1 TIMOHTI 2:3 - Jinghpaw Hanson Version Bible

³ Dai gaw anhte a hkye hkrang la ai Madu Karai Kasang a man e mai kaja ai hte sharawng awng ai lam rai nga ai:

Jinghpaw Common Language Bible 2009

³ Ndai amu gaw mai kaja ai amu rai nna anhte a hkye hkrang la ai Madu Karai Kasang hpe sharawng awng shangun nga ai.

1 TIMOHTI 2:3 Iomraidhean Croise

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

LUKA 1:47

Nye wenyi mung ngai hpe hkye la ai Madu Karai Kasang hta kabu gara li ai.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

HPILIPI 1:11

nanhte a tsawra ai myit gaw chye chyang ai hte myit leng ai yawng hta grau nna jat htam wa na matu ngai a hpyi nga nngai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

1 HTESALONI 4:1

Bai lam mi gaw, hpunau ni e, nanhte gaw Karai Kasang a man e kaning rai hkawm lu nna shi ra ai hku shadik lu na, anhte kaw na nanhte hkam la ai hte nanhte hkawm yu myit dai hte maren, dai hta e grau nna law htam wa myit ga, Madu Yesu hta anhte nanhte hpe hpyi nem nna shadut jahkat dat ga ai.

1 TIMOHTI 1:1

Anhte a Hkye hkrang la ai Madu Karai Kasang hte, anhte a myit mada shara rai nga ai Hkristu Yesu a htet da ai hte maren, Hkristu Yesu a kasa rai nga ai, ngai Pawlu gaw, dai makam masham hta nye a kasha majing rai nga ai Timohti hpe ga shana dat nngai.

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

1 TIMOHTI 5:4

Gaida jan langai ngai kasha, shing n rai kashu lu a yang gaw, shanhte gaw tinang a nta na ni hpe tara hkungga ai myit shawng e madun nna, tinang a kanu kawa ni hpe chyeju nhtang jaw na, sharin nga mu ga: dai gaw Karai Kasang a man e sharawng awng ai lam rai nga ai.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.

1 PETRU 2:20

Nanhte yubak galaw ninglen, htwi ai bye ai hkrum sha nna, machyi sharang nga myit yang gaw, hpa arawng lu la myit ta? Kaja ai amu galaw ninglen, nni nkri hkrum sha ai hte machyi sharang nga myit yang gaw, dai gaw Karai Kasang a man e akyu rai nga ai.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.