BU HKAWM 10:9 - Jinghpaw Hanson Version Bible

⁹ Nanhte tinang a mungdan hta nga nga yang, nanhte hpe gasat sa ai hpyen ni hpang de hpyen rawt yang, dai pahke hpe awn ai hku nanhte dum na rai myit dai: shaloi nanhte a Karai Kasang Yehowa nanhte hpe myit dum nna, hpyen ni a lata na, nanhte hkye hkrang la ai lu la na rai myit dai.

Jinghpaw Common Language Bible 2009

⁹ Nanhte a mung hta majan byin nna nanhte hpe sa htim gasat ai gumlau hpyen hpe nanhte nan ninghkap shadaw nhtawm dai pahtau ni hte majan byin kumla hku dum dat ai shaloi Ngai Madu nanhte a Karai Kasang nan nanhte hpe karum la ai hte gumlau hpyen ni a lata kaw nna hkye hkrang la na made ai.

BU HKAWM 10:9 Iomraidhean Croise

NINGPAWT NINGHPANG 8:1

Shaloi Karai Kasang gaw Noa hte shi hte rau sanghpaw li hta rawng ai ashu ashan mahkra hte yamnga yawng hpe dum wu ai: dai majaw Karai Kasang gaw ga ntsa e nbung shabung dat wu ai rai nna, hka hpungtun ni sim mat ma ai;

2 HKAWHKAM LABAU 13:12

Yu mu, Karai Kasang anhte a hpaawn wa rai nga nna, shi a hkinjawng ni mung pahtau dum let nanhte hpe shadum na nga, anhte hta rai nga ma ai. Israela masha ni e, kaji kaw ni a Karai kasang Yehowa hpe hkum dai myit, hkap daw yang sum na myit dai ngu mu ai.

2 HKAWHKAM LABAU 13:14

Shaloi Yuda masha ni kayin mada yu yang, shanhte a shawng de hpang de hpyen hpring nga ai mu jang, shanhte Yehowa hpe jahtau nga nna, hkinjawng ni mung pahtau dum nga ma ai.

SHAKAWN KUNGDAWN 106:4

Nang lata la ai ni a ngamai ai lam ngai mu lu na hte, Na a amyu a kabu gara ai hta ngai mung kabu lu nna, Na a sali wunli hte shakawn kungdawn nga lu n ga,

SHAKAWN KUNGDAWN 106:42

Shanhte hpe gumlau ai ni shanhte hpe zingri zingrat nna, Dai ni a lata npu e, shanhte gum nga ma ai.

SHAKAWN KUNGDAWN 136:23

Anhte naw kaji nga yang, shi anhte hpe dum nga mi ai, Shi a chyeju htani htana agrin nga ai.

ESAIA 18:3

Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

ESAIA 58:1

Aja awa jahtau u; atsin sha hkum nga et; pahtau zawn na a nsen sharawt nna, nye a amyu hpe shanhte a shut hpyit ai lam, Yaku a nta na ni hpe tinang a yubak lam, shapraw dan mu.

YEREMIA 4:19

Myit htum nngai law, myit htum nngai law! Nye a kraw lawang machyi nga ai law; nye a myit masin aru ara rai nga ai; ngai atsin sha nga lu ai n rai: nye a wenyi e, nang gaw pahtau dum ai hte hpyen htim garu ai hpe na lu n hka.

YEREMIA 4:21

Ngai gaw gaten du hkra, dawnghkawn hpe mu lu nna, pahtau ngoi ai nsen na lu na rai ta?

YEREMIA 4:5

“Mungdan hta e pahtau dum mu; jahtau garu nna, zuphpawng mu; bunghku kum ai mare ni de anhte lung ga,” nga nna tsun ai ga hpe, Yuda mung hta e shana ya mu, Yerusalem mare hta shabra dat mu.

YEREMIA 49:2

Dai re ai majaw Yehowa ning nga ai: Yu mu, Ammon a kashu kasha ni nga ai Raba mare hta, hpyen gasat ai nsen ngai na shangun ai aten du na ra ai: dai mare gaw marawng marang sumpum tai nna, shi a shayi sha ni hkru mat na mara ai: shaloi Israela gaw shi e madu ai ni hpe bai madu na ra ai, nga nna Yehowa tsun ai.

YEREMIA 6:1

“Ben-yamin a kashu kasha ni e, Yerusalem mare na pru nna, lawt hkra hprawng mu; Tekoa kahtawng e pahtau dum mu; Bet-hahkerem e kumla sharawt mu: kaning rai nme law, ruyak ai hte jahten shabyak kaba, dingdung maga de na dawng pru nga ai.

YEREMIA 6:17

Bai, nanhte a ntsa e sin langa ni ngai tawn da nna, Pahtau dum ai nsen hpe madat mara mu, nga nna tsun yang, shanhte gaw, Anhte n madat na ga ai, nga nna htan ma ai.

