowa nan hpe yu nna jeyang ya myit ga: kaning rai nme law, Hpara-u a masha ni a nhtu hte anhte hpe sat shangun na nga, nan gaw anhte a sama hpe, Hpara-u hte shi a agyi salang ni a man e matsat shangun ya manit dai,” ngu nna shan hpe hkap tsun mu ai.

YEREMIA 42:14

N rai law, anhte Egutu mung de yu wa na ga ai; dai yang e anhte hpyen hkrum na n rai; pahtau nsen na lu na n rai; kawsi hpang gara hkrum na n rai; dai yang e anhte nga na ga ai, nga nna tsun myit yang gaw,

YEREMIA 42:19

Naw ngam nga ai Yuda amyu masha ni e, Egutu mung de hkum yu wa myit, nga nna nanhte a lam Yehowa tsun nga sai; ngai dai ni nanhte hpe sakse hkam nga nngai, teng teng dum nga mu.

YEREMIA 9:3

“Shanhte gaw masu ai ga tsun lu hkra, tinang shinglet hpe ndan zawn shachyen ma ai; dai mungdan hta shanhte galu kaba wa timung, kangka lam hta galu kaba wa ai, n rai; gaja wa, shanhte je je n hkru wa nna, ngai hpe n chye ma ai,” nga nna Yehowa tsun ai.

BU HKAWM 11:20

nanhte a ladi hta manam pru nna ajin anang nga hkra shata mi tup sha lu na myit dai: kaning rai nme law, Nanhte hta rawng nga ai Yehowa hpe nanhte n hpu n lu nga nna, Egutu mung na anhte hpa rai pru wa ga ai i? nga nna shi a man e hkrap myit dai, ngu mi,” ngu wu ai.

BU HKAWM 16:13

ndai nam mali hta nang anhte hpe sat kau lu hkra, nga chyu hte lagat jahku lwi ai mung nna nang anhte hpe shapraw kau ai wa pyi n ram dum ai; ya mung anhte a ntsa e du agyi naw tai mayu n hka i?

BU HKAWM 20:3

amyu masha ni Mawshe hte ndang kalang hkat let, “Yehowa a man e anhte a hpunau ni si rum ai shaloi e, anhte mung si a taw le:

BU HKAWM 21:5

Dai rai nna amyu masha ni gaw, “Ndai nam mali e anhte si ma u ga nga, Egutu mung na hpa rai anhte hpe woi wa myit ta? muk mung n nga, ntsin mung kata; ndai asit n’ nga ai muk gaw anhte sha jin saga ai, nga nna Karai Kasang hte Mawshe hpe aput mu ai.

KASA 7:39

anhte a ji wa ni chyawm gaw shi a ga n madat mayu nna, shi hpe ndang kau let, Egutu mung hpe bai marit ai hte,

TARA JAHPRANG 1:39

Dai hta n-ga, hpyen ni rim la na matu sha rai nga ma ai, nga nna nanhte tsun ai ma chyangai ni hte dai shani e kaja n kaja pyi garai n chye ginhka ai, nanhte a ma ni gaw, dai mung hta e shang lu nna, dai mung ngai shanhte hpe ap ya na mawe ai rai nna, shanhte dai hpe madu lu na mara ai.