BU HKAWM 1:51 - Jinghpaw Hanson Version Bible

⁵¹ Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

Jinghpaw Common Language Bible 2009

⁵¹ Nanhte dabang htawt ai aten shagu, Lewi amyu ni mahtang Sum run hpya nna dabang nnan ni de bai du shagu dai hpe sharawt shachyaw na rai ma ai. Sum de shani sa wa ai ni kadai mung sat kau ai hkrum na rai wu ai.

BU HKAWM 1:51 Iomraidhean Croise

2 SAMUELA 6:7

De a majaw Yehowa Uza hpe masin pawt nna, shi a mara majaw, Karai Kasang shi hpe ari jaw nna, Karai Kasang a sumpu makau e shi si mat sai.

BU HKAWM 10:11

Ya ni ning shaning, shata lahkawng a nhtoi hkun ya du ai shani hta sumwi gaw sakse sumpan sum a ntsa na dawm mat wa ai rai nna,

BU HKAWM 16:40

dai rai nna, Arun lakung n re ai, amyu lakung gale ni Yehowa man e lawban nat nawng ai hte, Kora hte shi hpang maga na ni zawn n rai mu ga nga, Yehowa Mawshe a n-gup hta tsun da ai hte maren, dai gaw Israela kashu kasha ni hta shadum jahprang nga na kumla rai nga ai.

BU HKAWM 17:13

Yehowa a sumpan sum de sit sa ai hkum shagu teng teng si ma na ga ai; anhte yawng mayawng wa si htum mat wa na kun?” nga nna tsun ma ai.

BU HKAWM 17:5

Shaloi ngai lata la ai wa a dawhkrawng gaw apu pu na ra ai: ning rai jang she, Israela Kashu Kasha ni nang hpe aput apai nga ai ga, ngai na pu shara n nga na sai,” ngu wu ai.

BU HKAWM 18:22

Ya kaw nna Israela kashu kasha ni hta tinang a shut hpyit ai hte si ai yubak n hkrum hkra shawa sum de hkum htep sa manu ga.

BU HKAWM 18:3

Shanhte gaw nang hpe karum na hte dai Sum hpe yu lajang na rai ma ai: rai timung, nan wa ai hte shanhte si ai n hkrum myit ga dai chyoi pra nta a arai ni hte tawn hkungri de shanhte htep sa lu na n rai.

BU HKAWM 18:4

Shanhte gaw nang hpe karum nna, shawa sum hpe yu lajang ai hte, dai Sum hte seng ai yawng mayawng hpe gun hpai na rai ma ai: masha gale chyawm gaw nanhte kaw htep lu na n rai.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

BU HKAWM 3:10

Arun hte shi a shadang sha ni hpe nang aya dang tawn nna, shanhte gaw tinang a hkinjawng amu sin nga na rai ma ai: dai de htep sa ai amyu kaga masha gaw sat kau ai hkrum lu na wu ai,” ngu wu ai.

BU HKAWM 3:38

Mawshe yan Arun hte Arun a shadang sha ni chyawm gaw, Israela kashu kasha ni a matu dai chyoi pra ai nta hpe sin let shawa sum a sumpan nta a sinpraw man e but de ai ni rai nga ma ai: amyu kaga masha dai de sa htep yang, sat kau ai hkrum lu na rai wu ai.

1 SAMUELA 6:19

Ya Bet-sheme masha ni dai sumpu hta yu yu ai majaw, Yehowa shanhte hta na marai sanit shi hte, masha mun manga hpe sat kau mu ai: shing rai Yehowa shanhte hpe ari kaba jahkrum mu ai majaw, masha ni sharung shayawt nga ma ai.