ŊwɑꞋnɛ-Gɑŋntúu Yɛ́su Kɛlístɔ 5:9 - Kɑɑ Fí

⁹ Pyɛ̂ cú mbɔ̌ wɛ́ ŋɡɔ: «Pʉʉ lɔk yɛ́tɛ́ sʉktʉ́m lɑ ńtɔ́ ŋ́kwɑꞋlɛ Zẅikŋɛ-Tsɑpʉɔ? ZúꞋ pɑ́Ꞌ pʉɔ ntsundɑ́ ńnɛntɛ, pɔ́p fú nɛtẅíi ndúu mu. Lɑ́ pɔ́p ɡʉ ńtíi wú ɡúu ńdɔk ŋ́ɡʉ ńtẅíi nǔu.»

ŊwɑꞋnɛ-Gɑŋntúu Yɛ́su Kɛlístɔ 5:9 Iomraidhean Croise

1 Kɔlɛ̂ŋtɛ 10:9

Pɛkŋɛ pɑ́ɑ nɛtsʉ́ʉnɛ Tsɑpʉɔ tsʉ́ʉnɛ́nɛ. Ɛ́ pɛn ḿbɔ́ pɑ́Ꞌ pɛcɔ́ pʉɔ tsɛtsɛt pɔ́p kɑ ɡɛnɛ lɑ mɛnɔ́ tsúktɛ wɔ́p pɔ́p pfútɛ.

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

ŊwɑꞋnɛ-Gɑŋntúu Yɛ́su Kɛlístɔ 15:10

Ŋkɔ̂ɔnɛ, pʉʉ pɛn ŋ́ɡɛ ŋɡɔ́ku ḿbɔ́ ŋ́kwɑꞋlɛ Sɛ́? Pʉʉ lɔɔ nɛtíi piꞋ yi pɛtɑ́t pɛkŋɛ ŋ́kɑɑ ŋ́kuꞋ nɛtíi pɔ́, kwɑꞋ pɛkŋɛ pɛn ḿbɔɔ nǔu kuꞋ, ńzɑ́p tú pɔ́p kɛkʉ̈ɔ́?

Lúkɑ́shi 16:2

A fúŋ wɛ́ ḿbíkŋɛ wɛ́ ŋɡɔ: «N zúꞋ pɛ́ cú ŋɡɔ ɔ tsʉ́Ꞌ ŋ́ɡɛ pɔ ŋ́ɡɔ ku lɑ́ɑ? Pɔ́tnɛ ɛ́sɑ́ŋ yúu pi ŋ kɑ níꞋnɛ mbɔ̌ wu ɛ́sẅíi wɑ́ɑ. Mɔ, ŋ kɑ́ pɛn ŋ́kɔŋ ŋɡɔ ɔ líŋɛ mɛyúu mɑ́ɑ pɔ́.»

Mɑtʉ̈ɔ 4:7

Yɛ́su tsɔ́Ꞌ mbɔ̌ wɛ́ ŋɡɔ: «Pɛ́ kɑ pɛn ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ḿbɑ́ɑ ŋu nɛkwɑꞋnɛ Tsɑpʉɔ Sɛ́ wɛ kwɑꞋnɛ́nɛ ŋɡɔ ɑ ɡɛ yúu nǔu wɛ́.”»

Pʉɔ-Lɔ́mɑ 10:15

Mbɔ pɛ́ pɛn ɛ́sẅíi nu-Tsɑpʉɔ ŋɡɔ́ku kɛ́ pɔ́ yi pɛ́ túu pʉɔ pi pɔ́p ɡʉ ɛ́sẅíi? Ɛ́ fí nu yi ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɑ́ntúu pɔ́ tɛ ńtɔ́, ɛ́sẅíi pʉɔ nɛ́ nu sʉ́Ꞌnɛ, tsɑ́ɑtɛ pɔ́ sɛ́ ŋkɑ́ ɛ̂yɑ́.»

ŊwɑꞋnɛ-Gɑŋntúu Yɛ́su Kɛlístɔ 5:6

Ɛ́ ɡɔ́ ḿbɔ́, mbɔ ɑ lɑ́Ꞌ ḿpfú pɔ́Ꞌɔ, pɔ́ɔsuu lɔ sɛ́ ńdɔk pɔ́-ndẅí ŋ́kɑ́tɛ pfú yɛ́, ńtíi wɛ́ ŋ́ɡʉ ńtẅí.