SHINGRAN 12:3 - Jinghpaw Common Language Bible 2009

³ Bai kaga mauhpa lamik kumla kaba langai mi lamu kata e dan pru wa ai. Baw sanit tu nna, nrung shi tu ai hkyeng ai baren numraw kaba langai mi gaw, shi a baw ni hta janmau langai hpra gup da nga ai.

Jinghpaw Hanson Version Bible

³ Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 12:3 Iomraidhean Croise

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

Daniela 2:41

Nang gaw chyen mi kagam ga hte chyen mi hpri rai nga ai lagaw hte lagaw latsang ni hpe mung mu nga ndai. Dai gaw hkawseng mungdan ga karan mat na lam rai nga ai. Dai hta hpri a n-gun lama mi lawm nga ai, hpa majaw nga yang dai hta ga hte kayau ai hpri rawng nga ai.

Daniela 2:42

Lagaw latsang ni gaw chyen mi hpri, chyen mi kagam ga rai nga ai, de a lachyum gaw hkawseng mungdan chyen mi n-gun ja wa nna de a chyen mi n-gun kya wa na lam rai nga ai.

Daniela 7:20

Ngai gaw de a baw hta tu ai nrung shi a lam mung, hpang e tu lung wa ai nrung hte nrung masum hkrat mat ai lam ni hpe mung chye mayu nngai. Dai ni hta myi ni tu nna, shakawng shakat gumrawng gumtawng ai hte tsun chye ai n-gup langai rawng nga ai. Dai wa mahtang kaga ni hta grau nna hkrit kajawng shangun nga ai.

Daniela 7:24

Dai nrung shi gaw dai hkawseng mungdan hpe up hkang na hkawhkam shi rai na ra ai. Dai hpang kaga hkawhkam paw pru wa na ra ai; shi gaw shawng na ni hte grai shai ai hte hkawhkam masum hte hpe dang kau na ra ai.

SHINGRAN 12:1

Dai hpang lamu kata hta e mauhpa lamik kumla kaba langai mi dan pru wa ai. Numsha langai mi gaw jan lawai nna shata kabye ai hte, shagan shi lahkawng kap ai janmau gup tawn da nga ai.

SHINGRAN 12:13

Dai baren numraw gaw shi hpe ga de jahkrat kau hkrum sai lam chye wu jang, shadang sha shangai ai num hpe rim la na matu hkan tam magang sai.

SHINGRAN 12:17

Dai shaloi, baren numraw gaw dai numsha a lam sindawng kahtet nna, numsha a ngam nga ai aru arat ngu ai Karai Kasang a hkang da ai ga hkan nang ai hte Madu Yesu shadan dan ai teng man ai mungga hta kangka ai hte hkan sa ai ni nlang hte hpe gasat kau na matu pru sa mat wa ai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 12:7

Dai hpang sumsing lamu hta e majan byin nga ai. Mihkaela hte shi a lamu kasa ni gaw, dai baren numraw hte gasat hkat nga ma ai; dai baren numraw mung shi a ali ama ni hte bai nhtang gasat ma ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.

SHINGRAN 13:4

Baren numraw gaw matse labye hpe shi a ahkang aya ap ya sai majaw, masha shagu gaw dai baren numraw hpe nawku ma ai. Shanhte dai matse labye hpe nawku ma ai hte, “Ndai matse labye hte kadai wa bung nga a ta? Shi hpe kadai wa shingjawng gasat lu na a ta?,” nga shajang ma ai.

SHINGRAN 15:1

Dai hpang sumsing lamu hta e n chye tsun dan hkra galu kaba nna mauhpa re ai lamik kumla kaba langai mi hpe ngai mu nngai. Dai lamik kumla gaw, ana zinli sanit lang ai lamu kasa sanit rai nna, Karai Kasang a pawt bu ai hpe hpang jahtum shangut ai lachyum shapraw dan ai mung rai nga ai.

SHINGRAN 16:13

Shaloi, shu zawn san ai, n san n seng ai nat masum hpe ngai mu nngai, Shanhte gaw, baren numraw a n-gup hta na mung, matse labye a n-gup hta na mung, myihtoi masu a n-gup hta na mung pru wa ma ai.

SHINGRAN 17:12

“Nang mu ai nrung shi gaw, hkawhkam ahkang aya garai n hkam la ai hkawhkam shi rai nga ma ai. Rai ti mung, dai matse labye hte rau hkying hkum mi hpra hkawhkam hku up na ahkang aya jaw da ai hkrum na mara ai.

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n ju n dawng na mara ai rai nna, shanhte gaw shawa num kaw na shi lu malu sharun la kau nna singgu krin shatai na maru ai. Shi a shan hpe sha nna wan hte nat kau na mara ai.

SHINGRAN 17:7

Dai rai nna, dai lamu kasa gaw, “Hpa majaw nang mau mahka nga n ta? Dai numsha a makoi magap ai hte sung htum ai lachyum hpe mung, baw sanit, nrung shi tu ai matse labye a makoi magap ai hte sung htum ai lachyum hpe mung, ngai nang hpe tsun dan de ga.

SHINGRAN 19:12

Shi a myi ni gaw wan shinglet zawn tu nga ai. Shi a baw hta janmau law law gup da nga ai. Shi hta lai nna kadai mung n chye ya lu ai mying shi a ntsa e ka kap da nga ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.