SHINGRAN 13:3 - Jinghpaw Common Language Bible 2009

³ Matse labye a baw ni hta na langai mi gaw, si na daram nma kap ai zawn rai nga ai, rai ti mung dai nma gaw mai mat salu ai. Mungkan ting gaw dai matse labye a lam mau mahka ai hte shi a hpang hkan nang nga ma ai.

Jinghpaw Hanson Version Bible

³ Shi a baw langai mi gaw, si hkra adup kau sai zawn rai nga ai, ngai mu nngai; rai timung, shi hpe jasi kau ai nma bai mai wa nna, mungkan ting dai matse labye a lam mau mahka nga ai hte,

SHINGRAN 13:3 Iomraidhean Croise

EZEKELA 30:24

Dai hpang, ngai gaw Babelon hkawhkam wa a lahpum hpe n-gun shaja ya nna nye a nhtu hpe mung shi a lata hta ap ya na nngai. Rai ti mung Egutu hkawhkam a lahpum hpe chyawm gaw agrawp kau ya na nngai; shi gaw shi a gumlau hpyen ni a man e madai ai hte si mat na ra ai.

LUKA 2:1

Dai ten e, Roma mungdan ting hta nga ai masha jahpan hta la na matu, Roma hkawseng Augustu kaw nna mungga shapraw dat wu ai.

YAWHAN 12:19

Dai re ai majaw Hparishe ni gaw, “Yu mu, anhte hta awng dang ai lam hpa mung n nga sai. Kaja wa mungkan ting gaw shi a hpang hkan mat wa masai,” nga nna shada da tsun shajang ma ai.

KASA 8:13

Simun shi nan mung kam sham wa nna hkalup hkam la ngut jang Hpilip kaw hkan nang nga ai. Lamik kumla hte mauhpa amu kaba ni galaw dan ai hpe shi mu yang mau mahka mat nga ai.

SHINGRAN 13:12

Shi gaw shawng na matse labye a ahkang aya yawng mayawng hpe dai matse labye a man e jai lang nna, si na daram re ai nma mai mat ai shawng na matse labye hpe dinghta ga hte dai hta nga ai ni hpe nawku shangun mu ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 17:10

Hkawhkam manga gaw hkrat mat masai; langai mi gaw naw up nga ai; kaga langai mi gaw garai n du sa ai; shi du sa ai shaloi jahkring mi sha shi up nga lu na ra ai.

SHINGRAN 17:11

Shawng de kalang mi asak hkrung nga yu nna ya n hkrung sai matse labye gaw matsat ngu na hkawhkam wa rai nga ai, rai ti mung dai hkawhkam sanit hta lawm nga ai rai nna, shi mung hten byak si mat ai de sa wa na ra ai.

SHINGRAN 17:13

Bai hkawhkam ni marai shi hta yaw shada ai lam langai sha rawng nga ai, rai nna, dai matse labye hpe shanhte a n-gun hte ahkang aya ap ya ma ai.

SHINGRAN 17:17

Hpa majaw nga yang, shanhte gaw Karai Kasang a mungga dik wa ai nhtoi du hkra, shanhte up hkang na ahkang aya, dai matse labye hpe myit hkrum ai hte ap ya mu ga nga, Karai Kasang gaw shanhte a kraw lawang hta shi a yaw shada ai lam hkan galaw na myit bang ya mu ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.