SHINGRAN 8:3 - Jinghpaw Common Language Bible 2009

³ Bai manam pyaw ai baw nat ai ja n-gawt lang ai lamu kasa kaga gaw, tawn hkungri makau e sa tsap nga ai. Dai tingnyang man e nga ai aja hkungri ntsa e, Karai Kasang a masha ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.

Jinghpaw Hanson Version Bible

³ Bai, manam pyaw ai baw nat ai n-gawt lang ai lamu kasa kaga, dai tawn hkungri makau e sa tsap nga ai; dai tingnyang man e nga ai aja hkungri ntsa e, chyoi pra ai ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.

SHINGRAN 8:3 Iomraidhean Croise

1 HKAWHKAM 7:50

gawm ni, wan lakap ni, hka wan ni, manam pyaw ai baw bang na ban ni, chyi nga ai wan n-ga hpai yang lang na wan ban pa ni, Chyoi Pra Htum Ai Shara a chyinghka hkanoi ni, Nawku Htingnu a shinggan chyinghka na hkanoi ni yawng hpe ja hte chya shatsawm da nga ai. Ndai shatsawm da ai arung arai ni yawng hpe ja hte galaw da nga ai.

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

PRU MAT 40:26

Shi gaw ja hkungri hpe mung Sum kata nba grang a man e tawn da nna,

ESAIA 6:6

Dai hpang hkrung kanu langai mi gaw lakap hte tawn hkungri ntsa na grung nga ai wan n-ga hpe matep lang let ngai hpang de pyen sa wa ai.

EZEKELA 41:22

arai langai mi nga nga ai. Dai gaw tsaw de pe 5 rai nna, nda maga de pe 4 rai nga ai; de a jut ni, madang hte shakum ni yawng hpun rai nga ai. Dai masha wa gaw ngai hpe, “Ndai gaw dai Madu a man e tawn da ai ku rai nga ai,” ngu nna tsun wu ai.

AMO LAIKA (AMOS) 9:1

Ngai gaw tawn hkungri makau e tsap nga ai Madu hpe mu nngai. Shi gaw ndai hkang da ai ga jaw wu ai: “Nawku Htingnu shadaw ni a pungding ni hpe agrawp shadaw kau mu, shaloi grai ja ai npawt nhpang gaw gari ashun wa na ra ai. Dai ni hpe agrawp daw ai hte amyu masha ni a ntsa de hkrat shangun u. Ngai gaw ngam nga ai amyu masha ni hpe majan hta sat kau na we ai. Kadai mung hprawng lu na n rai; langai mi mung lawt lu na ra ai n rai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

BU HKAWM 4:11

Dai hpang ja hkungri hpe mung sawm tsit ai sumpan hte kayawp nhtawm, mani tsawm ai shanhpyi hte de a ntsa e magap da na rai ma ai. Hpai na kandang ni hpe dinghkrawn bang da na rai ma ai.

LUKA 1:10

Dai manam pyaw ai baw nat nawng nga ai ahkying hta, nawku ai shawa masha ni nlang hte gaw, shinggan e akyu hpyi let nga nga ma ai.

ROMA 8:34

Daw dan lu ai wa gaw kadai wa mi rai nga a ta? Si hkam ai hta n ga, si mat ai ni hta na hkrung sharawt la hkrum nhtawm Karai Kasang kaw hpyi htinglu ya ai wa Hkristu Yesu shi nan rai nga ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

HEBRE 9:4

Dai hta e manam pyaw ai baw nat ai aja hkungri hte hkum ting ja hte sup tawn ai Ga Shaka Sumpu rawng nga ai. Dai Sumpu kata e manna muk rawng ai ja dibu mung, alap hkalung ni prut pru wa ai Arun a dawhkrawng mung, jep ai Tara hpe ka tawn ai lungpa 2 mung, rawng nga ai.

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 14:18

Dai hpang, wan hpe up madu ai lamu kasa kaga gaw, tawn hkungri de na pru nna, dai ai nhkyau lang ai lamu kasa hpe, “Na a dai ai nhkyau hpe la nna mungkan ga na sabyi si ni hpe dan la u, sabyi si ni myin nga sai!,” nga nna nsen kaba hte jahtau tsun ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.

SHINGRAN 6:9

Bai, Sagu Kasha gaw, manga ngu na dazik hpe hpaw dat wu yang, Karai Kasang a mungga hkaw tsun ai majaw mung, kangka sadi dung ai hte sakse hkam ai majaw mung, sat kau hkrum ai ni a Wenyi ni hpe tawn hkungri a npu e, ngai mu nngai.

SHINGRAN 7:2

Bai, ahkrung nga ai Karai Kasang a dazik lang tawn da ai lamu kasa langai mi sinpraw maga de nna pru lung wa ai hpe ngai mu nngai. Shi gaw lamu ga hte panglai hpe jahten shaza kau na ahkang jaw da hkrum ai lamu kasa mali hpe,

SHINGRAN 8:4

Manam pyaw ai baw nat nawng ai wan hkut gaw Karai Kasang a man e tsap nga ai lamu kasa a lata na, Karai Kasang a masha ni a akyu hpyi ai ga hte rau, mawng lung wa ai.

SHINGRAN 8:5

Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.

SHINGRAN 9:13

Dai hpang, kru ngu na lamu kasa gaw, pahtau dum dat wu ai. Shaloi Karai Kasang a man e nga ai ja hkungri a jut mali kaw na pru wa ai nsen langai mi hpe ngai na nngai.