Luka 7:13 - Azelle New Testament Portions

¹³ Ni se Yeso ni owai ogomme, nze ma kuna ogwengwene okome, nze ma gon owai me, “Tego rrewa ne.”

Luka 7:13 Iomraidhean Croise

Luka 10:1

Nze Yeso zaaka aye ano eturru sunaren neng repo, nze ma Toma nye anka repo repo a nga ngame ayimi ape neng tugwirgwirri zal, ara geme se maya narra ngame.

Luka 11:1

Oye dara nze Yeso aberoromo ariya. Ni se ma jamu, nze ono vento ayima ano yemasanga me ma gon me, “Asharri masado nane se woro neng ngona beroromo, sakama nane se Yohana ma masa ano yemasanga a me.”

Luka 11:39

Asharri gon me, “Nyi tuFarisi nyi kwizuzu amarro mpoto neng eso, ama ayema ka nyi, nyi ya binja neng everra neng everra neng ayabebo.

Luka 12:42

Achakura magarre ma gon me, “Orere ogome se oze o ngoma neng rremo, maze ono geme se achakura kome maya ngona a me ama wankǝlǝme atitǝu me, ama nya odangara arere me emo wucu.

Luka 13:15

Nze Achakura Yeso garre ma go, “Nyi ayebebo kǝwǝi, avizi ayima akanyi se mata buzu bivare abome ne bijake abome a daro Asabar ama ngamen beme aro shinǝ manyi ni?

Luka 17:5

Nze A toma me ngo Achakura Yeso, “Malado vati o wuna biruwa Ogomo Asharri dede.”

Luka 17:6

Nze Achakura ma gara ma gon nye, “Inga nyi zen o wuna biruwa, se odenye sakama bewo be oyis, egemese ekirra ebate ayimi esana zal, eya iya gunan otiti okuyǝng ogina, ‘Muku ayina oka tore ayimi orawa osaru,’ nze owe nane se nyi na guna owe.

Luka 18:6

Nze Achakura go nye, “Kunane eme geme se ono odera obi maganggang na buku.

Luka 19:8

Nze Zakka ma wera ma tore ma gon Yeso, “Achakura, kuna kan, miya wara omorra okon ka repo in yete owulu vento inya ano tuyan, ono ogome se min mana ka eyabo ekeme orona oworo, miya kursa akame anu kanaze.”

Luka 22:61

Nze Yeso nyiza a ji ma nǝri Bitrus, Bitrus donze nane se Yeso na buki a me, “Kamo guna bigorro bi tongarra neng atiyǝ kǝne, oya guna otaro ne ka taro.”

Luka 24:3

Nga pete ayim mi nga ta nǝri rripung ye Achakura Yeso ne.

Luka 24:34

nga ya gusa, “Ai, gangan ze Yeso na wera. Managa wonko a Bitrus.”

Luka 7:12

Ni se ma we voto neng arakai awo pete gwerri mi, nze aye ano kasuru neng eye ekeze o oye onomenyane, se maze base ayimi se mayome, onorromome gaze ma wi. Ano chebete asuru ogweri mi angame a teyame.

Luka 7:14

Nze ma ngame maka dorre uwago owe kezeme, nze ano zaka me nga tore. Nze Yeso go, onemanyene, “Min gon ngo wera!”

Luka 7:19

Nze ma Toma nye Achakura a nga sangarra me, “Ngo ze ono geme se ngo ya ra, ne worro we a ji awoi.”

Luka 8:52

Zal anogemese nga ze yima atitǝu mi, nga yo ya ra ze neng bikoko baka ogalla me na wǝnǝ. Yeso gon nye, “Tego nyi rrewa ne, ogalla me dan wee ne, maya rrongo ze.”