BU HKAWM 1:1 - Jinghpaw Hanson Version Bible

¹ Ya Israela kashu kasha ni Egutu mung na pru wa ai ni ning e, shata lahkawng ngu na a langai ya shani hta, Sina nam mali, shawa sum hta e Yehowa Mawshe hpe tsun wu ai gaw:

Jinghpaw Common Language Bible 2009

¹ Ya Israela amyu masha ni Egutu mung na pru wa ai lahkawng ning e shata lahkawng ngu na langai ya shani hta dai Sina nam mali e nga ai shi a hpung shingkang shanu nga ai Sum hta dai Madu gaw Mawshe hpe ning ngu tsun wu ai. Shi gaw,

BU HKAWM 1:1 Iomraidhean Croise

1 HKAWHKAM 6:1

Israela masha ni gaw Egutu mung nna pru wa ai mali tsa matsat shi ning shaning e, Shawlumon gaw Israela mungdan hta hkaw dung ai mali ning shaning na Ziwa ngu ai shata lahkawng hta e, shi gaw Yehowa nta hpe gaw da hpang nga ai.

PRU MAT 19:1

Israela kashu kasha ni gaw Egutu mung na pru wa ai hpang, shata masum ngu na hta langai ya shani e Sina nam mali de du ma ai.

PRU MAT 19:2

Rehpidim na shanhte htawt nna Sina nam mali de du ma yang, dai nam mali hta shanhte but nga ma ai; dai yang na bum man e Israela amyu but nga ai.

PRU MAT 25:22

Dai kaw e ngai nang hte jahkrum nna, dai sakse sumpu a chyeju magap ntsa na, Hkerubim lahkawng a lapran e, Israela kashu kasha ni a matu mara, ngai nang hpe hkang dat ra ai lam shagu, ngai nang hpe ga tsun na nngai.”

PRU MAT 40:17

Shing rai ni ning shaning, shata langai a nnan shani hta Mawshe gaw dai sumpan nta sharawt wu ai.

PRU MAT 40:2

Shata langai ngu na hta nnan shani e, dai shawa sum a sumpan nta nang sharawt na rai ndai.

JAW JAU 1:1

Shaloi Yehowa shawa sum kaw nna Mawshe hpe shaga tsun wu ai gaw,

JAW JAU 27:34

Dai hte gaw Sina bum e Mawshe a lata hte, Israela kashu kasha ni a matu Yehowa jaw da ai hkang da ai ga ni rai nga ai.

BU HKAWM 1:18

shata lahkawng ngu na langai ya hta e shawa hpung nlang hpe jahpawng nhtawm, amyu lakung ni hkan nna, hkun ning hta lai ai ni a mying yawng langai hte langai di nna hti la wu ai.

BU HKAWM 12:4

Shaloi Yehowa gaw, “Nanhte masum shawa sum de sa yu marit,” nga nna Mawshe, Arun, Miriam hte hpe alawan shaga wu ai rai nna, shanhte masum pru sa wa ma ai.

BU HKAWM 9:1

Ya Egutu mung na pru wa ai ni ning shaning shata langai hta Sina nam mali e Yehowa Mawshe hpe tsun wu ai gaw,

TARA JAHPRANG 1:3

Hesbon e dung ai Amori hkawhkam Sihon hte, Edri makau e, Ashtarot e dung ai Bashan hkawhkam Oga hpe sat kau wu ai hpang e,

TARA JAHPRANG 2:14

Yehowa dagam kau wu ai hte maren, ndai hpyen dap hta lawm ai dai prat na hpyen masha nlang hte si grawm mat ma hkra, Kadesha-barnea de ningnan du ai shani kaw nna, Zered hkaraw tap ai nhtoi du yang, sumshi matsat ning na wa sai, rai nga ai.

TARA JAHPRANG 2:7

Kaning rai nme law, na a Karai Kasang Yehowa gaw lam shagu hta nang hpe shaman ya nit dai; ndai nam mali kaba hta e nang hkawm sa wa ai lam hpe shi dum ya nga ai; ndai mali shi ning tup na a Karai Kasang Yehowa gaw nang hte rau nga nga sai rai nna, nang hpa mung n ra hkra rai nit dai,’ ngu nngai.