SHINGRAN 10:3 - Jinghpaw Common Language Bible 2009

³ hkanghkyi shabam ai zawn, nsen kaba hte jahtau dat wu ai. Shi jahtau dat wu yang, mu ngoi ai mahku sanit hte nsen shapraw nna htan ma ai.

Jinghpaw Hanson Version Bible

³ hkanghkyi shabam ai zawn, nsen kaba hte jahtau dat wu ai; shi jahtau dat wu yang, dai mu ngoi ai mahku sanit tinang a nsen shapraw ma ai.

SHINGRAN 10:3 Iomraidhean Croise

SHAKAWN KUNGDAWN 29:3

Dai Madu a nsen hpe, panglai hka ni a ntsa e, na lu nga ai; hpung shingkang dan hkung ai Karai Kasang a nsen gaw mu zawn ngoi nga ai, shi a nsen gaw nammukdara a ntsa e hpung tang kashaw nga ai.

GA SHAGAWP 19:12

Hkawhkam wa a masin kahtet ai gaw hkanghkyi shabam ai zawn rai nga ai; shi a chyeju myit gaw marang nhpaw hte bung nga ai.

ESAIA 31:4

Dai Madu gaw ngai hpe, “Sagu rem ni kade daram jahtau jahkrit tim, shanhte gaw ashan kawa sat da ai dusat kaw na hkanghkyi hpe jahkrit kau lu ma ai n rai; dai hte maren, Ziun Bum hpe makawp maga nga ai Chyahtum Chyalai N-gun rawng ai dai Madu ngai hpe shingdang lu ai hpa mung nga ai n rai.

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

YEREMIA 25:30

Yeremia e, nang gaw ngai tsun ai lam yawng mayawng hte hpe hkaw tsun na rai nga ndai. Nang gaw ndai amyu masha ni hpe, ‘Dai Madu gaw sumsing lamu kaw na shabam ai hte sumsing lamu a tsaw ai shara kaw nna mu shangoi dat na ra ai. Shi gaw shi a amyu masha ni hpe shabam nna, sabyi si kabye ai wa zawn marawn jahtau na ra ai. Ginding aga ntsa na masha shagu hte gaw shi a nsen hpe na na mara ai,

EZEKELA 10:5

Dai hkrung kanu ni a singkaw kahprap wu ngoi ai nsen gaw shinggan wang de du hkra pyi na lu nga ai. De a wu kadu ai nsen gaw Chyahtum Chyalai N-gun Rawng ai Karai Kasang a nsen zawn rai nga ai.

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

YOELA 3:16

Dai Madu gaw Ziun Bum kaw nna shabam dat nhtawm, shi a nsen Yerusalem kaw na ngoi kadu nga ai; Ginding aga hte sumsing lamu gari ashun nga ai. Rai ti mung, shi gaw shi a amyu masha ni hpe makawp ninggang tai ya na ra ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

SHINGRAN 14:2

Bai, sumsing lamu kata nna, hka rum ngoi kashaw ai nsen hte mu matut manoi htim yang na nsen zawn ngoi gunggang ai nsen hpe ngai na we ai. Dai nsen gaw, yu ngwi ninghkrin ni shanhte a tingse ni hpe dum dat ai shaloi ngoi pru wa ai mahku nsen hte bung nga ai.

SHINGRAN 15:1

Dai hpang sumsing lamu hta e n chye tsun dan hkra galu kaba nna mauhpa re ai lamik kumla kaba langai mi hpe ngai mu nngai. Dai lamik kumla gaw, ana zinli sanit lang ai lamu kasa sanit rai nna, Karai Kasang a pawt bu ai hpe hpang jahtum shangut ai lachyum shapraw dan ai mung rai nga ai.

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a pawt sindawng kahtet ai hte hpring chyat re ai ja gawm sanit, dai lamu kasa sanit hte hpe jaw mu ai.

SHINGRAN 4:5

Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.

SHINGRAN 8:5

Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.