SHINGRAN 5:12 - Jinghpaw Common Language Bible 2009

¹² Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.

Jinghpaw Hanson Version Bible

¹² shanhte gaw Sat kau hkrum ai Sagu Kasha gaw, hpung shingkang, sutgan, hpaji byeng-ya, n-gun lagaw, arawng sadang, hpung shingkang hte shakawn kungdawn ai hpe hkam la na, ging dan nga ai law, nga nna nsen kaba hte tsun shakawn nga ma ai.

SHINGRAN 5:12 Iomraidhean Croise

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 19:1

Dai hte a hpang e, sumsing lamu kata e masha wunawng wuwa kaba langai mi a wu ngoi ai nsen hte bung ai nsen hpe ngai na nngai. Shanhte gaw, “Karai Kasang hpe shakawn kungdawn mu! Hkye hkrang la ai lam, hpung shingkang hte hpung dagu gaw, anhte a Karai Kasang hte seng nga ai!

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.

SHINGRAN 5:13

Dai hta n ga, lamu lahta tsang hta na mung, ginding aga ntsa hta na mung, mungkan ga a lawu tsang hta na mung, panglai hta na mung, ninggawn tawa ting na hkrung mahkrung yawng hte gaw, “Tingnyang hta dung nga ai wa hte Sagu Kasha gaw, arawng sadang hpung shingkang hte daru magam, anga nga u ga law!,” nga nna shanhte mahkawn mangoi nga ma ai hpe ngai na nngai.

SHINGRAN 5:6

Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

SHINGRAN 6:1

Shaloi dai Sagu Kasha gaw, dazik sanit hta na langai ngu na hpe hpaw dat ai ngai mu ai hte dusat amyu mali hta na langai mi, mu ngoi ai nsen zawn ngoi ai hte, “Sa rit!,” nga nna tsun ai hpe ngai na nngai.

SHINGRAN 7:12

“Amen! Shakawn kungdawn ai, hpung shingkang, hpaji byeng-ya, chyeju dum shakawn ai, arawng sadang, hpung dagu hte n-gun lagaw gaw, htani htana prat dingsa e anhte a Karai Kasang kaw anga nga u ga law, Amen,” nga nna tsun ma ai.