SHINGRAN 1:4 - Jinghpaw Common Language Bible 2009

⁴ Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

Jinghpaw Hanson Version Bible

⁴ Ngai Yawhan gaw, Asia mung e nga ai Hpung sanit hte hpe, ga shana dat nngai; ndai aprat e, moi na aprat e anga nga nna, htawm hpang e du na ra ai wa kaw nna mung; shi a tingnyang man e nga ai wenyi sanit kaw nna mung;

SHINGRAN 1:4 Iomraidhean Croise

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.

PRU MAT 3:14

Karai Kasang gaw, “Ngai gaw Ngai rai nga nngai. Nang gaw shanhte hpe: ‘Ngai Rai Nga Nngai,’ ngu ai Wa gaw, nanhte hpang de ngai hpe shangun dat ni ai,’ ngu nna tsun lu na ndai.

ESAIA 11:2

Dai Madu a wenyi gaw shi hpe hpaji byeng-ya, chye chyang ai nyan hte kung kyang ai hpaji jaw ya na ra ai. Shi gaw shi a amyu masha ni hpe up hkang na ra ai. Shi gaw dai Madu a myit ra ai hpe chye nna, shi hpe shagrau sha-a na ra ai,

ESAIA 41:4

Ndai zawn re ai hpe shabyin dat ai wa gaw kadai rai nga a ta? Masha ban hte ban a labau hpe kadai gawn dan a ta? Dai Madu ngai gaw shawng npawt e nga nga nngai, Dai Madu ngai gaw ahpang jahtum e mung nga nga na nngai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

ZEHKARIA 3:9

Man sanit rawng ai nlung langai mi hpe Yawshu a man e ngai tawn da nngai. Dai hta nlung laika tawk ka da na nngai; shing rai lani jan hta sha, ndai mungdan na yubak mara hpe htawm kau na we ai.

ZEHKARIA 6:5

Shi chyawm gaw, “Ndai ni gaw nbung mali rai nga ai; dai ni gaw ginding aga yawng mayawng a Madu a man kaw nna du sa wa nga ma ai,” ngu nna htan wu ai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai, dai Mungga nan Karai Kasang rai nga ai. Shi gaw Karai Kasang hte maren rai nga ai.

KASA 19:10

Shing rai ni ning tup tsun bawng sharin shaga nga ai rai nna, Asi mung ting hta nga ai Yuda masha ni hte Grik amyu masha ni nlang Madu a mungga na la lu ma ai.

KASA 2:9

Anhte gaw Parhti, Medi, Elam, mung na ni hte Mesapotamia mung e nga ai ni, Yuda hte Kapadokia mung, Pontu hte Asi,

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

1 KORINHTU 1:3

Anhte a Wa Karai Kasang hte Madu Yesu Hkristu kaw na ngwi pyaw ai gaw nanhte hta e anga nga malit ga law.

2 KORINHTU 1:2

Anhte a Wa Karai Kasang hte Madu Yesu Hkristu gaw chyeju hte ngwi pyaw ai lam nanhte hpe jaw ya myit ga law.

HEBRE 13:8

Yesu Hkristu gaw mani, dai ni, htawm prat dingsa maren anga nga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

SHINGRAN 1:20

Nye a hkra lata hta nang mu lu ai shagan sanit hte ja pyengdin sanit a makoi magap da ai lachyum gaw da ndai rai nga ai: shagan sanit hte gaw hpung sanit hpe sin ai lamu kasa sanit rai nna, pyengdin sanit gaw dai hpung sanit rai nga ai.

SHINGRAN 1:8

Ngai gaw ningshawng wa mung rai nga nngai, jahtum wa mung rai nga nngai, nga nna ndai prat e mung, moi prat e mung, du na ra ai htawm hpang prat e mung anga nga ai Chyahtum Chyalai n-gun atsam rawng ai Madu Karai Kasang gaw tsun nga ai.

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 16:5

Shaloi hka sin ai lamu kasa gaw, “Ya prat e, moi prat e, dinggrin anga nga ai Chyoi pra ai Wa e, nang jeyang ai lam ni gaw teng man nga lit dai!,” nga nna tsun ai hpe ngai na nngai.

SHINGRAN 2:12

“Pergamu mare na hpung a lamu kasa hpe ning ngu ka dat u: “Ndai gaw nshan lahkawng maga dai ai ntawng nhtu lang ai wa kaw na mungga rai nga ai.

SHINGRAN 2:18

“Htuatira mare na hpung a lamu kasa hpe ning ngu ka dat u: “Ndai gaw, wan shinglet zawn tu ala ai myi hte, arut shatsawm tawn ai magri htoi zawn san ai lagaw tu ai Karai Kasang a kasha kaw na mungga rai nga ai.

SHINGRAN 2:8

“Samurna hpung a lamu kasa hpe ning ngu ka dat u: “Ndai gaw, ningshawng wa hte jahtum wa, si sai rai ti mung asak bai hkrung wa ai wa kaw na mungga rai nga ai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.

SHINGRAN 22:8

Ngai Yawhan gaw, ndai lam ni yawng hpe na lu ai hte mu lu ai wa rai nga nngai. Ndai hte hpe mu lu ai hte na lu ngut jang, ndai lam ni ngai hpe madun dan ai lamu kasa a lagaw nhpang e, shi hpe nawku na matu ngai dingnyawm dagup nngai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.

SHINGRAN 3:14

“Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.

SHINGRAN 4:5

Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.

SHINGRAN 4:8

Dai dusat mali hte hta langai hte langai singkaw kru hpra hpra tu nna, shanhte a hkum kata e mung, shinggan e mung hkum grup myi hkrai pri rai nga ai. Shanhte gaw shani shana n sim n sa ai sha: “Moi na prat e, ya na prat e, htawm hpang du na ra ai prat e dinggrin anga nga ai, Chyahtum Chyalai n-gun Rawng ai, Madu Karai Kasang gaw, chyoi pra, chyoi pra, chyoi pra arai nga ai law!,” nga nna tsun ma ai.

SHINGRAN 5:6

Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.