1 TIMOHTI 5:4 - Jinghpaw Hanson Version Bible

⁴ Gaida jan langai ngai kasha, shing n rai kashu lu a yang gaw, shanhte gaw tinang a nta na ni hpe tara hkungga ai myit shawng e madun nna, tinang a kanu kawa ni hpe chyeju nhtang jaw na, sharin nga mu ga: dai gaw Karai Kasang a man e sharawng awng ai lam rai nga ai.

Jinghpaw Common Language Bible 2009

⁴ Rai ti mung gaida jan langai ngai hta kashu kasha lu ai rai yang, shanhte gaw tinang a dinghku a matu nawku htung makam masham hte seng nna galaw ra ai lit ni hpe shawng sharin la mu ga, shing rai galaw ai hku nna tinang a kanu kawa ni hte kaji kawoi ni hpe chyeju htang jaw mu ga, hpa majaw nga yang dai gaw Karai Kasang hpe sharawng awng shangun ai lam rai nga ai.

1 TIMOHTI 5:4 Iomraidhean Croise

NINGPAWT NINGHPANG 47:12

Shing rai Yawsep gaw shi a kawa pe mung, shi a kahpu kanau ni hpe mung, shi a kawa a nta masha ni mahkra hpe mung, Htinggaw hkan nna lusha mam hte bau wu ai.

NINGPAWT NINGHPANG 47:28

Yaku gaw Egutu mung e shi sanit ning sa nga ai rai nna, shi hkrung nga ai nhtoi yawng latsa e mali shi sanit ning rai lu ai.

YOBA 18:19

Shi a amyu hta nnaw n rawt ai hte, shi shanu ai shara hta langai mi mung n ngam nga ai.

GA SHAGAWP 31:28

shi a kashu kasha ni rawt nna, Nang a lu ndai, nga ma ai; shi a madu wa mung,

ESAIA 14:22

Zaw nawng zaw wa up ai Yehowa gaw, “Ngai shanhte hpe rawt gasat nna, Babelon mare a amying hte naw ngam nga ai ni hpe mung, kashu kasha ni hte aru arat hpe mung, shamyit kau na we ai, nga ai.

LUKA 2:51

Shi chyawm gaw shan hte rau yu wa nna, Nazaret mare de du wa ai: shan a npu e mung shi taw nga ai: shi a kanu gaw dai ga mahkra hpe shi kraw hta matsing da wu ai.

1 TIMOHTI 2:3

Dai gaw anhte a hkye hkrang la ai Madu Karai Kasang a man e mai kaja ai hte sharawng awng ai lam rai nga ai:

1 TIMOHTI 5:16

Kamsham ai numsha langai ngai kaw gaida jan nga a yang gaw, shi nan shanhte hpe galaw daw nna, dai Hpung hpe hkum shatsang u ga: shing rai dai Hpung gaw gaida jan majing ni hpe galaw daw lu na mara ai.

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

TARA AGYI 12:14

Dai wa gaw kasha mali shi hte kashu sumshi lu nna, shanhte gaw lawze kasha sanit shi jawn ma ai: shi gaw Israela hpe matsat ning tup tara dara ya wu ai.

RUHTA 2:18

Dai hpe gun wa nna mare de bai wa ai; shi gut lu ai mam dai kamoi hpe wa madun wu ai; shi sha hkru nna ngam tawn ai nmyi mung, shi hpe jaw dat wu ai.

RUHTA 2:2

Shaloi Moba num Ruhta gaw, “Ngai yi de sa nna, ai nawn ai ni kaw, mam nlim hkan gut ni ga yaw,” ngu nna Naomi kaw hpyi wu ai. Naomi mung, “Sa su, ngai nam gaw,” ngu dat wu ai.