SHINGRAN 12:2 - Jinghpaw Common Language Bible 2009

² Shi gaw na-um nasin rai nna, shangai na matu shinggyim machyi ai majaw grai jahtau hkrap nga ai.

Jinghpaw Hanson Version Bible

² shi gaw na-um nasin rai nna, shangai na matu shinggyim machyi ai majaw, grai jahtau hkrap nga ai.

SHINGRAN 12:2 Iomraidhean Croise

ESAIA 26:17

Madu e, nang gaw anhte hpe shinggyim machyi hkrum ai majaw jahtau nga ai numsha zawn, jahtau shangun nga ndai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

ESAIA 54:1

Yerusalem e, nang gaw maudung num zawn rai nga ndai, rai ti mung, ya chyawm gaw nang mahkawn mangoi lu nna, kabu gara jahtau lu nga ndai. Ya chyawm gaw, madu wa galoi mung n kau da yu ai numsha hta pyi grau nna kashu kasha lu na rai ndai.

ESAIA 66:6

Madat mu! Mare kaw na ja ja garu ai nsen, dai Nawku Htingnu na nsen gaw shi a gumlau hpyen ni hpe ari jaw nga ai dai Madu a nsen rai nga a hka!

MIHKA 4:9

Nang hpa majaw ja ja jahtau shabam nga n ta? Shinggyim machyi ai num zawn nang hpa majaw nni nkri hkrum sha nga n ni? Nang hta hkawhkam n nga ai majaw kun? Nang hpe hpaji jaw ai ni si mat ai majaw kun?

MIHKA 5:3

Dai rai nna, shinggyim machyi ai num gaw shi a kasha shangai ai aten du hkra dai Madu gaw shi a amyu masha ni hpe shanhte a gumlau hpyen ni a lata de ap kau na ra ai. Dai hpang, bawng dung nga ai shi a mungdan masha hpu nau ni hte shanhte a amyu masha ni bai galung shinggyin wa na mara ai.

MAHTE 24:8

Ndai yawng mayawng chyawm gaw, shawng na ma shangai machyi ai hte bung nga ai.

YAWHAN 16:21

Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai.

GALATI 4:19

Tsaw ra ai kashu kasha ni e, Hkristu a gawng shingyan nanhte hta hkum tsup wa ai aten du hkra, ngai gaw ma shangai ai kanu zawn shinggyim machyi ai hpe nanhte a matu kalang mi bai hkam nga nngai.

GALATI 4:27

Hpa majaw nga yang, Chyum Laika hta, “Kasha n shangai ai maudung num ni e, kabu gara nga mu! Shinggyim machyi galoi mung n hkrum ga ai num ni e, marawn nna kabu jahtau mu! Hpa majaw nga yang, shagram kau hkrum ai num gaw la lu ai num hta kashu kasha grau nna lu na ra ai.” nga nna ka da nga ai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.