SHINGRAN 1:7 - Jinghpaw Common Language Bible 2009

⁷ Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

Jinghpaw Hanson Version Bible

⁷ Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

SHINGRAN 1:7 Iomraidhean Croise

YOBA 33:26

Shanhte akyu hpyi yang Karai Kasang htan ya na ra ai; shanhte gaw Karai Kasang hpe kabu gara ai hte nawku na mara ai; Karai Kasang gaw shanhte a matu kaja ai arung arai ni hpe bai lajang tawn da ya na ra ai.

SHAKAWN KUNGDAWN 22:16

N hkru ai masha hpung mi, ngai hpe wang gawan da nna; gwi wunawng mi ngai kaw htim sa wa ai zawn shanhte ngai kaw htim sa wa ma ai; shing rai shanhte gaw nye a lagaw lata ni hpe gang je nga ma ai.

SHAKAWN KUNGDAWN 68:1

Karai Kasang gaw rawt nna shi a gumlau hpyen ni hpe shabra kau nga ai; shi hpe n dawng n yawt ai ni, sum ai hte hprawng mat ma ai.

SHAKAWN KUNGDAWN 97:2

Sumwi ni hte nsin gaw shi hpe gawan shinggrup da nna; shi gaw tara ai hte ding man ai hku up hkang nga ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

NAHUM 1:3

Dai Madu gaw loi loi hte masin pawt ai n rai, rai ti mung shi gaw daru magam n-gun rawng nga ai hte mara lu ai wa hpe ari n jaw ai sha galoi mung dat dat ai n rai. Dai Madu hkawm ai shara hta, laru ru nga ai; sumwi ni gaw shi a lagaw a npu na ga nhpu rai nga a hka!

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

ZEHKARIA 12:11

Dai aten hta Megido pa layang e Hadad Rimon a matu sharung shayawt ai zawn Yerusalem hta sharung shayawt lam kaba byin wa na ra ai.

BU HKAWM 24:17

Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 24:30

Dai shaloi e, Masha Kasha a kumla ni gaw sumsing lamu hta e dan pru na ra ai rai nna, shaloi jang ga ntsa na masha ni yawng gaw, dai Masha Kasha daru magam hpung shingkang kaba hte nawng lamu a sumwi ni hta jawn nna du sa ai hpe mu nna sharung shayawt na mara ai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MAHTE 26:64

Yesu gaw, “Nang tsun ai hte maren rai nga ai. Rai ti mung ngai nanhte yawng hpe tsun made ga, ya kaw nna dai Masha Kasha gaw daru magam ahkang aya lu ai wa a hkra maga e dung nga nna lamu na sumwi ni hte du sa ai hpe nanhte mu na marin dai!,” ngu nna shi hpe tsun wu ai.

MARKU 13:26

Dai shaloi e, Masha Kasha gaw daru magam hpung shingkang kaba hte sumwi ni hta e du sa ai hpe mu lu na mara ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw, daru magam hpung shingkang rawng ai wa a hkra maga de dung nga nna, lamu na sumwi ni hte du sa ai hpe, nanhte mu na marin dai,” ngu wu ai.

LUKA 21:27

Dai shaloi e Masha Kasha gaw, daru magam atsam, hpung shingkang kaba hte nawng, sumwi hta du sa ai hpe shanhte mu na mara ai.

YAWHAN 19:34

Dai re ai pyi hpyen masha langai mi gaw, Yesu a garep hpe ri hte galun waw ya wu ai rai nna, shaloi jang sai hte ntsin pru wa ai.

YAWHAN 19:37

Bai kaga laika langai mi hta mung, “Shanhte galun waw ai wa hpe mada yu na maru ai,” nga ai.

1 HTESALONI 1:10

sumsing lamu de na du sa na ra ai Karai Kasang a Kasha hpe ala nga myit dai hpe mung, dai masha ni yawng tsun kajai nga ma ai. Dai Kasha Yesu gaw, si mat ai kaw na Karai Kasang e hkrung sharawt la nna, du na ra ai Karai Kasang a pawt sindawng ai kaw na anhte hpe mawai la ai wa rai nga ai.

1 HTESALONI 4:17

Dai hpang dai Madu hpe ka-ang ganghkau e hkrum na matu, dai aten hta anhte naw hkrung nga ai ni hpe si mat wa sai ni hte rau, sumwi ntsa de shalun la ai hkrum na raga ai. Shingrai anhte gaw galoi mung Madu hte rau anga nga na ga ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 6:6

Shing re ai hpang she, ya shanhte gaw shanhte a makam masham hpe kau da manu ai. Shanhte gaw Karai Kasang a Kasha hpe wudang hta kalang mi bai jen da nna, shawa masha ni a man e n gawn n sawn di kaya jahkrum da nga ma ai majaw, shanhte hpe myit malai bai lu shangun na matu gara hku mung n mai byin mat sai.

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.

YUDA 1:14

Adam a prat kaw nna ading tawk yu hkrat wa ai prat sanit ngu na Enuk gaw moi chyaloi nhkoi kaw nna ndai masha ni a lam hpe, “Dai Madu gaw shi a chyoi pra ai lamu kasa mun mun sen sen hte du sa nna,

SHINGRAN 22:20

Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!

SHINGRAN 22:4

Shanhte gaw, shi myi man hpe ayu mada nga lu na mara ai rai nna, shanhte a lahtan ni hta shi a mying nsang ka kap da na ra ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.