SHINGRAN 1:5 - Jinghpaw Common Language Bible 2009

⁵ Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

Jinghpaw Hanson Version Bible

⁵ kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 1:5 Iomraidhean Croise

SHAKAWN KUNGDAWN 51:2

Nye a n hkru n shawp ai lam yawng hte hpe kashin kau ya nna, nye a yubak kaw na ngai hpe jasan jaseng la e!

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

SHAKAWN KUNGDAWN 89:27

Ngai shi hpe nye a kasha alat aya hta dang da na nngai; hkawhkam ni yawng hte hta grau kaba ai wa, ngai shatai na we ai.

GA SHAGAWP 14:5

Kam ging ai sakse wa gaw teng man ai lam hpe tut nawng e tsun nga ai; rai ti mung, n kam lu ai sakse wa chyawm gaw masu magaw hta lai nna hpa mung n tsun nga ai.

ESAIA 55:4

Ngai gaw shi hpe ningbaw hte masha amyu baw ni a hpyen du tai shangun ni ai, shi hku nna, ngai shanhte hpe nye a daru magam n-gun madun dan ni ai.

Daniela 2:2

dai rai nna shi gaw shi a yup mang sa htai ya na matu, gumhpan hpan ai ni, mandan sara ni, lakle sara ni hte hpyi lamum sara ni hpe shaga dat wu ai. Shanhte gaw hkawhkam wa a man e sa tsap shajang nga ma yang,

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

JAW JAU 13:58

Shi gaw dai arai hpe hkrut nna dai nshu lamu hkang mat mat ai rai yang, dai hpe shi bai hkrut nhtawm san seng mat na rai nga ai.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

YAWHAN 13:1

Ya, aten gaw Shalai wa ai Poi nhtoi a shawng shani e rai nga ai. Yesu gaw ndai mungkan ga na pru nna, shi a Kawa hpang de wa na matu ahkying du wa sai hpe chye wu ai. Shi gaw ndai mungkan ga e nga ai shi a masha ni hpe galoi mung a tsaw ra nga mu ai rai nna, jahtum nhtoi du hkra shanhte hpe tsaw ra mu ai.

YAWHAN 13:34

‘Shada da tsaw ra nga mu,’ ngu nna Tara Ningnan ngai nanhte hpe jaw made ai. Ngai nanhte hpe tsaw ra made ai zawn, nanhte mung shada da tsaw ra nga lu na rai myit dai.

YAWHAN 15:9

Wa gaw ngai hpe tsaw ra ai zawn, ngai mung nanhte hpe tsaw ra made ai; nye Wa a tsaw ra ai hta maju jung nga mu.

YAWHAN 18:37

Dai re ai majaw Pilat gaw, “Rai taw, nang hkawhkam langai mi rai nga n ni?,” ngu nna san wu ai. Yesu gaw, “Ngai hkawhkam langai mi re ai nga nna nang tsun nga ndai. Ngai gaw dai teng man ai lam hkaw tsun na yaw shada ai lam langai mi a matu ngai shangai chyinghkai wa ni ai hte mungkan ga de du sa ring ngai. Dai teng man ai hte seng ai ni nlang hte gaw, nye a ga nsen madat ma ai,” ngu nna htan wu ai.

YAWHAN 3:11

Ngai nang hpe kaja wa teng teng tsun de ga, anhte gaw tinang chye ai lam hpe tsun ga ai, rai ti mung nanhte langai mi mung anhte a sakse ga hpe n hkap la myit dai.

YAWHAN 3:16

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

YAWHAN 3:32

Shi gaw, shi mu la, na la sai lam ni hpe sakse hkam nga ai; rai ti mung shi hkaw tsun sakse hkam ai ga hpe kadai mung n hkap la ma ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 26:23

Meshia gaw nni nkri hkrum lu na hte si ai ni kaw na shawng hkrung rawt wa nna, Israela amyu masha ni hte maigan masha ni hpe hkye hkrang la ai nhtoi hkaw tsun shana ya na ra ai ngu ai lam myihtoi ni hte Mawshe hkaw tsun lai wa sai hte maren byin wa na ra ai ngu ai lam rai nga ai,” ngu wu ai.

ROMA 3:25

Hkristu si hkam ai a marang e masha ni gaw yubak mara kaw na raw dat kau hkrum na matu Karai Kasang gaw dai Madu hpe gawng malai hkungga tai na san ya sai. Masha ni gaw shi hpe kam sham ai a marang e yubak mara kaw na raw dat hkrum ma ai, Karai Kasang gaw Hkristu hpe shagu hkungga hku masat ya ai lam gaw shinggyim masha ni hpe ding hpring ai ni ngu nna gara hku hkap la ai lam madun shadan dan na matu rai nga ai. Lai wa sai prat hta Karai Kasang gaw hkam sharang nna yubak mara ni hpe yu shalai kau ya sai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 2:4

Rai ti mung Karai Kasang gaw matsan dum ai myit grai law htam nna shi anhte hpe tsaw ra ai myit kaba la nga ai rai nna,

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

TARA JAHPRANG 18:2

Shanhte gaw kaga amyu bawsang ni zawn lamu ga sali lu madu la lu na mu ai n rai. Shanhte lu la ai kumhtaw gaw dai Madu ga sadi tawn da nu ai hte maren, dai Madu a hkinjawng tai na ahkaw ahkang sha lu nga ma ai.

TARA JAHPRANG 23:5

Rai ti mung dai Madu nanhte a Karai Kasang gaw Balam a ga n madat ai sha, shing di na malai shi nang hpe tsaw ra nga ai majaw dagam ai hpe shaman ai shatai kau ya wu ai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

1 TIMOHTI 6:13

Nga yawng nga pra hpe asak jaw ya ai wa Karai Kasang a man e mung, Pilat a man e shi kam sham ai lam hpe ngang ngang kang kang yin la ai Hkristu a man e mung, ndai magam lit gun hpai na matu ngai hkang da de ai.

1 TIMOHTI 6:15

Langai sha rai nga ai daru magam hpung shingkang rawng nna up hkang ai wa, hkawhkam ni a Hkawhkam Madu ni a Madu, Karai Kasang gaw, aten ladaw du jang Madu Yesu hpe kalang mi bai dan pru shangun na ru ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

1 PETRU 1:19

Ana n kap ra n rawng ai sagu kasha hte bung ai hpu la ai Hkristu a asak hpe nawng ya kau ai hku nna, hkye hkrang la ai lam rai nga ai.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

1 YAWHAN 4:10

Tsaw ra ai myit ngu nna tsun ai shaloi; anhte Karai Kasang hpe tsaw ra ai hpe ngu ai n rai, anhte a yubak mara ni hpe raw dat kau ya na matu gawng malai hkungga tai u ga, shi a Kasha hpe shangun dat ai hte tsaw ra mi ai hpe ngu ai rai nga ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 3:14

“Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.