BU HKAWM 11:4 - Jinghpaw Hanson Version Bible

⁴ Ya shanhte hta lawm nang wa ai kayau kaya re ai amyu masha ni gaw grai marit nga ma ai: Israela kashu kasha ni mung bai hkrap nna, “Anhte sha na shan kadai jaw sana i?

Jinghpaw Common Language Bible 2009

⁴ Israela amyu masha ni hte rau hkawm sa ai hta maigan masha ni mung lawm ma ai. Shanhte gaw lusha shahpa grai marim ai ni rai ma ai. Israela masha ni nan pyi, “Anhte sha na shan loi mi sha lu saga ai wa!

BU HKAWM 11:4 Iomraidhean Croise

NEHEMIA 13:3

Dai tara hpe na jang, shanhte gaw kayau kaya nga ai amyu masha ni hpe, Israela amyu masha ni hta na jahka kau mu ai.

SHAKAWN KUNGDAWN 106:14

Nam mali hkan e, shanhte myit marin la nga nna, Shingran katsi ai shara e, Karai Wa hpe dinglik yu ma ai.

PRU MAT 12:38

Amyu kaga law law ni mung, sagu bainam, yamnga hpung law law hte shanhte kaw hkan nang lung wa ma ai.

PRU MAT 16:12

Shana de nanhte shan sha lu na marin dai; jahpawt mung muk hte hkru kat na marin dai: shaloi ngai nanhte a Karai Kasang Yehowa rai nga nngai gaw nanhte chye lu na marin dai, ngu nna shanhte hpe tsun mu,” ngu nna Mawshe hpe tsun wu ai.

PRU MAT 16:3

Shanhte gaw, “Egutu mung e shan di ni a makau e anhte dung nna hkru hkru kat kat muk sha lu nga yang, Yehowa a lata hte si mat yang grau mai ai: ndai shawa hpung ting hpe kawsi ai hte sat kau na, nga nna ndai nam mali de nan anhte hpe woi wa myit hka,” nga nna shan hpe tsun mu ai.

YEREMIA 42:14

N rai law, anhte Egutu mung de yu wa na ga ai; dai yang e anhte hpyen hkrum na n rai; pahtau nsen na lu na n rai; kawsi hpang gara hkrum na n rai; dai yang e anhte nga na ga ai, nga nna tsun myit yang gaw,

BU HKAWM 11:18

Amyu masha ni hpe mung nang ning ngu tsun u: “Hpawt ni nhtoi na matu tinang hkum hpe shachyoi shapra da mu; nanhte shan lu sha na marin dai; kaning rai nme law, kadai wa anhte hpe shan jaw sha sana i? Egutu mung e nga yang gaw anhte mu mu mai mai nga lu ga ai le, nga nna Yehowa a na hta nanhte hkrap ai ga majaw, shi nanhte hpe shan jaw sha na ra ai rai nna, nanhte sha lu na marin dai.

BU HKAWM 14:1

Shaloi dai shawa hpung yawng tinang a nsen shaja nna jahtau shabam ma ai; amyu masha ni dai shana tup hkrap nga ma ai.

BU HKAWM 14:22

Egutu mung kaw nna, ndai nam mali du hkra nye a hpung shingkang hte ngai madun ai lamik kumla ni hpe mu lu ai ni nlang hte gaw, nye a ga n madat ai, ya shi lang du hkra ngai hpe dinglik mi ai majaw,

BU HKAWM 16:13

ndai nam mali hta nang anhte hpe sat kau lu hkra, nga chyu hte lagat jahku lwi ai mung nna nang anhte hpe shapraw kau ai wa pyi n ram dum ai; ya mung anhte a ntsa e du agyi naw tai mayu n hka i?

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

1 KORINHTU 10:6

Shanhte gaw n kaja ai arai hpe myit marin nga ma ai zawn, anhte gaw n marin u ga she, dai lam hte gaw anhte matu shari tai wa masai.

1 KORINHTU 15:33

Nanhte lam hkum dam myit; N kaja ai kanawn manang ni, mai kaja ai arawn alai hpe jahten ma ai.

TARA JAHPRANG 9:22

Dai hta kaga, Tabera, Masa hte Kibrot-hatawa shara hkan e mung nanhte Yehowa hpe shapawt manit dai.