1 TIMOHTI 1:8 - Jinghpaw Hanson Version Bible

⁸ Marai langai ngai jep ai tara hpe sun ang ai hku sung nga a yang gaw, jep ai tara gaw mai kaja nga ai, anhte chye nga ga ai:

Jinghpaw Common Language Bible 2009

⁸ Dai jep ai Tara gaw sun ang ai hku jai lang yang, mai kaja nga ai hpe anhte chye ga ai.

1 TIMOHTI 1:8 Iomraidhean Croise

NEHEMIA 9:13

Nang nan Sina bum ntsa de yu wa nna, sumsing lamu kaw nna shanhte hpe shaga let, tengman tara dara ai lam, kangka re ai tara, mai kaja ai matsun maroi ga hte htet da ai ga, nang shanhte hpe jaw da mu ai:

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

ROMA 7:16

Rai timung, n galaw mayu ai hpe ngai galaw yang gaw, jep ai tara gaw kaja nga ai, ngai dai hte myit hkrum nngai.

ROMA 7:18

Kaning rai nme law, nye a kraw e, rai sa, nye a shinggyim hkum shan myit hta, kaja ai baw n rawng li ai, ngai chye nga nngai: galaw mayu ai myit ngai hta a rawng nga timung, mai kaja ai hku galaw na ngai n mu lu we ai.

ROMA 7:22

Kaning rai nme law, nye kraw lawang myit hte Karai Kasang a tara hta e ngai kabu gara nga nngai;

GALATI 3:21

Dai rai nna jep ai tara gaw Karai Kasang a ga ndat hte nhtan shai nga a ni? Shing n rai law; kaning rai nme law, hkrung ai asak jaw lu ai jep ai tara jaw da sai rai yang gaw, dinghpring ai gaw, gaja wa, jep ai tara hta e rai na ra ai.

2 TIMOHTI 2:5

Shingjawng ai poi hta shang ai wa mung, tara hte maren n shingjawng yang gaw, nampan shanghkawng dagraw lu na n rai.