SHINGRAN 7:1 - Jinghpaw Common Language Bible 2009

¹ Dai hpang lamu kasa mali gaw, lamu ga jut mali hta tsap nga nna, ga ntsa e mung, panglai ntsa e mung, hpun magup a ntsa e mung, nbung n bung bun lu hkra, ga man mali maga de na nbung ni hpe manat shingdang da nga ai gaw, ngai mu nngai.

Jinghpaw Hanson Version Bible

¹ Dai hpang lamu kasa mali gaw, lamu ga a njut mali hta tsap nga nna, ga ntsa e mung, nammukdara ntsa e mung, hpun magup a ntsa e mung, nbung n bung lu u ga, ga man mali maga de na nbung ni hpe manat shadang da nga ma ai gaw, ngai mu nngai.

SHINGRAN 7:1 Iomraidhean Croise

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 27:3

“Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

ESAIA 27:8

Dai Madu gaw shi a amyu masha ni hpe maigan mungdan de gawt shapraw kau ai ari jaw nga ai. Shi gaw shanhte hpe sinpraw nbung bung ja hte shapoi kau nu ai.

YEREMIA 49:36

Ngai gaw shara shagu hkan na nbung ni hte Elam hpe ahpawt kau shangun na we ai, tsin-yam hkrum sha ai masha ni n du hkawm ai mungdan mi n nga ai aten du hkra, dai mung masha ni hpe shara shagu hkan shabra kau na we ai.

EZEKELA 37:9

Karai Kasang gaw ngai hpe, “Si chye ai masha wa e, nbung hpe myihtoi htoi u. Dai nbung gaw mungkan man shagu de nna bung wa nhtawm ndai si mang ni a kata de nsoi nsa bang ya nna shanhte asak bai hkrung wa lu mu ga, Tsaw Htum ai dai Madu hkang da ai hte maren, nbung hpe tsun u,” ngu nna tsun wu ai.

EZEKELA 7:2

Shi gaw, “Si chye ai masha wa e, ndai gaw Israela mung hpe lakap nna Tsaw Htum ai Madu ngai nan tsun ai ga rai nga ai: Ndai gaw mungdan ting a matu jahtum rai nga ai!

Daniela 11:4

Rai ti mung, shi a daru magam n-gun wa tsaw ai aten hta, shi a hkawseng mungdan gaw agrawp mat nna mali brang garan mat na ra ai. Shi kaw nna n hkrat yu wa ai hkawhkam ni shi a shara hta up hkang wa na mara ai, rai ti mung shi lu ai daru magam n-gun daram shanhte lu ma ai n rai.

Daniela 7:2

dai shana e ngai mu ai yup mang rai nga ai: Nbung ni man shagu de nna bung wa nhtawm nammukdara hka man ntsa hku ahpawt mat wa nga ai.

Daniela 8:8

Dai bainam gaw grau grau nna shakawng shakat nga ai; rai ti mung shi n-gun atsam an nga yang, shi a nrung daw mat nga ai. De a shara hta laklai dan dawng ai nrung mali tu pru wa nna dai ni gaw kaga ga de madun dan nga ma ai.

YONA 1:4

Rai ti mung dai Madu gaw ja la ai nbung shangun dat ai rai nna dai nbung laru gaw grai ja ai majaw sanghpaw li gaw agrawp mat na daram hkrit tsang ra nga ai.

ZEHKARIA 6:1

Ngai gaw kaga shingran mung naw lu nngai. Ndai lang mung gumra leng mali gaw magri mang bum lahkawng a lapran kaw nna dan pru wa ai hpe ngai mu nngai.

ZEHKARIA 6:5

Shi chyawm gaw, “Ndai ni gaw nbung mali rai nga ai; dai ni gaw ginding aga yawng mayawng a Madu a man kaw nna du sa wa nga ma ai,” ngu nna htan wu ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

MARKU 13:27

Dai hpang shi gaw lamu kasa ni hpe lamu ga jut mali maga de shangun dat nna, aga htum ai shara kaw nna lamu htum ai shara du hkra shi lata la ai masha ni hpe shinggyin jahpawng la na maru ai.

SHINGRAN 20:8

Mungkan ting chyam bra nga ai Goga hte Magoga ngu ai masha amyu ni yawng hpe hkalem na matu pru sa wa na ra ai. Satan gaw hpyen gasat na matu panglai na zaibru daram law ai shi a masha ni hpe jahpawng da na ru ai.

SHINGRAN 6:6

Dai dusat amyu mali a ka-ang kaw nna ngoi pru ai ngu nna sawn la lu ai nsen langai mi hpe ngai na nngai. Dai nsen gaw, “Hkaulan n-gu bye mi hpe lani mi bungli galaw shabrai hku jaw ra ai; muk-yaw n-gu bye masum hpe lani mi a bungli galaw shabrai hku jaw ra ai; rai ti mung dai tsanlun hpun ni hte sabyi sun ni hpe chyawm gaw hkum jahten kau myit!,” nga nna tsun ai.

SHINGRAN 7:3

“Anhte a Karai Kasang a shangun ma ni a lahtan ni hta e dazik masat garai n shakap kap gaw, aga hpe mung, panglai hpe mung, hpun ni hpe mung, garai hkum zingri myit,” nga nna nsen kaba hte jahtau tsun wu ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.

SHINGRAN 9:14

Dai nsen gaw kru ngu na lamu kasa hpe, “Uhprat hka nu kaba makau e sharen da ai lamu kasa mali hpe raw dat u!,” nga nna tsun ai.

SHINGRAN 9:4

Shanhte gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, hkra lu na n rai, ngu nna hkang da ai hkrum ma ai. Tinang a lahtan ni hta Karai Kasang a dazik n kap ai masha ni hpe sha zingri lu na ngu nna jep da mu ai.