EZEKELA 7:14

Shanhte pahtau dum nna, hpyen hkyen timung, hpyen gasat na kadai n pru nga ai; kaning rai nme law, nye a sindawng kahtet ai gaw, dai shawa hpung ting a ntsa e rai nga ai.

HOSEA 5:8

Gibea mare hta pahke, Rama mare hta pahtau, dum mu; Bet-awen shara e jahtau garu mu; Ben-yamin e, hpang de mada yu u.

JAW JAU 23:24

Israela kashu kasha ni hpe ning ngu tsun mu: Shata sanit hta langai ya ngu na shani gaw, nanhte a matu simsa nga na nhtoi hte, dum hprang let kabu gara nga na chyoi pra ai zuphpawng nhtoi rai malit dai.

AMO LAIKA (AMOS) 3:6

Mare hta pahtau dum yang, mare masha ni n hkrit kajawng na ma ni? Yehowa kaw na n rai yang, tsin-yam tsindam lama ma, mare hta byin na a ni?

ZEHPANI 1:16

bunghku kum ai mare ni hte, tsaw ai hpyen dap ni hpe htim let, pahtau dum nna, garu jahtau ai nhtoi, rai na ra ai.

BU HKAWM 31:6

Shing rai Mawshe gaw, hpyen gasat na matu, chyoi pra ai nta na arai ni hte dum garu na pahtau lang ai hkinjawng Eleaza a kasha Hpineha hte rau, amyu shagu hta na masha hkying hkying shangun dat wu ai.

1 KORINHTU 14:8

Pahke mung n ginhka ai hku dum yang, hpyen rawt na matu kadai hkyen na a ta?

TARA JAHPRANG 20:1

Masha hpyen ni hpe nang gasat sa wa ndai shaloi, gumra hte hpyen leng ni hpe mung, nang hta grau law ai masha ni hpe mung nang mu lu yang, nang shanhte hpe hkrit lu na n rai: kaning rai nme law, nang hpe Egutu mung na shaw woi wa ai, na a Karai Kasang Yehowa gaw nang hpang maga rai nga ai.

YAWSHU 6:5

Shing rai shanhte gaw garu pahtau hte mahku galu wa dum dat nna, dai pahtau mahku nanhte na jang, masha nlang nsen shaja nna jahtau garu dat na rai myit dai: shaloi mare bunghku yan ting gaw daw ru mat wa na ra ai rai nna, kadai mung tinang man ang ai kaw nna shang wa na rai myit dai,” ngu wu ai.

TARA AGYI 10:12

Sidon masha, Amalek masha hte Mao masha ni mung, nanhte hpe zingri zingrat myit dai; shaloi mung, nanhte ngai hpe jahtau nna, shanhte a lata na ngai nanhte hpe hkye la masade ai.

TARA AGYI 10:8

Dai amyu yan gaw dai aprat e Israela kashu kasha ni hpe zingri zingrat nna shadip da mu ai; Gilead mung, Amori masha ni a lamu ga hta wa nga ai, Yawdan hka wora hkran na ni hpe, shi matsat ning tup dip da nu ai.

TARA AGYI 2:18

Yehowa shanhte a matu tara agyi paw pru shangun yang, dai wa hte rau shi nga nga nna, tara agyi wa lakhtak ting hpyen ni a lata na shanhte hpe hkye la wu ai: kaning rai nme law, shanhte sharu shatsang zingri zingrat hkrum sha ai majaw jahtau shaga jang, Yehowa myit kayin ai rai nga ai.

TARA AGYI 3:27

Shaloi shi du wa jang Ehprim bum ga e, shi pahtau dum dat wu ai rai nna, Israela kashu kasha ni mung shi kaw hkan nang let bum ga de na yu wa ma ai.

TARA AGYI 6:34

Yehowa a Wenyi chyawm gaw Gidon hta dung nga nna, shi pahtau dum dat wu yang, Abiezra kasha ni hkan nang ma ai.

TARA AGYI 6:9

Egutu masha ni a lata na mung, nanhte hpe adip akrip di ai masha ni a lata na mung, ngai nanhte hpe mawai la nna, shanhte hpe shachyut kau nhtawm, shanhte a lamu ga nanhte hpe karan jaw masade ai:

1 SAMUELA 10:18

Bai, Israela kashu kasha ni hpe shi tsun wu ai gaw, “Israela Karai Kasang Yehowa ning nga nga ai: Nanhte Israela masha ni hpe Egutu mung na ngai shaw woi wa nna, Egutu masha ni a lata hte, nanhte hpe zingri zingrat di ai mungdan hkawhkam ni a lata na hkye hkrang la manit dai: