SHINGRAN 9:3 - Jinghpaw Common Language Bible 2009

³ Dai wan hkut hta na dinggam-yaw ni pru wa nna ga ntsa de hkrat wa ma ai. Shanhte hpe n-gaw-gawk ni lu ai baw daru atsam jaw da mu ai.

Jinghpaw Hanson Version Bible

³ Dai wan hkut hta na mung, ga ntsa de dinggam-yaw pru wa nna, ga na n-gawgawk lu ai ahkang zawn, dai ni hpe mung ahkang jaw mu ai.

SHINGRAN 9:3 Iomraidhean Croise

1 HKAWHKAM 12:11

Shanhte hpe, “Nye wa gaw nanhte a ntsa e li ai lit ni hpe mara da ya manit dai; ngai gaw dai ni hpe grau li hkra naw jat ya na nngai. Shi gaw nanhte hpe ri sumri lasik hte kayat ai; ngai chyawm gaw nanhte hpe hpri ju kap ai sumri hte anu kayat na made ai!,’” ngu nna tsun htang mu ai.

2 HKAWHKAM LABAU 10:11

Shanhte hpe, ‘Nye wa gaw nanhte a ntsa e li ai lit ni hpe mara da ya manit dai; ngai chyawm gaw nanhte hpe grau lit li hkra naw jat ya na made ai. Shi gaw nanhte hpe lasik sumri hte kayat ai; ngai mahtang nanhte hpe hpri ju kap ai sumri hte anu kayat na made ai!,’” ngu nna tsun htang wu ai.

2 HKAWHKAM LABAU 10:14

shi a shabrang ni hpaji jaw da masai hte maren, amyu masha ni hpe sheng mareng nga nna tsun wu ai. Shi gaw, “Nye wa gaw nanhte a ntsa e li ai lit ni hpe mara dat ya manit dai; ngai chyawm gaw dai lit ni hpe grau li hkra naw jat ya na made ai. Shi gaw nanhte hpe sumri lasik ni hte kayat ai; ngai mahtang nanhte hpe hpri ju kap ai sumri hte anu kayat na made ai!,” ngu nna tsun wu ai.

ESAIA 33:4

Shanhte madu da ai sut gan ni gaw htim amya la hkrum ai hte lanep shatai hkrum nga ma ai.

EZEKELA 2:6

“Rai ti mung, si chye ai masha wa e, nang gaw shanhte hpe hkrit ra ai n rai, shanhte tsun ai ga hpa hpe mung hkum hkrit et. Shanhte gaw nang hpe ninghkap nna n kaw n law di na mara ai; dai gaw n-gaw gawk ni a lapran e nga nga ai zawn rai na ra ai. Shanhte gumlau ai hpe mung, shanhte tsun ai ga hpa hpe mung hkum hkrit nga et.

YOELA 1:4

Nsi naisi ni hta dinggam-yaw wunawng mi a hpang wunawng mi kap nga ma ai; wunawng mi sha kamawng mat wa ai hpang wunawng mi sha kau nga ai.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

NAHUM 3:15

Nang hpa galaw ai rai tim, nang gaw dai shara hta nan hkru si mat na, shing n rai majan pa hta sat kau hkrum na rai ndai. Nang gaw dinggam-yaw ni sha kau hkrum ai nsi naisi ni zawn yeng seng kau hkrum na ndai. Nang gaw dinggam-yaw ni zawn law htam nga myit dai!

NAHUM 3:17

Na a du salang ni gaw kashung ai shani e shakum nhpan hkan kap ai dinggam-yaw wunawng wuwa ni zawn rai nga ma ti mung, jan kahtet wa ai shaloi shanhte pyen mat wa ma ai. Shanhte kade pyen hkawm mat wa ai hpe kadai n chye nga ai!

LUKA 10:19

Yu mu! Lapu hte n-gaw gawk ni hpe kabye lu na hte, gumlau a atsam yawng hpe dang lu na ahkang, ngai nanhte hpe jaw made ai rai nna, hpa mung nanhte hpe hkra lu na n rai.

TARA JAHPRANG 8:15

Shi gaw nanhte hpe atuk rawng ai lapu hte n-gaw gawk ni sawng ai dai hkrit hpa htat ai nam mali hku woi wa nhtawm, hkun hkraw nna lu na hka n nga ai shara hta nanhte a matu nhpai lungkring hta na hka shapraw jaw wu ai.

SHINGRAN 9:5

Dinggam-yaw ni, dai masha ni hpe shata manga zingri zingrat na hta lai nna sat na ahkang n jaw da mu ai. Dai zingri zingrat ai a machyi ai gaw, n-gaw-gawk na ai zawn nga nna machyi nga ai.

SHINGRAN 9:7

Dai dinggam-yaw ni gaw, hpyen gasat na matu byau shajin tawn ai gumra ni hte bung nga ai; shanhte a baw ni hta ja janmau ni zawn san ai chyawp tawn nna shanhte a myiman gaw masha a myiman hte bung nga malu ai.

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.